“I did not cheat on Jason”

CEBU, Philippines —  Wala matud pa niya damha nga moabot siya sa sitwasyon nga kinahanglan niyang depensahan ang iyang hukom nga tapuson na ang iyang kaminyuon, ug nga pasanginlan siya nga lain ang nisuwat sa iyang mga kanta.

Kana maoy unod sa official statement ni Moira dela Torre nga giluwatan niya kagahapon pinaagi sa iyang social media accounts. Gihimakak sab niya nga nagluib siya sa iyang kaminyuon.

Giklaro ni Moira nga wala gyud matud pa siya nakabaton og ghost writer. Collaboration matud pa kauban ang mga banggiitan usab nga artists ang nahitabo, ug diin adunay respeto sa usag-usa ug sa natampo niini.

Gideklara sab ni Moira: “I did not cheat on Jason.”

Dili matud pa makatarunganon nga kinahanglan niyang depensahan ang iyang kaugalingon ug mopasabot nganong dili niya deserve nga luiban.

"It is unfair that I find myself in a position where I have to defend my name and even explain why I did not deserve to be cheated on.”

Kahinumduman nga naukay ang showbiz niadtong Domingo human nga ang composer ug kanhi higala ni Moira nga si Lolito Go, niingon nga giagni matud pa siya sa sikat nga singer aron mag-ghost writer niini, ug dihang iyang gipahibawo sa iyang talent fee, nihangyo matud pa ang singer og discount nga P20K matag bulan.

Niingon sab si Go nga gibuhat ni Jason Marvin ang tanan aron magkabalik sila ni Moira, apan dili na gyud matud pa ang singer. Daw gipalutaw ni Go nga nagdumili si Moira kay daw aduna na kini lain.  “And even before Jason confessed to his sin, Moira already wanted out.”

"Dahil nakahanap na rin sya ng pamalit. Someone who will 'dance in the rain' with her and call her 'binibini'. I'll leave it to you to guess sino ang tinutukoy ko.” Tipik sa giingon  ni Go sa iyang post.

Samtang matud ni Moira, focus matud pa karon niya ang “healing” sanglit ang kabug-at sa trauma nga iyang nahiaguman ana gihapon sa iyang dughan.