Skuyla na pud

CEBU, Philippines —  Estudyante na sab ang award-winning actress nga si Jodi Sta. Maria. Ang aktres nga bag-o pa nahibalik sa nasud gikan sa Switzerland alang sa shooting sa umaabot nga teleserye nga bunga sa panagtambayayong sa ABS-CBN ug GMA7 nga mao ang Unbreak My Heart, nipaambit sa Instagram niadtong  Domingo nga nikuha siya og Certificate Program in Cooking and Baking Skills sa Center for Asian Culinary Studies sa Manila. Lakip sa gihimo ni Judy sa iyang unang semana mao ang  fillet mignon, paella, risotto, ug baby back ribs. Labihan sab niyang lipaya kay makamao na siya muhimo og mayonaise. Niadtong 2021, natapos sab ni Jodi ang iyang kursong psychology.

Dili na pakiton sa anak

Dili na pakit-on ni Pokwang sa ilang anak nga si Malia, ang amahan niini nga si Lee O' Brien. Kini maoy tubag ni Pokwang niadtong Domingo ngadto sa usa ka netizen nga nangutana kabahin sa visitation rights sa amahan sa iyang anak. Pangutana  sa netizen: “@itspokwang27 Wala na ba sya visitation rights? Or not allowing him na hiramin si tisay Ganda?” Tubag sa TV host: “ayoko po, nope! Hahahahaha anakan”

Nakahilak dayon

Nakulbaan si Bela Padilla sa eksena nila sa beteranang aktres nga si Lorna Tolentino sa pelikulang "Yung Libro Sa Napanood Ko," nga entry sa Viva Films sa  1st Summer Metro Manila Film Festival (MMFF). Si Bela ang nisuwat sa istorya, siya sab ang direktor, ug siya pud ang bida kauban ang Korean actor nga si Yo Min-gon. Si LT maoy nidala nga iyang inahan ug 70% niini didto himua sa South Korea. Paambit niya, may eksena sila ni LT diin samtang giandam pa ang set, nagchika usa sila. Pagtawag sa direktor of photography nga andam na, gipangutana niya si LT kun kinahanglan ba niini nga mo-relax makadiyot sa dili pa ang shoot. Apan tubag sa aktres, okay na siya. “I remember asking her, ‘Do you want a moment? Gusto mo bang magpatugtog ako ng music?’ Sabi niya, ‘Hindi. Okay lang.’ Pag-action, tumulo agad yung luha niya, samantalang everyone is so well-prepared at talagang magagaling.”

Nagtwo-piece

Nagdiet og pinakalit ang bida sa bag-ong GMA7 series nga Heart On Ice nga si Ashley Ortega pagka sayod niya nga adunay eksena nga magtwo-piece siya. Unang higayon sab kini nga ingon niini ang iyang isul-ob sa telebisyon, hinungdan nga bisan gikulbaan, nisugot ug gipaningkamutan niya nga matarong ang eksena. Suma pa ni Ashley, taod-taod na sab siya sa showbiz, hinungdan nga nisugot siya sa maong eksena nga dakong hagit sa iyang katakos isip artista.

Friends pa lagi

Malipayon ug komportabli si Carmina Villaroel nga magkuyog ang iyang anak nga si Cassy ug ang kapamilya singer nga si Darren Espanto. Tsika niya ngadto kang ABS-CBN reporter MJ Felipe, friends pa ang duruha, dili pa romantic ang relasyon. “Basta sa ngayon, they’re very good friends. Happy ako for them. May blessing yun–yung pagiging good friends nila sobrang may blessing [sa akin]. What you see is what you get."

Pilipinas ang nidaog!

Ang pambato sa Pilipinas nga si Erik Lennart Visser maoy nidaog isip bag-ong Mr. Universe Tourism didto sa Bali, Indonesia niadtong Domingo sa gabii.

First runner-up ang pambato sa Vietnam ug second runner-up ang kandidato gikan sa Spain.

Si Erik nga na-interview sa Banat News Hugyaw (BNH) niadtong Domingo sa buntag pinaagi sa iyang manager nga si Dexter Alazas, niingon nga ang pambato sa Spain maoy iyang napanlantawan nga makauban niya sa top 2.

Gipaambit niya ngadto sa BNH nga sa dul-an duha ka mga semana nga pag-istar sa Bali alang sa pre-pageant activities, ubay-ubay sab siya og naobserbahan sa pamaagi sa ilang turismo didto nga iyang dad-on sa iyang pagbalik sa Pilipinas.

"Bali and the Philippines share so much in common, from beautiful beaches to the lushful green mountains, from the rice fields to the warm hearts of the people. I can really say that although the cultures are different, the goals of both countries are the same, and hopefully from what I've learned of the successful tourism practices that the Balinese government has put into place, I can bring it to the Philippines to further improve our own local tourism, in a way that's sustainable and brings economic growth, to a country as deserving to be marveled as my country, the Philippines." Niya pa.

Ang lumad sa Dumaguete City nga si Erik, dinhi na nagbase sa Sugbo sukad niadtong 2019.

Psychology graduate siya gikan sa Siliman University, ug ubos sa pagdumala sa Admire Models Philippines sa sikat nga fashion designer sa Sugbo nga si Alazas.

Filipino ang inahan ni Erik, samtang naggikan sa Neatherlands ang iyang amahan.

Si Erik, 24-ayos, ug 6'3 ang height.

Momma bonding

Nag-bonding sila si Dimples Romana ug Sofia Andres niadtong nilabay adlaw. Caption ni Dimples sa mga hulagway nila ni Sofia sa IG: "Random momma dates should really be a thing. Thank you for taking Ate out on a dinner date tonight. Exactly what I needed. I love you. Cheers to more!"

Dili Lalim

Sa vlog ni sa iyang Dirty Linen co-star nga si Tessie Tomas, gipalanog ni Francine Diaz ang iyang tambag alang sa mga buot musulod sa showbiz. Suma niya, dili gyud sayon ang pagsulod sa industriya. Kinahanglan matud pa nga kanunay maningkamot, ug kun makasulod na, angay nga pabiling makat-on. Siya sa iyang bahin, dili gyud matud pa muhunong pagpalambo sa iyang abilidad bisan pa og ingnon siya nga maayo na siyang mo-arte.

Tak-om na

Gitapuk-an sa press si Ogie Diaz sa ilang pagtambong sa 17th Anniversary sa Nice Print Photography. Sa ilang latest vlog, gitsika sa co-host nga si Loi Villarama nga gitabangan sa nagkadaiyang news crew si Ogie kay gipangutana unsay latest tali nila ni Liza Soberano. Apan wala na nitingog si Ogie. Pasabot niya: Well, ang latest po ay hindi ko sila sinagot. Hindi sa naging KJ ako, Loi, oo kasi syempre ang tahimik na nga tas gusto ko pang guluhin. Tahimik na nga, magsasalita ka pa. Nasabi ko na ang gusto kong sabihin, okay na yun. Nasabi na ng kabilang panig ang gusto nilang sabihin, eh di okay na rin yun. Hindi dahil nagiging KJ ako 'no, kundi tama na, okay na yun."