^

Banat Showbiz

Miss USA, Proud Pinoy!

Banat
Miss USA, Proud Pinoy!
R’Bonney Gabriel

CEBU, Philippines — Duha na ka mga kandidata nga dugong Pinoy ang magtigi alang sa umaabot nga Miss Universe pageant. Kini human ang Fil-am nga representante sa Texas nga si R’Bonney Gabriel maoy nidaog isip Miss USA niadtong October 3, (October 4, dinhi sa atua) didto sa Reno Nevada, USA.

Buot pasabot, siya ug ang Fil-Italian nga Miss Universe Philippines nga si Celesti Cortesi ang lakip sa magtigi sa Miss Universe pageant nga ipahigayon didto sa Amerika sa January 2023.

Fashion designer si R’Bonney, busa siya ra pud ang momugna sa kasagaran sa iyang outfits. Nasayran nga Pinoy ang iyang amahan nga ni-migrate sa Amerika aron manimpad.

Ug mapasigarbuhon siya sa iyang dugong Pinoy. Gani, dako niyang kalipay nga nakapahulagway siya kang Rabiya Mateo human sa pagsalmot sa nauwahi sa Miss Universe 2020 pageant didto sa Amerika.

Niadtong Father’s Day, nag-post sab siya og greeting alang sa iyang amahan.

Siya nagkanayon: “Happy Father’s Day! Maligayang araw ng mga tatay! Thank you dad for showing me hard work and a dedicated mindset can bring you to your goals.

“Thank you for always wanting to travel and adventure, and bringing me to your home country of the Philippines throughout my childhood.

“Thank you for always pushing me to grab opportunities and live life with excitement and fun. Mahal kita.”

 Sa iyang TV guestings, kanunay sab niya nga ipasigarbo ang kulturang Pinoy ilabi na ang mga lamiang pagkaon ug ka mahiligon sa mga Pinoy og beauty pageants.

Confirmed?

Instagram official na ang taod-taod na nga gituohang adunay relasyon nga sila si Atom Araullo ug Zen Hernandez. Kanhi magkatrabaho ang duruha sa ABS-CBN, sa wala pa nibalhin si Atom sa GMA7. News anchor si Zen ug adunay kaugalingong documentary show si Atom. Kagahapon, gi-greet ni Atom si Zen og “Happy 28th birthday po,” sa Instagram, dungan sa pag-post og hulagway nilang duha. Dili bukas si Atom sa mga detalye sa iyang personal nga kinabuhi busa ang pag-post niya og hulagway ni Zen, giisip sa publiko nga paagi niya pagkumpirma sa ilang relasyon.

Action Queen

Daghan ang nakadayeg kang Lovi Poe dili lamang kay maayo siya mo-drama, kundili angayan sab siya sa action scenes. Ug kining tanan nasaksihan pinaagi sa naghinapos na nga Pinoy adaptation sa ABS-CBN sa Korean series Flower of Evil. Suma pa sa mga nagsugod sa show, matuod gyud nga anak siya ni anhing Fernando “Da King” Poe Jr. Dakong kalipay ni Lovi nga nakamugna gyud siya og action project ug matawag nga “Action Queen”. Apan wala niya hakupa ang tanang pagdayeg. Suma pa niya, mas nanindot ang iyang action scenes sa Flower of Evil gumikan sab sa production people ug sa suporta sa iyang co-stars ilabi na nila ni Paulo Avelino, JC De Vera ug Piolo Pascual.

Bida na gyud

“Straight”. Kana maoy diretsong tubag sa kanhi child star nga si Gold Aceron sa pangutana kun “straight o gay” ba siya. Gipangutana ang 24-anyos nga actor niini, sanglit sa iyang umaabot nga pelikula nga May-December-January, diin usa siya sa mga bida kauban sila si Kych Minemoto, ug Andrea del Rosario, gay ang role niya nga nainlab sa boyfriend sa iyang mama. Matud ni Gold, “Hindi ako namimili ng karakter o kapareha. Trabaho kasi ito, trabaho ko siya." Nasayran nga 6-years old pa lamang siya niadtong nagsugod siya pag-artista, hinungdan nga makita gyud ang ka maayo niya moarte. Markado ang iyang performance sa Scorpio Nights 3. “Young Kean Cipriano po ako sa Dolce Amore, naging young Rocco Nacino, young Aljur Abrenica, young Dennis Trillo…Kung sinu-sinong young…” Karon, bida na gyud siya.

Wow, Heart!

Nataypan ni kanhi Spice Girls member Victoria Beckham si Heart Evangelista. Nasayran nga usa na karon ka fashion designer si Victoria, ug lakip sa featured designers sa Milan Fashion Week. Niadtong Biyernes, ang gisul-ob ni Heart didto sa Milan, Italy, mugna ni Victoria. Gi-tag ni Heart si Victoria sa iyang gi-upload nga mga hulagway ug video sa Instagram. Pagsunod adlaw nakit-an kini ni Victoria ug nikomento ang kanhi singer: U look incredible!!! Perfect VB muse!! X"

Naminyo na!

Gikasal na ang kanhi child superstar nga si Serena Dalrymple ngadto sa iyang French-American fiancé Thomas Bredillet didto sa Amerika. Ang bag-ong magtiayon maoy nag-upload og mga hulagway kuha sa ilang kasal pinaagi sa tagsa tagsa nila ka IG accounts. Upat ka tuig silang magka relasyon ug na-engaged sila sa nilabay nga tuig. Gibutyag ni Serena nga nahimamat niya ang iyang bana pinaagi sa usa ka social media dating app.

PAGEANT

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with