Kim , nakadawat og “Best Global Star” award sa South Korea

CEBU, Philippines — Mapasalamaton ang Kapamilya actress nga si Kim Chiu human nadawat ang Best Global Star Award  gikan sa iMBC Awards sa South Korea.

Sa iyang Instagram post, gipabuhagay  sa aktres  ang iyang pagpasalamat sa iyang management, pamilya, mga higala ug fans nga padayong misuporta kaniya sulod sa daghang katuigan.

Gipaambit usab niya ang iyang garbo nga ipresentar  ang Pilipinas sa maong prestihiyosong award-giving body.

Matud pa sa aktres, ang maong pag-ila  dili lamang alang kaniya kundili alang usab sa mga tawo nga walay kondisyon nga naghatag kaniya og  suporta.

Sa iyang Instagram  account , gipaambit ni  Kim ang hulagway sa tropeyo nga iyang nadawat .

Kauban ni Kim  sa  nakadawat og pasidungog mao ang Kapamilya actor nga si Paulo Avelino, nga nakakuha sa Outstanding Asian Star award.