Love, love, love
CEBU, Philippines — Minyuonon na si LJ Reyes. Kini maoy gipahibawo sa kanhi kapuso star pinaagi sa Instagram ug Facebook kagahapon. Wala niya nganli ang iyang pamanhunon, pero, klaro nga dili na Paolo o Paulo ang ngalan niini.
Kay basi sa iyang gi-tag sa iyang post, Philip Evangelista ang ngalan sa maong non-showbiz guy.
Wala kaayoy detalye nga gisuwat si LJ, apan basi sa ilang mga dagway, managsama sila nga malipayon.
Bible verse ang caption ni LJ sa ilang mga hulagway. Kini nagkanayon: "'For I know the plans I have for you,' says the Lord. 'They are plans for good and not for disaster, to give you a future and a hope.' — Jeremiah 29?: 11? NLT??."
Magduha ka tuig na hapit sukad nibiya si LJ sa Pilipinas ug nanimuyo didto sa New York sa Amerika, human sa panagbulag nila ni Paolo Contis, diin aduna silay anak babay. Nagka relasyon sab si LJ ug Paulo Avelino, diin aduna sab silay anak nga lalaki.
Basi sa reaksyon sa followers ug friends ni LJ, malipayon sila alang sa kanhi aktres ug halos managsama ang ilang giingon: deserve ni LJ ang magmalipayon!
- Latest
