“Meteor Garden” star Barbie Hsu mipanaw

CEBU, Philippines — Nipanaw ang Taiwanese actress  nga si  Barbie Hsu nga nailhan sa kadaghanan tungod  sa  role nini isip  Shan Cai sa hit  series nga “Meteor Garden”.

Suma pa sa igsoun niya nga si Dee Hsu  nga influenza-induced pneumonia ang sakit sa 48 anyos nga  aktres.

“Our whole family came to Japan for a trip, and my dearest and most kindhearted sister Barbie Hsu died of influenza-induced pneumonia and unfortunately left us.I was grateful to be her sister in this life and that we got to care for and spend time with each other. I will always be grateful to her and miss her!,”suma pa sa igsoun sa aktres.

Sikat kaayo si Barbie sa Pilipinas  gumikan  sa  iconic role niya isip Shan Cai sa  2001 Asian series nga  “Meteor Garden” kun diin nakatrabaho niya sila si  Jerry Yan (Dao Ming Si), Vaness Wu (Mei Zu), Vic Chou (Hua Ze Lei), ug  Ken Chu (Xi Men).

Birhday gift

Gipabuhagay ni Janine Gutierrez ang rebelasyon  kalabot sa  iyang birthday trip sa   Japan niadtong  October 2024 .  Suma pa sa aktres  nga regalo kini gikan sa aktor nga si Jericho Rosales.   Una na nga gibutyag nila ni Echo ug Janine nga malipayon sila usag-usa.

Mi-click dayon

Nakadalit dayon og good vibes  ang serye nila ni Belle Mariano ug Donny Pangilinan  nga “How To Spot A Red Flag” alang sa unang semana nga pag-ere niini sa Kapamilya Channel, A2Z, ug  TV5.   Pipila sa mga eksena niini kay gihimo  didto sa La Union.

Pelikula ug konsyerto

Human sa kalamposan sa pelikulang "And The Breadwinner Is …", naghinam-hinam na si  Vice Ganda alang sa umaabot niya nga mga proyekto karong tuiga.  Gipaabot nga mobalik si Vice sa concert scene.   Duna pud siya’y  upcoming  movie.  

Beyonce nakadaog sa Grammys

Nakadawat og pasidungog ang singer nga si  Beyonce  sa bag-ohay lang nga 67th Annual GRAMMY Awards nga gipahigayon sa  Crypto.com Arena sa Los Angeles, California.

Napili nga  best album ang iyang  "Cowboy Carter".

"I just feel very full and very honored,"  nagkanayon ang singer .

Gipahinungod niya ang iyang kadaogan ngadto kang  Linda Martell, usa ka  Black country musician nga naka -feature sa iyang  album.

Moira wala tagda ni Catriona?

Gisumsoman karon ang chika nga matud pa  gidedma ni Catriona Gray  ang singer nga si Moita Dela Torre sa dihang nagkaabot sila sa usa ka kalihokan .

Suma pa sa  niulbo nga taho ,samtang  naabot si Catriona sa maong event , gi-beso niya ang ubang guests ug giingong gilabyan niini si Moira.

Pabilin nga tak-om ang duha ka kampo kalabot sa maong isyu. 

James ug Issa gi-unfollow ni Liza

Gi-unfollow ni Liza Soberano sa Instagram ang mag-uyab nga sila si James Reid ug Issa Pressman .

Kahinumdoman nga si James ang naghupot sa  career ni Liza kaniadto pinaagi sa Careless Music .

Wala hinoun gidetalye ni Liza ang rason sa pag-unfollow niya sa maong mag-uyab.

Khalil  ug Sue magpares sa Netflix film

Magpares sila si   Khalil Ramos ug  Sue Ramirez sa  upcoming Netflix movie nga One Hit Wonder.

"In love and music, we all win… Your first look at Sue Ramirez and Khalil Ramos's One Hit Wonder, coming soon on Netflix. #NextOnNetflix,"  social media post sa Netflix Philippines

Sa maong  post, makita usab ang  Sparkle artist nga si Matt Lozano.

Nagkapares na kaniadto  sila si Khalil ug Sue sa ABS-CBN series nga Annaliza niadtong 2013 .  Subli  sila nga nagkauban sa Netflix film nga Dead Kids niadtong  2019.