Makamaoy nga awit ni Father Lyndon

CEBU, Philippines —  Padayon nga gihangop sa mga music lovers ang awit nga gitagik ni Father Lyndon Ruiz nga "  Tama Na, Ayaw Ako Pahilaka." Nauso  karong panahona ang   makamaoy nga mga awit  busa pasok gyud kini .

Kahinumdoman nga nahimong kabahin ang  "  Tama Na, Ayaw Ako Pahilaka" sa 43rd Cebu Popular Music Festival niadtong Enero.

Suma pa ni Father Lyndon nga ang musika maoy usa sa mga instrumento sa pagpabuhagay og nagkalain-laing mensahe ilabi na sa paghulagway sa komon nga mga sitwasyon . 

Ang bag-o niya nga awit kay mahitungod sa pagbalik-lantaw sa  "sweet memories" sa magtrato nga nagsagobang og kakulian .

" Dunay nangaliwa , ug ang iyang partner kay nagpaka-martyr pud," matud pa ni Father Lyndon.

Si Father Lyndon maoy kasamtangang kuraparuko  sa San Juan Nepomuceno Parish, sa San Remigio, Cebu .

Sa pakighinabi niya sa Banat News Hugyaw kagahapon, gibutyag niya nga sa pagsulod sa gugma, dili gyud malikayan nga makasugat og mga pagsulay .

"Mosulod  gani mo  anang butanga (relasyon), kanunay gyud ninyo iandam  ang inyong kaugalingon sa mga posibilidad ilabi na sa mga kasakit, " matud pa ni Father Lyndon .