Pagtratar sa bashers

CEBU, Philippines — Giklaro ni Korina Sanchez sa  presscon sa iyang bag-ong talk show nga Korina Sanchez nga makita pinaagi sa Net 25, nga dili tanan nga basher niya ang iyang pangtubagon. Namili sab siya kinsay tubayan. Apan nakuha na niya ang timpla unsaon pagtratar ang mga basher nga manulong gyud sa iyang social media accounts. “Kasi may mga bagay na alam mo ‘yung walang kakuwenta-kuwenta, na gusto lang talagang may pagka-nega ng isang tao sa itsura mo or damit mo, na ang pangit mo or whatever kung anuman ‘yung gusto nilang sabihin.” Matud ni Korina, kun walay uwaw ang basher sa ilang komento, kinahanglang wala sab kay uwaw sa imong pagtubag. “Kung minsan kasi, di ba ‘pag kausap mo ang bata kailangan ang tono mo ay parang bata din para maintindihan ng bata. Pag pumunta ka ng Amerika, medyo kailangang may-accent ang English mo para maintindihan ka nila. Pag kausap mo ay teenager hindi ka puwedeng parang matandang nanenermon. Sasabayan mo ngayon ang lenguwahe nila. Pagkausap mo naman ay dignitaryo, iba rin ang tono mo at lengguwahe mo. Pero alam mo, pag kausap mo ang mga walanghiya kailangan walanghiya ka rin,”pamunto niya.

Time management gyud

Saktong pagbahin-bahin sa oras lamang ang gikinahanglan ni Leandro Baldemor aron mahimo niya ang iyang nagkadaiyang roles sa kinabuhi. Tipik siya sa GMA7 series nga Nakarehas Na Puso nga nilugwa na kagahapon sa hapon. Padayon sab siya sa iyang pagka painter ug sculptor, ug padre de pamilya sab siya. Matud niya,matag kaadlawon siya kasagaran nga magdebuho. Inig abot niya sa set, isilsil sab niya sa iyang hunahuna nga artista siya ug kinahanglan mahatag ang gipangayo sa iyang role. Human sa taping, inig pauli niya sa iyang pamilya, tatay na sab siya.

Maghimo’g ilaha

Plano sa magkarelasyon nga Miles Ocampo ug Elijah Canlas nga magsuwat og kaugalingon nilang script aron makagama og pelikula. Suma pa sa manag-uyab, kun walay mukuha nila, sila na lamang ang mogama og para nila.  Pinaagi sa ilang kasinatian isip artista, buot na sab nila nga musuway og trabaho likod sa camera sa umaabot.

Family Feud  lahos na!

Diretso na sunod tuig ang game show ni Dingdong Dantes sa GMA7 nga Family Feud. Suma pa ni GMA7 entertainment head Lilybeth Rasonable ngadto sa PEP Troika, dili lamang tungod kay taas ang rating sa maong show, kundili gumikan sab kay nindot ang feedback gikan sa players ug viewers. Suma ni Rasonable, kinahanglang maglingaw karong panahona gumikan usab sa makaguol nga mga panghitabo sa palibot, busa, kun makatabang ang Family Feud niining bahina, dili nila ihikaw kini ngadto sa publiko. December 2022 ras unta kutob ang maong show.

Gerald, nagdelete gumikan ni…

Gi-delete man tuod ni Gerald Anderson ang iyang komento sa hulagway nga gi-upload sa iyang bestfriend nga si Rayver Cruz, apan dali kining na-screen shot sa netizens busa napublikar gihapon kini. Nag-upload si Rayver og mga hulagway niya nga may caption nga “back in the city of angels.” Komento ni Gerald niini mao: without me? Kun imong ukayon, may hulagway diay nga kauban ni Rayver ang gihungihong nga uyab niya nga si Julie Ann San Jose, Dingdong Dantes ug ang ex-girlfriend ni Gerald nga si Bea Alonzo. Ang mga nahisgutan atua sa Amerika alang sa Together Again: A GMA Pinoy TV @ 17 Concert. Komento sa netizens, hayan wala nakabantay dayon si Gerald nga apil diay sa maong mga hulagway si Bea, hinungdan nga gi-delete niya ang iyang komento.

Dili diay…

Nag-training na si Julia Montes alang sa umaabot nga action movie nga Topakk sa direksyon ni Richard Somes. Makauban niya sila si Arjo Atayde, Sid Lucero, ug Sylvia Sanchez. Apan komento sa mga marites: Dili diay siguro mabdos si Julia kay nag-training man! Pero may mga nikomento sab nga basin og hagbay nang nanganak maong mahimo na nga magtraining.

Buot makatrabaho ni Piolo

Bisan sa kadaghan sa nagtinguha nga makatrabaho siya, aduna puy mga artista nga buot nga makatrabaho ni Piolo Pascual. Una gyud sa iyang listahan si National Artist Nora Aunor, ug ang apo niini nga si Janine Gutierrez. Matud ni Piolo ngadto sa PEP Troika, swerte siya nga nakatrabaho na niya si Lovi Poe sa Pinoy adaptation sa Korean series nga Flower of Evil. Matud ni Piolo, maayo kaayo nga aktres si Lovi. Ang uban pang buot niyang makatrabaho puhon mao si Bea Alonzo nga nakauban niya kaniadto sa pelikulang Dreamboy niadto pang 2005. Ganahan sab siya magkatrabaho sila ni Maja Salvador Ug Jericho Rosales. Suma sa actor ganahan siya makigtrabaho sa mga maayo sab gyud nga mga artista.

Jericho ug Kathryn, target ni Maris!

Malambuon ang career ni Maris Racal, hinungdan nga mapasalamaton siya. Sa interview sa Star Magic News niya gipadayag ni Maris:  “Sa career ko naman ang dami kong dream goals na natupad and dream directors na nakatrabaho. Feeling ko sobrang solve na ako don. But I am aiming for more but at the same time I feel very grateful and contented.” Karon nga 25 years old na siya, buot niya nga sa hinay-hinay magmature na sab ang iyang mga roles. Sa mga buot niyang makatrabaho, niingon siya: “Sana makatrabaho ko na si Jericho Rosales. Sana makatrabaho ko na si Kathryn Bernardo.”

Hello Bali

Atua sa Bali Indonesia nagpahayahay si Kylie Verzosa. Nagbaha ang iyang mga hulagway sa maong bakasyon.