Love month

CEBU, Philippines — Malipayong gisaulog sa mag-barkada nga sila si Angelica Panganiban, Bela Padilla ug Kim Chiu ang  love month.  Ang ilang grupo kay gitawag og "AngBeki" ug gipamatoud nila nga mahimong saulogon sa mag-barkada ang love month .

Maternity break

Gisugdan na ni Iya Villania  ang temporaryong pagpahuway sa trabaho isip pagpangandam alang sa paghimugso niya sa ikalimang anak nila ni  Drew Arellano.  Sa  iyang Instagram Story ,  makita ang iyang selfie nga maoy katapusang adlaw niya  sa set  sa iyang showbiz  segment sa “24 Oras” nga “Chika Minute" .

Nawad-an og tingog

Nawala ang tingog  ni Chito Miranda atol sa gig sa grupo niya nga  Parokya ni Edgar didto sa La Union sa niaging gabii . Lingaw pa kaayo si Chito sa unang bahin sa iyang gig ug nakugang nalang siya sa dihang  kalit siya  nawad-an og tingog.