Diamond Star

CEBU, Philippines — Adunay himuong teleserye si Diamond Star Maricel Soriano sa ABS-CBN. Ang award-winning actress mismo maoy ni-post kabahin niini, dungan sa pag-upload og hulagway sa Twitter niadtong nilabay nga adlaw kauban ang mga executives sa network. Apan walay laing detalye nga giluwatan si Maricel.  Posibli hinuon nga ang director sa maong serye mao sila si Manny Palo ug Jojo Saguin sanglit may hulagway sab siya nga gi-upload diin kauban niya ang mga nahisgutan. Katapusang nakita si Maricel sa toptrending series sa ABS-CBN nga “Ang Sa Iyo Ay Akin” kauban sila si Iza Calzado ug Jodi Sta. Maria sa nilabay nga tuig.

“Baklush”

“Beki”. Mao nay tsika sa beteranang kolumnista nga si Cristy Fermin kabahin sa lalaki nga gilambigit karon ngadto sa global fashion icon nga si Heart Evangelista. Human nigawas ang tsika nga nibiya na si Heart sa pinuy-anan nila sa iyang bana nga si Senator Chiz Escudero ug nibalhin kini sa iyang condo unit, nigawas ang tsika nga adunay kuyog-kuyog karon ang aktres nga Italyano nga giintriga nga karelasyon niini. Apan matud pa sa tinubdan ni Fermin, “baklush” ang maong lalaki. Kasamtangang atua sa Italy si Heart alang sa Milan Fashion Week.

Natanggong

Natanggong sa NBI detention center ang actor/TV host nga si Vhong Navarro gumikan kay gawas sa warrant of arrest may labot sa reklamong acts of lasciviousness nga nigawas batok niya niadtong Lunes, nalutsan sab siya og laing warrant of arrest kabahin sa reklamong rape batok niya. Ang complainant mao ang model nga si Deniece Cornejo kinsa nipasangil nga gilugos siya ni Navarro niadtong 2014. Nasayran nga dili makapyansa si Vhong kabahin sa rape complaint nga iyang giatubang hinungdan nga magpabilin siya sa NBI detention center.

Naanad

 Naanad na matud pa sila si Julia Barretto ug Gerald Anderson nga maora’g kada bulan sila intrigahon nga nagbulag. Sa interview ni Karen Davila kang Julia, niingon siya nga wala sila nagbulag ni Gerald, gipili lamang matud pa nila nga himuong pribado ang ilang relasyon. "Sa news, every month, that's the situation. No, we haven’t broken up. "I think that’s a sign na we're really able to protect our relationship and keep it private.” Gideklara sab ni Julia nga masaligon siya nga dili siya pasakitan ni Gerald. Wala matud pa siyay nakitang rason aron magduda siya sa actor. “I don’t think I’ll get into a relationship with somebody na I don’t trust. I do trust him and he shows me that every single day, there’s just no reason for me to doubt.”

Hi, Baby Gurl!

"Josie in Baby Boy, Baby Girl." Mao kanay caption ni Kylie Verzosa sa iyang gi-upload nga mga hulagway kagahapon sa Instagram agig pagpromote sa iyang latest movie. Kini mao ang "Baby Boy, Baby Girl", kauban si Marco Gumabao ug ubos sa direksyon ni JP Laxamana.

“Not every woman...”

Dili tanang babaye gihimugso aron mamahimong inahan. Mao kini ang kalmado nga tubag sa actress nga si Maxene Magalona ngadto sa usa ka commenter sa iyang post nga nangutana nganong dili siya magbaton og anak puhon.

Pangutana sa commenter: Why don’t you have kids soon? Tubag ni Maxene, “Not every woman is born to be a Mom.”

Gi-screenshot ni Maxene ang pangutana sa commenter ug ang iyang tubag, ug nikomedya nga siya maoy labing haom nga bisita alang sa nagsingabot nga pasko. Kini kay nakasiguro siya nga sukit-sukiton gyud siya sa mga marites.

“Tumaba ka iha. Single ka pa rin hanggang ngayon? Kailan ka mag-bababy?”

May nidayeg sab gumikan sa iyang bulawanong panghunahuna karong panahona. Nagpasalamat siya niini, ug niingon nga padayon pa siyang nagkat-on.

Maricar: Kung wala, wala

Gibutyag ni Maricar Reyes pinaagi sa vlog interview ni Rica Peralejo nga nikunsulta na sila sa iyang bana nga si Richard Poon og espeyalista alang sa posibilidad nga makabaton na sila og anak, human usab sa pipila ka tuig na nga kaminyuon.

Apan, asoy ni Maricar, walay nakitang diperensya o fertility issues ang espeyalista kanilang duha.

“We even got checked. There’s no problem with him, there’s no problem with me. Feeling ko, we did our due diligence naman on our side humanly possible. Pero wala e, so what are you going to do?”, niya pa. Wala sab matud pa siya masuya sa uban nga adunay mga anak.

“Honestly, kaya minsan hindi ko alam kung weirdo talaga ako… Hindi [ako naiinggit]. If there is anything, I don’t know… I super naturally got from God, ewan ko…”

Suma pa ni Maricar, aduna siyay kalinaw. Dili niya pugson.

 “Meron lang talaga akong peace. “Kung meron, okay. Kung wala, okay. It doesn’t make me feel like I’m less of a person or I’m less of a female. Kung wala, wala. Ginawa mo na ‘yung part mo e, and I rest on that,” niya pa.