Wow, congrats, Rabiya!

CEBU, Philippines — Emosyonal si kanhi Miss Universe Philippines Rabiya Mateo sa iyang gi-upload nga video sa Instagram bag-ohay lamang diin iyang gipakita ang iyang bag-ong napalit nga balay alang sa iyang pamilya, nga niya pa bunga sa iyang hinagoan sa showbiz.

Dili na gyud matud pa sila magpunay og balhin og puy-anan.

"I'm kinda getting emotional kasi parang looking back then, parang it was so impossible for us to have a property kasi nagre-rent lang kami. Tapos no permanent address din. Nakailang lipat na rin ng bahay,

Gipasalamatan niya ang tanang mga tawo nga nihatag niya og trabaho human siya nidaog isip Miss Universe Philippines 2020. Ang iyang endorsements, ang MUP organization, ang Sparkle Artist Management sa GMA7 ug tanan nga nisalig niya.

“Ito na po katas ng tulong nyo sakin. Sa lahat ng naniwala at nagmahal, thank you po sa magagandang opportunidad,” ni Rabiya pa.

Kasamtangan siya nga part-time host sa Unang Hirit sa GMA7 ug co-host sab siya sa game show nga TiktoClock.

Panghinaot ni Rabiya nga mapanindot pa niya puhon ang duha ka andana nila nga balay.

“Alam ko mahirap, especially minsan nakakapagod din na maraming taong umaasa sa 'yo. But you should fuel to strive harder talaga kasi sobrang sarap sa feeling to be able to provide sa mga taong mahal mo,” panapos niya.

Celeste: I am committed

Nahibalik na sa nasud si Miss Universe Philippines Celeste Cortesi. Dungan niini, nagtagik siya og emosyonal nga mensahe pinaagi sa iyang IG account niadtong Lunes.

Suma pa sa pambato sa nasud sa bag-o lamang gipahigayon nga Miss Universe pageant didto sa New Orleans, USA, labing dako niyang dungog ang mamahimong representante sa Pilipinas, ug gumikan niana, labihan ang iyang pagpasalamat.

“To represent my country, The Philippines, is my greatest honor,” tipik sa iyang mensahe.

Suma pa niya, kaniadto pa gyud siya nagtinguha nga mahimong representante sanglit mapasigarbuhon gayud siya nga usa siya ka Filipino. Nagpasalamat siya sa iyang fans, ug sa team nga nagsuporta gyud niya sukad sa sinugdanan hangtud na sa iyang pagsalmot sa Miss Universe pageant, diin napakyas siya pag-abante ngadto sa Top 16 or sa semi-final round.

Matud niya, sa iyang pagkaparot, nasabtan niya nga hayan ang iyang misyon gyud mao ang mamahimong inspirasyon sa uban.

“I now believe that my purpose is to inspire, and I will NEVER stop inspiring and motivating all of you, with or without the Universe Crown. I am committed” ni Celeste pa. Nagpasalamat sab siya sa iyang Italyano nga amahan kinsa giisip niya nga guardian angel nga mao matud pay naggiya kaniya sukad pa kaniadto ug hangtud karon. Nipanaw na ang amahan ni Celeste niadtong bata pa lamang siya.

“I now believe that my purpose is to inspire, and I will NEVER stop inspiring and motivating all of you, with or without the Universe Crown. I am committed.”

Pa cute pa

Naa sa Top 10 movies sa VivaMax ang tulo ka mga pelikula ni kanhi PBB housemate Franki Russel. Number one ang iyang Tag-init, kauban si Clifford Pusing nga nag-streaming niadtong January 20. Ikaduha ang iyang Pabuya, kauban si Diego Loyzaga nga niadto pang October 7, 2022 nag-streaming ug maoy una niyang pelikula. Ug ang Laruan diin kauban niya sila si Kiko Estrada ug Jay Manalo nga nag-streaming niadtong December 6, 2022, anaa sa ikaunom nga pwesto. Apan suma pa sa PEP Troika, sa tulo ka mga pelikula, pa cute pa gihapon ang pagpasexy ni Franki ug dili todo todo. Sa Tag-init matud pa, ang co-star ni Franki nga si Ayen Durano maoy nagpasexy og maayo diin aduna kini threesome scene.

Andam na si Coco

"Nasa puso ko na yung right one." Kini maoy linya ni Coco Martin dihang gipangutana kun andam na ba siya nga magminyo. Nahitabo kini atol sa presscon alang niya isip product endorser sa RiteMed sa nilabay nga adlaw. Sa maong presscon, naghisgot si Coco nga andam na siya nga magminyo kay nahuman na gyud iyang tinguha nga mapahimutang ang iyang pamilya. Suma pa niya, giuna gyud niya pagtabang ang iyang mga igsuon ug uban pang kapamilya kay buot niya nga dili lamang kay siya ra maoy manimuyo nga haruhay. Karon, panahon na sab nga iyang atimanon iyang kaugalingon. Apan wala siyay gibutyag nga ngalan kinsa ang anaa na sa iyang kasingkasing. Taod-taod na ang intriga nga hagbay ra silang adunay relasyon ni Julia Montes, ug nga aduna na gani silay anak. Pabilin silang tak-om kalabot niini.

Napungot  kang Dong!

Bisan og 16 ka tuig na ang nakabalabay sukad sila unang nagpares ni Dingdong Dantes pinaagi sa Marimar niadtong 2007, aduna gihapoy bag-ong tsika si Marian Rivera mahitungod niini. Si Marian ang unang guest ni Boy Abunda sa iyang showbiz-oriented show sa GMA7, ang Fast Talk nga nilugwa na niadtong Lunes. Sa Marimar, wala pa sila nagkasinabot ni Dingdong kay niya pa, maldita siya. Sa Dyesebel sab napungot siya kang Dingdong kay giignan siya nga basin og pre-paid rai yang phone hinungdan nga dili siya motubag og text niini. Napungot siya kay tinuod. Wala pa silay relasyon adtong tungora. “Nagalit talaga ako kasi yung totoo, naka-prepaid ako. E, nasa isla kami sa Palawan, so bumili ako ng maraming cards. Kapag wala na akong card [load], pumupunta ako sa dulo, nagkakaskas ako para mag-load. Kaya nung sinabi niya na ‘Siguro, naka-prepaid ka...’ kasi totoo na naka-prepaid ako. Kaya sabi ko, kapag sumuweldo ako, after nito, magla-line na ako, kaya naka-line na ako noon after,” tsika ni Marian. Niingon sab siya nga kun aduna man gani siyay dili buot masunod sa iyang anak nga si Zia niya, kini mao ang iyang pagka maldita.