Level 23

Kun si Ivana Alawi, magbirthday pa, si Heaven Peralejo nahuman na. Gi-upload ni Heaven kining maong hulagway sa iyang IG account niadtong November 25, ang petsa nga maoy iyang 23rd birthday. "Level 23 in this game of life," ang kompleto niyang caption.

Wholesome projects na

Human sa kalampusan sa Doll House, target ni Baron Geisler nga wholesome ug dekalidad nga mga proyekto una iyang buhaton. Matud ni Baron, aduna nay naka line-up nga follow-up project alang kaniya. Ang Doll House nga usa ka family drama giisip ni Baron nga “redemption movie” niya, diin gipakpakan sa publiko ang iyang abilidad isip actor. Sa wala pa ang Doll House kasagaran kontrabida roles ang gihatag ngadto kang Baron.

True friend

Gipakpakan sa netizens ang gi-upload nga hulagway ni ABS-CBN writer Darla Sauler diin iyang gipakita nga gibisita niya si Kris Aquino ug mga anak niini nga si Bimby ug Josh didto sa Amerika. Caption ni Darla sa hulagway kauban ang mga nahisgutan: You always make time for family. Happy to visit and catch up with you and the kids while you’re in the US, Krisy. Continuously praying for your well-being. Love, love, love you, Bimb and Kuya always, @krisaquino.” Head writer sa Kris TV sa ABS-CBN si Darla kaniadto, hinungdan nga nagkasuod sila. Suma sa netizens dalaygon si Darla kay gibisita gyud niini si Kris, pamatuod nga tinuod gyud kini nga higala. May mga niingon nga sa ka daghan og higala ni Kris kaniadtong sikat pa kaayo kini, maihap na lamang ang niunong gyud niini karon nga masakiton na.