4 milyones

Gidungog nga P4M ang opening day gross sa Star Cinema movie An Inconvenient Love nga gisalida sa 171 ka mga sinehan lukop nasud niadtong Miyerkules. Ang pelikula nga gibituonan nila ni Donny Pangilinan ug Belle Mariano maoy labing unang pelikula sa Star Cinema nga gisalida sa mga sinehan sukad sa pandemya. Target matud pa sa management nga mokita sila og P80 million, apan panlantaw sa mga analysts, mura'g katunga ra niini ang makab-ot sa maong pelikula gumikan sa ka mahal na sa ticket ug gumikan usab sa pandemya diin dili pa andam ang kinabag-an nga mobalik pagsulod sa mga sinehan.

Greeting ra

Wala nahinayon ang plano nila ni Lyca Gairanod ug Karen Davila nga mag-joint birthday celebration niadtong November 21, sanglit may show ang singer sa Araneta Coliseum. Igo na lang nila pa nga gigreet ang usa'g-usa. Eighteen na ang kanhi The Voice Kids winner ug birthday wish niya nga magdugay pa siya sa showbiz. Regular cast si Lyca sa sitcom nga Kalye Kweens sa TV5. Kahinumduman nga viral ang video nila ni Karen ug Lyca human nasurpresa ang broadcaster nga managsama sila og birthday sa giinterview niya nga singer niadtong tungora.