High level nga ekipo gigamit sa  "Uninvited"

CEBU, Philippines — Gitingoha sa Mentorque Productions nga mamintinar ang ilang imahe nga dunay igong katakos sa pagdalit og kalidad nga mga pelikula .

Human sa kalamposan sa ilang pelikula nga  “Mallari” sa niaging tuig nga Metro Manila Film Festival (MMFF), aduna napud sila'y pambato sa maong film festival karong tuiga ,ug kini mao ang  "Uninvited" nga gibitoonan nila ni  Vilma Santos, Aga Muhlach, ug  Nadine Lustre.

Atol sa presscon  nga gipahigayon dinhi sa Sugbo bag-ohay lang , gibutyag sa direktor sa "Uninvited"  nga si Dan Villegas nga dili basta-basta ang pagmugna sa maong pelikula  ilabi na sa nagkadaiyang executions sa mga eksena niini.

Samtang si Ate V sa iyang bahin, gipasigarbo niya ang iyang latest movie gumikan kay lahi ra gyud kini ug masaligon siya nga mataypan kini sa publiko.

 ""Basta ang masasabi ko lang , nakaka-proud ang pelikulang ito ," matud pa ni Vilma. Nagkanayon usab ang executive producer sa pelikula nga si Bryan Diamante  nga nigamit sila og mga high level  nga  ekipo atol sa shooting  .

Ang maong mga  ekipo kay gigamit  kasagaran sa international projects .

Nagtangag og R-16 nga grado ang  "Uninvited" gikan sa  Movie and Television Review and Classification Board (MTRCB) .

 Mahimo ra unta kini himoon og R-13 pinaagi sa pagtangtang sa pipila ka mga eksena ,apan wala mosugot ang mga producer busa magpabilin kini nga R-16.

Gipaneguro nga dili maapektohan ang  kalidad sa pelikula busa wala sila motugot nga kuhaan kini og mga eksena .

Ang maong pelikula kay istorya sa pagpangga sa usa ka inahan ngadto sa iyang anak .

Kauban sa pagbisita nila ni Ate V, Aga ug Nadine dinhi sa Sugbo mao sila si

Tirso Cruz III, Mylene Dizon, RK Bagatsing, Ron Angeles, ug Cholo Barretto.

 Gihimo nila ang motorkada sa nagkadaiyang kadalanan sa Dakbayan sa Sugbo,ingon man usab ang usa ka fancon . Ipasalida sa mga sinehan  ang "Uninvited" karong Disyembre 25 nga kabahin sa 10 ka entries sa MMFF nga nagsaulog sa ilang  50th anniversary.

Kauban sa  Mentorque Productions sa pagpaluyo sa maong proyekto mao ang

Project 8 ug i-distribute kini sa Warner Bros. Pictures.

Higala ra gyud

Giklaro ni  Lorna Tolentino nga higala ra gyud niya  Senator Lito Lapid ug wala sila'y relasyon niini.

 “Friends lang kami ni Senator. Ang dami kong friends na senador at may kamag-anak din akong senator," suma pa ni Lorna.

Magka-loveteam sila si Lorna ug Senador Lito sa FPJ's  Batang Quiapo.

Ipasalida karong Pebrero

Gianunsyo sa Star Cinema nga ipasalida karong Pebrero 12, 2025 ang umaabot nga pelikula nila ni Kim Chiu ug Paulo Avelino nga  "My Love Will Make You Disappear" .Ang maong pelikula kay ubos sa direksyon ni  Chad Vidane. "Kung ang love mawawala nang paulit-ulit, susugal ka ba ulit? ," social media post sa Star Cinema nga nagsilbing teaser sa nagtangag nga mensahe sa maong pelikula.

Archie mitubag na

Niduso na si Archie Alemania sa iyang  counter-affidavit alang sa giatubang niya nga  kasong act of lasciviousness nga gipasaka ni  Rita Daniela . Sa report sa news program nga  “24 Oras”,  si Archie ug ang iyang abogado nga si Atty. Ameir Muksan kay nisumiter sa ilang mga dokumento  didto sa  Bacoor Hall of Justice isip kabahin sa nagpadayon nga  preliminary investigation sa kaso. Gihimakak sa kampo sa aktor ang alegasyon ni Rita.

Balik -Pilipinas

Nibalik sa  Pilipinas ang award-winning  actress nga si Hilda Koronel alang sa iyang movie project nga  Sisa nga ubos sa  The IdeaFirst Company nila ni Jun Lana  ug Perci Intalan.Katapusan niya nga pelikula kay ang  The Mistress niadtong  2012  kun diin pagkahuman sa maong proyekto , nipahuway  dayon siya sa  pag-arte ug niistar sa  Amerika.

