Special Agents  sa "Lolong"

CEBU, Philippines — Malipayon ang kanhi PBB housemates nga sila si Ashley Ortega ug AC Bonifacio gumikan kay nadayon na gyud ang ilang pangandoy nga mag-uban sa usa ka proyekto. Mag-partner ang duha isip special agents sa  “Lolong: Pangil ng Maynila.”  Nagkasoud ang duha  tungod  sa PBB .

Ate Gay ngadto kang Nora: Dili hakog nga pagkatawo

Gibutyag sa komedyante nga si Gil Morales nga nailhan usab isip Ate Gay  nga dili gyud niya malimtan ang pagka-maayong tawo sa nipanaw nga aktres nga si Nora Aunor.   

Suma pa ni Ate Gay nga dili hakog nga pagkatawo si Nora ug supportive kaayo kini sa pag-impersonate niya sa aktres .

“Kay Nora Aunor, mula nag-work ako, bet ko na siya. Kaya nagpapasalamat ako sa kanya. Naikot ko buong mundo dahil sa kanya. Hindi siya maramot. Hindi niya kami pinagbabawalan," saysay pa ni Ate Gay. Wala kapugong ang komedyante sa pagtulo sa iyang kuha samtang naghisgot sa ka maayo ni Nora .

Gi-unfollow  sa IG

Human gipapas ang ilang sweet nga mga hulagway  sa Instagram, gi-unfollow na sa   Kapuso actress nga si Kyline Alcantara  ang boyfriend niya nga  basketball player nga si Kobe Paras.Kahinumdoman nga nikisaw  ang chika sa niaging mga adlaw nga matud pa giputol na sa duha ang ilang relasyon .Pabiling tak-om ang duha kalabot sa maong isyu. Kahinumdoman nga ilang  gikumpirmar ang ilang relasyon niadtong Nobyembre 2024.

Nominado sa taktakonon

Nominado alang sa sunod nga eviction karong semanaha   sa Pinoy Big Brother Celebrity Collab Edition" ang  duos  nga BrInce (Brent Manalo ug Vince Maristela), MiLi (Michael Sager ug Emilio Daez) ug RaSti (Ralph de Leon ug Dustin Yu) .Nakalingkawas  ang BiAz (Bianca de Vera ug AZ Martinez) sa nominasyon human nakaangkon kini og immunity  gumikan sa nagmalampuson nila nga tahas ."Sobrang hirap po talaga maging nominado Kuya, sobrang hirap, sobrang sakit. For a whole week, mago-overthink  ka kung aalis ka na ba or hindi, so sobrang bigat sa pakiramdam. The other day something happened in the house and medyo napagalitan po si Bianca and I want to keep her from the nomination. I don't want her to experience the same thing I experienced. Alam ko naman na kaya po talaga ni Bianca," saysay pa ni AZ.

GMA, CreaZion ug Viu mag-collab sa “Beauty Empire”

Mag-alyansa ang  GMA Network,  CreaZion Studios, ug  Viu sa pagmugna sa  revenge drama series nga “Beauty Empire" ug pagabitoonan kini nila ni Barbie Forteza, Ms. Ruffa Gutierrez, Kyline Alcantara, Ms. Gloria Diaz,  Sam Concepcion, Choi Bo Min,  Chai Fonacier ug Sid Lucero.

Nipresentar sa tulo ka kompanya atol sa contract signing  mao sila GMA Network Senior Vice President for Programming, Talent Management, Worldwide, and Support Group, and President and CEO of GMA Films Atty. Annette Gozon-Valdes; CreaZion Studios President and CEO Anter “RJ” San Agustin ug CreaZion Studios Executive Vice President and Chief Content Officer Real Florido, ug Viu Philippines Country Manager  Vinchi Sy-Quia ug Viu Philippines Creative Content Officer Garlic Garcia.

Sa iyang mensahe, ghatagan og gibug-aton ni Atyy. Gozon-Valdes  ang mahinungdanon nga koloborasyon sa paghatod og kalingawan ngadto sa viewers.

