Trending sa YouTube

CEBU, Philippines — Tulo ka adlaw pa lang gani  ,gikan sa pag-upload niini sa YouTube, gipistahan dayon sa music lovers ang  music video sa bag-ong awit ni  James Reid   “u & i "  kun  diin nakalangkat dayon kini og kapin usa ka million ka views.

Mao kini ang kasamtangang  top trending video sa YouTube.

Kauban ni James sa maong music video  mao ang  Filipino-American model nga si Kelsey Merritt .

Nakadawat og mga pagdayeg ang chemistry nila ni James ug Kelsey. 

Ipasalida karong Disyembre

Sa katapusang bahin karong tuiga gitakdang ipasalida ang reunion movie nila ni  Alessandra de Rossi ug Empoy Marquez nga Walang Ka-Paris. Aduna na'y napilian nga  streaming platform  alang sa pagpasalida niini.

Ang aktor nga si Piolo Pascual maoy producer sa maong proyekto.

Kahinumdoman nga ni-click kaniadto ang karaang pelikula nila ni Alessandra ug Empoy nga "Kita Kita".  

2022 Oscars OTJ, pambato sa nasud

Ang OTJ The Missing 8 maoy opisyal nga  entry sa Pilipinas alang sa  2022 Oscars partikular na sa kategoriyang Best International Feature Film.

Sila si  Erik Matti ug Michiko Yamamoto maoy nigama sa maong proyekto  nga gi-produce ni  Ronald “Dondon” Monteverde.

Kahinumdoman nga gipakpakan usab kini kaniadto sa  2021 Venice International Film Festival.

Ang mga bitoon sa  On The Job The Missing 8 mao sila si Dennis Trillo John Arcilla, Andrea Brillantes, Soliman Cruz, Christopher De Leon, Ricky Davao, Lotlot de Leon, Dante Rivero, Agot Isidro, Donna Cariaga, Joel Torre, William Martinez, ug Ina Feleo. 

ABS-CBN nagmadaogon sa  Asian Academy

Nakalangkat ang ABS-CBN og 16  ka  pasidungog sa  2022 Asian Academy Creative Awards (AAA), ug gikatakdang morepresenta sa  nasud  alang sa maong regional awards sa Asia Pacific  nga ipahigayon sa  Singapore karong Disyembre  8.

Nakuha ni Vice Ganda ang kategoriyang  Best Entertainment Host. Ang “The Broken Marriage Vow” miangkon og unom ka national winner titles uban ni Jodi Sta. Maria isip national winner alang sa Best Leading Actress ug Zaijan Jaranilla isip Best Actor in a Supporting Role.

Ang hit series gihinganlan sab og national winner alang sa Best Adaptation of An Existing Format, Best Promo or Trailer, Best Editing (Rommel Malimban), ug Best Theme Song o Title Theme (“Gusto Ko Nang Bumitaw” ni Morissette). Nasakmit sab sa “It’s Showtime” ang Best General Entertainment, Game, or Quiz Program ug Best Direction (John Moll). Upat ka mga programa sa ABS-CBN ang midaog usab sa ilang tagsa-tagsa ka kategoriya nga naglakip sa “KBYN: Kaagapay ng Bayan” (Best Current Affairs Program or Series); “ASAP Natin ‘To” (Best Music or Dance Programme); “Maalaala Mo Kaya - Beauty Behind Bars Episode” (Best Single Drama or Telemovie/Anthology Episode); ug ang "The Crawl Singapore" sa Metro Channel (Best Lifestyle Program).

Ang ubang mga mananaog mao sila si  Dimples Romana sa Viral Scandal  (Best Actress in a Supporting Role) ug Pepe Herrera sa My Papa Pi (Best Comedy Performance).

Samtang, ang ABS-CBN Film nga “Kun Maupay Man It Panahon ("Whether The Weather Is Fine") ang nakakuha sa award alang sa Best Feature Film.

"Kung Maako-a Lang Ka"

Gipadungog na sa Viva Records dili pa lang dugay ang awit nga "Kung Maako-a Lang Ka"  nga naghatod og positibo nga vibes.

Mao kini ang bag-ong single sa  Cebuano singer nga si SHAD.

Tipik sa mensahe niini mao ang panaad sa usa ka lalaki aron mabihag ang kasing-kasing sa babaye.

Matud pa nga dili lalim nga mahigugma busa dakong butang kun magmalampuson sa pagdiskarte ang usa ka tawo.

Nailhan si SHAD sa pagtagik og mga nagkalain-laing klase nga kanta.