Kinabuhi ni Heart

CEBU, Philippines — Sa pagsulod ni Heart Evangelista isip  houseguest sa Pinoy Big Brother (PBB) Celebrity Collab Edition, gipaambit sa aktres ngadto sa housemates ang dagan sa iyang kinabuhi ilabi na sa pagsulod niya sa kalibotan sa kaminyoon. Nahisgotan usab ang mga naagian niya nga hagit sa kinabuhi .

Tribute alang kang Ricky

Gihatagan og tribute ang nipanaw nga aktor nga si Ricky Davao atol sa  media conference sa Encantadia Chronicles: Sang’gre! niadtong Domingo.  Gipakpakan ang video clip nga nagpakita sa usa sa mga  eksena ni Ricky sa maong serye .Mao kini ang katapusang  proyekto ni Ricky sa telebisyon sa wala pa kini nipanaw.Gidala  ni Ricky ang karakter ni Governor Emil Salvador.

Mipasilong sa Star Magic

Nipirma na og kontrata ang award-winning actor nga si  Paulo Avelino sa talent agency arm sa ABS-CBN nga  Star Magic . Nagpasabot kini nga magpabiling Kapamilya  aktor . Excited na si Paulo sa umaabot niya nga Kapamilya series.

Kylie nagmaoy?

Gisumsoman karon ang cryptic post sa Kapuso actress nga si Kylie Padilla nga makita sa iyang Instagram story.

Nakuryuso ang netizens sa  "broken-heart emoji" nga iyang gi-post .

Pipila niini kay nagduda nga posibleng nagmaoy ang aktres karong panahona .

Kahinumdoman nga sa niaging tuig, giangkon ni Kylie nga duna siya'y non-showbiz  boyfriend.

Grae migradwar sa drama school sa NY

Hingpit na nga nigradwar ang aktor nga si  Grae Fernandez sa usa ka drama school didto sa   New York.

Nitambong pud sa seremonya ang inahan ni Grae nga si Melissa Garcia. Kapin sa duha ka tuig nga nagtungha ang aktor sa  Stella Adler Studio of Acting.

Liboan na ka mga artista ang niagi sa maong tunghaan nga natukod niadtong  1949.

"The studio’s mission is to create an environment with the purpose of nurturing theater artists and audiences who value humanity, their own and others, as their first and most precious priority by providing art and education to the greater community," tipik sa namantala nga mensahe sa ilang  website.

Rain milusad sa iyang mini album

Gilusad  sa kanhi “Pinoy Big Brother: Gen 11”  housemate nga si Rain Celmar ang iyang debut extended play (EP) nga nag-ulohan og “b luvd,” nga nagtangag tema sa gugma ug kinabuhi gikan sa panan-aw sa kabatan-onan.

Naglangkob ang multi-genre nga EP og lima ka mga kanta : “Eyes Open” , @b luvd,” “Ligaya,” “Nise  Senti(mental),” ug “Pahuway.”

Sa iyang key track nga “b luvd,” gipadayag ni Rain ang mensahe sa pangandoy ug paghulat sa tinuod nga gugma bisan pa sa nagsagol nga mga senyales nga iyang nadawat. Gisulat kini sa iyang mga kauban nga Kapamilya artists nga sila Fana, Jarea, ug Jeremy G.

Nag-una ang maong  EP sa iTunes Philippines ug Singapore albums chart, samtang nisaka usab ang lima ka kanta niini sa song charts. Nalakip usab kini sa iTunes Worldwide Albums chart sa ika-67 nga puwesto.

Zephanie mi-perform sa World Expo sa Japan

Nakatungtong napud sa international stage ang Kapuso singer nga si Zephanie .

Ni-perform ang singer sa bag-ohay lang nga  2025 World Expo didto sa Osaka, Japan.

Kauban ni Zephanie sa entablado ang   children's choir.

"Zephanie brought Filipino pride to the global spotlight with a stunning performance at the Expo 2025 Osaka, representing the Philippines with heart and talent!" social media post sa Sparkle GMA Artist Center .