Bulahan ang Publiko
Gihangop ni Senator Raffy Tulfo ang partnership deal sa ABS-CBN ug TV5. Suma pa sa senador, kansang programa sa TV5 mao ang Wanted sa Radyo, ang mabulahan niini mao gyud ang publiko. Kini kay daghang mga maayo nga programa ug talento sa ABS-CBN, busa karon nga naghiusa og pwersa ang duha ka mga networks siguaradong makaayo gyud kini sa publiko. “ABS-CBN, marami silang mga contents na maibibigay when it comes to entertainment, news, and public affairs, etc. “The same with TV5, marami rin silang magagaling pagdating sa reports, mga shows, at maayos ang signal. At kung mag-joint forces 'yan, ang makikinabang talaga ay ang viewing public, yung taong-bayan.” Nagkanayon siya sa interview ni Karen Davila sa ANC Headstart.
Kaupat Nilupad
Si Star for All Seasons Vilma Santos ang labing daghan og Darna movies. Kaupat siya nilupad isip Darna. Ang labing una mao ang Lipad, Darna, Lipad niadtong 1973. Usa kini ka trilogy, diin ang mga kontrabida mga banggiitan sab nga naglakip kanila ni Gloria Romero isip Babaeng Impakta, Celia Rodriguez isip Babaeng Ahas ug Liza Lorena isip Babaeng Lawin. Tulo sab ang director niini nga sila si Joey Gosiengfiao, Emmanuel Borlaza, ug Elwood Perez. Apan wala nay kopya niining maong pelikula sigon sab sa post ni Ate Vi. Ang uban pa niyang Darna movies mao ang Darna and the Giants (1973), Darna vs the Planet Women (1975), ug Darna at Ding (1980).
“Nasasaktan ako for Chichi”
Si Alden Richards ang labing bag-ong celebrity spokesperson sa Philippine Animal Welfare Society (PAWS). Gipaila siya niadtong Huwebes. Dungan niini, nanghinaot si Alden nga mawagtang na ang diskriminasyon sa mga aspin o asong pinoy. Siya mismo, adunay seven year old aspin nga ginganlan og Chichi. Apan niya pa, naa sab silay pure bred nga mga iro, pero, managsama ra ang ilang pagtratar sa tanan. “Pero napuna ko na merong talagang discrimination. Pag may nagtatanong kung anong breed young aso nila, ang usual na sagot ‘Aspin lang’ or makakarinig ako minsan ng ‘Bakit ka pa gumastos sa vet, e, aspin lang naman 'yan?’ Pag naririnig ko yun, nasasaktan ako for Chichi.” Tsika niya ngadto sa PEP Troika.
- Latest
