May third party sa break-up?

Nawagtang ang respeto ug pagsalig. Kini ang gitumbok nga rason ni Sunshine Cruz nganong nagbuwag sila ni Macky Mathay niadtong September 2022.

Ug sa labing unang higayon gihisgutan kini sa usa sa mga bida sa teleseryeng Underage sa GMA7 sa iyang paglugwa sa Fast Talk With Boy Abunda adtong Huwebes.  Suma pa niya, mas gipili niya nga magpakahilom niadtong panahona sanglit may mga bata nga maapektuhan---mga anak ni Macky nga love na niya, ug mga anak niya nga love na pud ni Macky.

"So, nag-decide ako na maging quiet na lang, kasi hindi naman talaga alam ng publiko kung ano yung mga pinagdadaanan namin or kung ano yung pinagdaanan ko.

“Parang ang feeling ko, Tito Boy, hindi na dapat talaga ma-involve ang publiko dito.”

Wala nidetalye si Sunshine sa rason sa break-up, apan naghisgot siya mahitungod sa respeto ug pagsalig.

"Ang na-realize ko lang dito sa relationship, and even with my ex-husband, Cesar, tatlo ang importanteng bagay sa relationship — hindi lang love.

"Dapat nandun ang trust, nandun ang respect. Pag merong isang nawala dun, it's not going to work.

“And sa edad kong ito, I am 45 years old, hindi na dapat pinapatagal."

Matud niya, mutuo siya sa second chance o bisan pila pa ka chance. Gani nalipay siya nga na okay na sila si Heart Evangelista ug Senator Chiz Escudero. Apan niya pa, momata na lang sab gyud ka nga wala nay padulngan ang relasyon.

"You just have to be thankful for the years you've been together. Naging maganda yung pagsasama niyo, nagmahalan kayo, naging inspiration kayo sa isa't isa."

Apan makapaduda ang tubag ni Sunshine sa pangutana kun aduna bay third party sa break up. Niya pa, "Parang wala ako sa posisyon na magsalita tungkol diyan."