Ginoong Pilipinas na!

CEBU, Philippines — Kinahanglan nga total package, o nabalanse ang kaguwapo ug pagka-utokan, inubanan sa bililhong  adbokasiya. Mao kini ang kalidad sa Ginoong Pilipinas hinungdan nga nagpabilin kini nga prehistiyoso sulod na sa taas nga katuigan.

Human nakapahuway og tulo ka tuig tungod sa pandemya, mobalik na kini ug dinhi pa gyud sa Sugbo pagahimuon ang koronasyon.

Gibutyag ni Borgen Entertainment Chief Executive Officer Manuel ‘Manix’ L. Genabe III arol sa presscon nga gipahigayon sa Cebu Quincentennial Hotel sa niaging adlaw nga dili basta -basta ang pagpili og candidates gumikan kay seguraduon gyud nila ang kalidad niini.

Matud pa ni Genabe nga partikular usab sila sa imahe sa matag candidate sanglit magsilbi usab kini nga maayong ehemplo ngadto sa katawhan. Dako usab ang pagsalig niya sa sikat nga fashion designer nga si Dexter Alazas alang sa pagtabang sa paghupot sa maong indigay. Nasayran nga batid na si Alazas sa paghupot og ingon niini nga indigay.

Samtang si  Ginoong Pilipinas Universe Tourism 2019 Erik Lennart Visser nipadayag nga dakong garbo alang kaniya nga sa lugar kun diin siya nagsugod sa pagrampa sa entablado maoy napilian nga venue alang sa umaabot nga Ginooing Pilipinas 2023.

Ang Ginoong Pilipinas 2023 magtangag sa tema nga “Sustainable Tourism in the New Normal”.

Target niini nga makakuha og 10 ka candidates nga gikan sa Luzon, Visayas, ug  Mindanao.

Duha ka titulo ang  malakip niini  sama sa Ginoong Pilipinas Universe Tourism ug Ginoong Pilipinas Man of the Year. Tulo ka runners-up. Bukas sab kini alang sa buot mo-franchise sa maong pageant sa nagkadaiyang rehiyon.

 Salamtang ai Alazas sa iyang bahin niingon nga ang pagpahigayon sa Ginoong Pilipinas  dinhi sa Sugbo  mobandera usab sa mga produktong local ingon man usab sa nagkadaiyang tourist destinations.

Nalakip usab isip  usa sa mga naghupot sa sa Ginoong Pilipinas mao si Simone Nadine Bornilla, nga nailhan isip  Miss Marinduque sa Miss Universe Philippines 2021 ug  Miss World Philippines 2022.

Ang deadline sa application karong March 31, 2023. Alang sa dugang kasayuran, kontaka si Alazas: 09270595171.