“I would like to thank our partners, Viu and CreaZion, for uniting with GMA to bring you this very special project. Alam naman natin na ang lahat ng Pilipino ay nagsisikap, dumidiskarte, nagpapakahirap, at gustong umasenso para sa pamilya. But in this particular series, we will show you, in a very different and modern way, what millions of Filipinos are doing now. And I’m very happy that two of our most beloved and best GMA artists are leading ‘Beauty Empire’ – Barbie Forteza and Kyline Alcantara, "suma pa ni Atty. Gozon-Valdes.

"On the Cover" Band mi-release sa ilang "Apan Misalig Ako"

Ang dugay na nga Cebuano musical powerhouse nga On the Cover (OTC) Band, kay mapasigarbohong nilusad  sa ilang  bag-ong single nga  "Apan Misalig Ako" (But I Trust) niadtong Domingo .

Kini nga makapahinuklog nga track kay nagtimaan sa ikaduhang single gikan sa beterano nga banda ug nagpadayag sa usa ka makapakurat nga bag-ong dimensyon gikan sa lyricist niini nga kanhi peryodista nga si  Ferliza. Gisudlan na ni  Ferliza  ang music scene  inubanan sa iyang  lawom nga personal nga balak, nga  gibuhi pinaagi sa signature sound sa OTC Band.

Ang "Apan Misalig Ako" maoy una nga pagsulong ni Ferliza sa paghimo sa iyang balaknon nga pagpadayag  ngadto sa mga liriko sa kanta.

Ang liriko sa "Apan Misalig Ako" kay misteryosong nagbutyag sa lain-laing mga kahulogan base sa panglantaw sa mga tigpaminaw.

Naghulagway usab kini sa kalig-on ug paglaum, bisan kung ang katam-is nahimong kasubo.

"Apan misalig ko.Dili ang alimyon sa mga bulak nga miduyog sa kalipay.

Dihang gibutyag ang pagbati, ikaw bksan ang kurus gabansiwag, gihigugma diay ako," tipik nga mga linya sa maong awit. Gitataw pud sa maong awit ang deklarasyon sa pagsalig.

"Apan misalig ako.Ang kahapdos, dangaw lang .Gasidlak! Diamante ug bulawan. Misalig ako, sa mga saad.Misalig ako,maoy bugti ani'ng tanan apan misalig ako," dugang bahin sa maong awit .

Ang batid nga paghan-ay ug kinasingkasing nga pasundayag sa OTC Band kay hingpit nga nagsangkap sa giladmon sa liriko, nga nagmugna og usa ka  makapatandog nga  kasinatian sa pagpaminaw. Kini nga single kay usa ka testamento sa malungtarong artistry sa banda ug ang ilang abilidad sa pagkonektar sa tigpaminaw  pinaagi sa makahuluganon nga musika.

"We are thrilled to share 'Apan Misalig Ako' with our listeners.This song is special not only because it's our latest offering but also because it showcases the beautiful writing of Ferliza. It's an honor to bring her heartfelt words to life through our music,"suma pa ni  Junnie Tampos, lead vocalist sa  On the Cover Band.

Kiko todo training alang sa "Totoy Bato”

Gipaabot ang bug-at nga action scenes  ni Kiko Estrada sa TV remake sa "Totoy Bato”  busa todo training gyud ang iyang gibuhat karon.

Isip bida sa "Totoy Bato", siya ang magsilbing manluluwas sa   Pook Paraiso gamit ang iyang kamao.

Makauban niya sa maong proyekto sila si  Bea Binene, Cindy Miranda,  Diego Loyzaga,  Nonie Buencamino, Mon Confiado, Art Acuña, Mark Anthony Fernandez, Eula Valdez,Joko Diaz, Katya Santos, Kean Cipriano, ug Jackie Lou Blanco.

Mapasalamaton ang aktor sa nagsagunson niya nga mga proyekto sa TV5.  Kahinumdoman nga nagmalampuson  ang TV5 series niya nga  “Lumuhod Ka sa Lupa".