Jolens-Marvin movie gisugdan na

Gisugdan na ang shooting sa umaabot nga reunion movie nila ni Jolina Magdangal ug Marvin Agustin nga “Ex Ex Lovers.”

Nag-post si Jolina sa iyang Instagram account  sa ilang behind-the-scene photos.

"Isa na namang hindi malilimutan na project kasama si Labtim!! Pag pinanood nyo ‘to, mararamdaman nyo rin ang inenjoy namin gawin para sa inyo,” caption pa sa maong mga hulagway .

Pinoy grand winner sa The Voice USA

Nakahilak tungod sa kalipay ang  Filipino-American singer nga  si Sofronio Vasquez human napili kini nga  grand winner sa The Voice USA Season 26.

Atol sa  grand finals sa niaging adlaw ,  gikanta ni Sofronio ang "Unstoppable" sa  Australian singer nga si Sia  ug  "A Million Dreams" nila ni  Hugh Jackman, Michelle Williams, IG Ziv Zaifman nga gikan sa  musical film nga The Greatest Showman.

Mikulit  og kasaysayan si Sofronio isip  first Asian nga nakadaog  sa  "The Voice USA."

Nadawat niya ang  grand prize nga   $100,000  ug recording contract. 

Mao usab kini ang labing unang higayon nga  nakadaog isip coach si  Michael Bublé .

"Michael... it's so weird to say Michael, I call you Sir. Your mentorship is a blessing to me, to my family, and to all the dreamers out there. You open the doors for everyone. Thank you so much," mensahe pa ni Sofronio ngadto sa iyang coach .

Nitubag dayon si Michael: "Well, my Filipino brother, you are the hope of so many people. Not just in the Philippines, but Asians everywhere truly are looking at you tonight. So proud."You represent them so well and it's such an unbelievable journey to be here with you."

Kahinumdoman nga nakasalmot si Sofronio kaniadto sa  "Tawag Ng Tanghalan" sa  "It's Showtime" ug nalandig kini sa  semifinals.

Isyu sa pagluib Joshua gipasaylo ra ni Emilienne

Gikatahong nasayod matud pa ang  Filipina-French athlete nga si Emilienne Vigier   sa gidungog nga  tinagoang relasyon nila ni    Joshua Garcia ug Elisse Joson.

Si Joshua kay uyab ni Emelienne , samtang si Elisse kay uyab pud ni McCoy de Leon .

Miulbo ang chika nga gipasaylo ra ni Emelienne  ang pagluib ni Joshua aron dili lang gyud sila magbulag.

Padayon nga tak-om sila si Joshua ug Elisse sa maong chismis .

Megan ug Machine nagbuwag

Niulbo ang taho  nga matud pa nagbuwag sila si  Megan Fox ug  Machine Gun Kelly .

 Nagsabak si Megan alang sa unang anak nila ni Machine .

Suma pa sa nikatap nga chika nga nahitabo ang ilang breakup sa katapusang bahin sa niaging buwan.

Giingong dunay nakit-an si Megan sa cellphone ni Machine nga wala niya mauyoni. 

Pelikula ni Maris ipasalida sa Amerika

Malakip sa Palm Springs International Film Festival (PSIFF) didto sa Amerika ang gibidahan nga  pelikula ni Maris Racal nga  "Sunshine".

Suma pa ni  Antoinette Jadaone nga nalakip ang pelikula sa  official selection sa  PSIFF ubos sa  World Cinema Now section.

Ang "Sunshine" kay istorya  sa  gymnast nga nakadiskubre nga mabdos diay siya ug naatol pa gyud kini nga nagkadoul na ang  national team tryouts.

Gipaluyohan ang  "Sunshine" sa  ANIMA Studios ug Project 8 Projects.

Nahugyaw sa Bohol

Gipasigarbo nila ni Mikee Quintos ug  Paul Salas  ang nindot nga mga lugar sa Bohol .

Sa Instagram account ni Mikee , makita nga nalingaw gyud ang mag-uyab sa pagtikang nila sa maong lugar .

Nasayran nga  sa Bohol ang lokasyon sa shooting sa pelikula nila ni Mikee ug Paul nga  "Sweet as Chocolate."

Mao kini ang labing unang higayon nga magpares sila sa usa ka  romcom movie .

"So many firsts for this project! Excited for you guys to see what we’re working on. But mostly, I'm just so excited to finally be in a movie with you, (Paul)!" Instagram post ni Mikee.