Kinsay mas nindot tan-awon?

CEBU, Philippines — "Fun under the sun." Ang caption ni kanhi Bb. Pilipinas-Universe MJ Lastimosa niining hulagway nga iyang gi-upload sa Instagram nga kuha didto sa Bali, Indonesia.

Walay caption si kanhi Miss International Kylie Versoza niining iyang mga hulagway nga kuha didto sa Amanpulo. Punoan sa lubi ra iyang gibutang.

Nagkalami!

Human nasigpatan nga nagkuyog didto sa Siargao sila si Christine Reyes ug Marco Gumabao sa unang semana niining bulana,  nakit-an na sab sila nga nagholding hands pagsulod sa usa ka restaurant sa Makati sa nilabay nga adlaw.

Suma sa source sa PEP, daw plano sa duruha nga magdugay pa unta didto apan padung na manirado ang maong restaurant.

 Si Marco nga nahinabi sa PEP Live sa nilabay nga semana niingon nga managhigala sila ni Christine kay nagkatrabaho sila kaniadto sa teleserye sa ABS-CBN nga Tubig at Langis.

Nagkauban sab sila sa usa ka pelikula niining bag-o lang. Dihang gipangutana sa posibilidad nga molabaw pa unya sa panaghigala ang ilang relasyon, si Marco niingon nga magdepende kang Christine ang tanan.

 Single mother si Christine ug 34 years old. Si Marco 28.

Managsama sila nga gidumala sa Viva Artist Management. Isalida karong adlawa sa mga sinehan ang pelikula nila ni Kylie Versoza nga Baby Boy, Baby Girl.

Kira: Hindi ako kabit

Hingpit na nga nitingog si Kira Balinger kabahin sa intriga niadtong Enero nga nagtumbok niya isip third party sa panagbuwag ni Kelvin Miranda ug sa model nga si Roselle Vytiaco.

“Hindi po ako third [party]. Kung ano man po yung napag-usapan nilang dalawa, wala na po ako doon. Pero ako, from a woman to another woman, I understand that pain. Pero from my point of view, wala po akong alam, and I’m confident to say na hindi ako kabit gaya ng sinasabi ng lahat,” deklara niya sa interview sa Philippine Entertainment Portal pinaagi sa PEP Live niadtong Martes.

Si Kelvin ug Kira adunay pelikula nga gihimo hinungdan nga nagkurus ang ilang mga dalan bisan og naggikan sila sa managlahi nga networks. Si Kelvin, kapuso. Si Kira, kapamilya.

Apan matud ni Kira ngadto sa PEP Live, kutob ra sa chat ang tanan. Wala matud pay higayon nga naggawas sila. Sa lock in shooting nila, aduna silay mga PA nga nagbantay kanila.

“To be fair, hindi kami. Chats lang yun! Those were just chats, ni minsan hindi kami lumabas together.” Niya pa. Matud ni Kira, wala sab siyay ideya nga may karelasyon diay si Kelvin niadtong mga higayon nga nagchat sila.

“I did not break them up and I’m very confident to say that. I do not steal men, I do not run after them, they come to me” niya pa. Ang sayop lang gyud niya nganong ni-entertain siya og daghan nga nagpaduding niya.  "I am sorry for that. I am making up for it, I took accountability for my actions.”

Si Kira, gitakdang magbida sa umaabot nga rom-com movie nga Maple Leaf Dreams kauban si LA Santos. Ang JRB Creative Production sa ABS-CBN maoy mogama niini alang sa Lone Wolf Films.