Kim Soo-hyun mobalik sa Pilipinas
CEBU, Philippines — Subling motikang sa Pilipinas ang award-winning South Korean actor nga si Kim Soo-hyun aron makighimamat sa iyang Pinoy fans.
Mahitabo ang maong kalihokan sa Araneta Coliseum sa Quezon City karong Enero 17, 2023.
Ang aktor usab ang napili nga endorser sa usa ka brand sa donut.
Katapusang nibisita si Kim sa nasud kay niadtong Hunyo karong tuiga alang sa iyang fans day didto sa Mall of Asia Arena.
Nailhan ang aktor sa iyang sikat nga mga K-drama nga sama sa "Dream High," "My Love from the Star," ug "It's Okay to Not Be Okay."
Pelikula ni Lloydie nakadaog sa India
Nakadawat og rekognasyon sa laing nasud ang pelikula nga gibidahan ni John Lloyd Cruz nga “Kapag Wala Nang Mga Alon.”
Ang maong pelikula maoy nakalangkat sa “Special Jury Prize” sa bag-ohay lang nga 53rd India International Film Festival .
Ginama ang maong pelikula sa award winning director nga si Lav Diaz.
Kahinumdoman nga gawas sa maong film festival didto sa India , nisalmot pud ang “Kapag Wala Nang Mga Alon” sa 79th Venice International Film Festival sa Italy niadtong Agosto.
Dingdong,miyembro na sa PMA
Usa na ka honorary member sa Philippine Military Academy Class of 2000 ang Kapuso actor nga si Dingdong Dantes. Gipahigayon sa niaging adlaw ang oathtaking ceremony ni Dingdong.
“Courage. Integrity. Loyalty. Growing up in a family of service men; it had always been the goal for me to enter military school after high school. God had different plans for me back then, but still led me to espouse these values, regardless of destination. Values which I hold sacred and now share with no less than the PMA Class 2000 ‘SANGHAYA,’” suma pa sa social media post ni Dingdong.
Kahinumdoman nga nahimo na usab si Dingdong nga lieutenant commander sa Philippine Navy. Usa usab siya ka reservist sa Philippine Marines .
Catriona wala pahumana sa iyang speech
Wala mahimout si Miss Universe 2018 Catriona Gray sa dihang wala siya pahumana sa iyang speech sa usa ka kalihokan nga gitambongan niya sa niaging adlaw.
Suma pa sa beauty queen nga duna siya'y giandam nga 20 minutos nga speech sa Global Peace Festival 2022 nga gipahigayon sa Clark Global City sa Pampanga.
“I'm so disappointed. To everyone who has been waiting in the heat at the #GPFestival2022 I'm sorry. I worked on a 20-minute speech for you all, and have been so excited to share it with you all but I was cut off not even 10 minutes in,” matud pa ni Catriona.
Nagpasalamat hinoun si Catriona sa tanan niya nga supporters nga nanambong sa maong kalihokan.
“Just know I love and appreciate you guys and I'm so sad I wasn't able to have my proper time with you,” dugang pa niya.
Nagpungasi ang mga proyekto
Dili na gyud mabangbang ang sagunson nga mga proyekto ni Kim Chiu sa ABS-CBN .
Busy si Kim isip host sa It's Showtime , Pinoy Big Brother, ug Dream Maker: Search For the Next Global Pop Group.
Malakip usab siya sa upcoming Kapamilya series nga Linlang .
Matud pa sa aktres nga nalingaw ra siya sa iyang trabaho ug importante alang kaniya ang pagbalanse sa iyang oras.
Rain nakapuntos sa viewers
Nagmaya ang aktres nga si Rain Matienzo human nakadawat og mga positibong feedback ang pagdala niya sa karakter ni Salome sa "Maria Clara at Ibarra" .
Todo pasalamat ang aktres sa mga tawong niingon nga haom kaniya ang iyang role.
"Kinakabahan ako simula nag-taping kami hanggang umere, kasi hindi ko alam if magugustuhan ba ng mga tao, and ‘yung nga, first time ko mag-drama," niya pa.
DonBelle nang-hugyaw sa Abu Dhabi
Gipakilig og maayo nila ni Donny Pangilinan ug Belle Mariano ang ilang fans didto sa Abu Dhabi . Nibisita ang magka-loveteam sa maong dapit dili pa lang dugay alang sa special screening sa ilang pelikulang "An Inconvenient Love."
Wala magkasinanot
Gitataw ni Maxene Magalona nga kinahanglan gyud ang paghigugma sa kaugalingon. Usa kini sa mga nagtukmod kaniya ug sa iyang bana nga si Rob Mananquil nga tak-opan ang ilang panaghigugmaay. Suma pa sa aktres nga wala na sila nagkasinabot niini busa nakahukom gyud sila nga magbuwag.
Andam makauban sa trabaho
Bukas si Bela Padilla sa posibilidad nga makauban sa proyekto ang iyang ig-agaw nga si Daniel Padilla. Nasayran nga gisudlan ni Bela ang pagsuwat og pag-direk og mga pelikula. “I’d love to do a heist film/psycho thriller with DJ to show his range," matud pa ni Bela.
Nanumpa og balik
Nagpakasal og balik sila si Nikki Valdez ug ang iyang bana nga si Luis Garcia sa niaging adlaw . Gisaulog nila ang ilang ika-walo nga anibersaryo sa ilang kasal.“Cheers to more years, blessings, travels, laughter, adventures, etc. Love you soooo much! Happy 8th, my love!,” suma pa sa Instagram post ni Nikki.
Nagpabiling buhi
Nialma ang bokalista sa Parokya ni Edgar nga si Chito Miranda sa niulbo nga obserbasyon sa ubang tawo nga matud pa patay na ang Original Pilipino Music (OPM).Sa iyang Twitter account, nag-post ang singer sa listahan sa Chart Data PH kun diin naglawig gyud ang OPM sa gipistahan nga mga awit sa Spotify.
- Latest