Dili Pabebe

CEBU, Philippines — Gidayeg ni Lolit Solis si Heart Evangelista kay maisugon gyud matud pa kini nga moatubang og mga intriga. Sa usa ka IG post, nagkanayon ang veteran columnist: "Isang hahangaan mo kay Heart Evangelista, Salve iyon pagiging head on niya sa mga intriga. Talagang hinaharap niya lahat ng issues ng hindi pa-baby effect. Talagang kita mo ang strength ng character niya sa pag handle ng problema. Very good example siya ng isang star na hindi nawawala ang poise pagdating sa issues kaya naman lahat gusto siya kausapin.”

“Gandang-ganda”

Nabunotan si Anne Curtis sa iyang mga co-host sa It’s Showtime niadtong Miyerkules diin siya maoy gisungog og maayo, ilabi na dihang gipa duet siya ug ang usa ka Miss Q&A contestant. Gipakanta sab ni Vice Ganda si Anne sa iyang lullaby alang kang Dahlia Amélie Heussaff, nga iyang anak. Komedya ni Vice, inig kadungog ni Dahlia sa lullaby sa iyang mommy, mohagok gyud dayon kinig maayo. Apan depensa ni Anne:“Kay Dahlia, para akong Disney Princess, 'yung boses ko. Gandang-ganda.”

Mura’g mag-ate

Gigawas na ang teaser sa GMA7 Pinoy adaptation sa kdrama nga Start Up, diin daghang mga fan sa original version ang nipalanog og ka balaka nga basin dili mo-rate ang maong serye nga gibituonan nila ni Alden Richards ug Bea Alonzo. Kay nila pa, “miscast” o daw dili haom si Bea sa role sanglit sa original version, bag-ong graduate sa college ang bida. Apan kun tan-awon si Bea, tiguwang na gyud kini sa maong role. Daw mag-ate lang sila ni Alden, ug walay chemistry.

“Mga damonyo kayo”

Gitubag na ni Vice Ganda ang nigawas nga intriga nga nagbuwag na sila ni Ion Perez. Sa It’s Showtime niadtong Miyerkoles, nagkanayon si Vice: “Masaya kami. Huwag kayong gumagawa ng mga ano, mga chismosa kayo! Hiwalay na daw kami ni Ion?”

Padayon niya, “Etong mga damonyong ‘to. Hoy, mga damonyo! Pero masaya kami rito. Masaya kaming magjo-jowa kaya wag kayong ano. Mga damonyo kayo.”

Apan nagkalagyo sila og unom ka mga adlaw sanglit nibyahe si Ion sa Japan kauban ang iyang pamilya. Si Vice sab nilaag og Bohol kauban sab ang iyang pamilya.

Gimingaw matud pa sila sa usa’g-usa, sanglit unang higayon kadto sukad sa pandemya nga nagkalagyo sila og pipila ka mga adlaw. Kasagaran nila nga dili magkuyog, tulo lamang ka adlaw.

Kuwang ang  pag-arte

Gibutyag ni Valerie Concepcion sa PEP Challenge interview niya nga nitibugsok gyud ang iyang pagtan-aw sa iyang kaugalingon dihang gipangutana siya kaniadto sa usa niya ka katrabaho og, “yun na yung acting mo?” Nagduda na lamang hinuon siya sa iyang kaugalingon sanglit 18 years na siya sa showbiz ug dili diay gihapon siya makamao moarte. Nagdumili si Valerie paghingan kinsa ang maong personalidad, apan niya pa, na stress gyud siya og maayo niadtong maong proyekto, diin, kun masayud siya nga makauban niya kini sa taping, dili gyud siya makatulog. Giklaro hinuon niya nga human sa ilang project, okay na sila ug daw walay nahitabo. Buot lamang matud pa ang maong personalidad nga pokpokon siya aron mas monindot pa ang ilang project. Makita si Val sa GMA afternoon series, Raising Mamay.

English movie

Gitakdang magbida si Jake Cuenca sa umaabot nga pelikula nga mag-ulohan og Visitor, kauban ang Fil-Am actor/director nga si Anthony Diaz V. English ang pinulongan nga gamiton sa maong pelikula nga pinasubay sa Marawi Siege niadtong 2017. Mga sakop sa government security force sila si Jake ug Anthony sa maong pelikula, diin kontra nila ang armed group nga pangulohan ni Joel Torre. Apil sab niini sila si Yuseff Esteves, Mara Lopez ug Claire Ruiz. Iya kini sa Kaizen Studios. Nasayran nga si Anthony maoy director sa award-winning film Break, ug ang iyang debut film mao ang Way of the Cross.

Kun may ikahatag

Giklaro ni Mark Anthony Fernandez nga nagpapicture lamang niya ang mabdos nga lady guard ug dili tinuod nga napamabdosan niya kini. Sa interview ni Ogie Diaz, sa Youtube channel niini, niingon si Mark nga ulitawo siya ug nag-inusara lamang pagpuyo karon. Aduna siyay lima ka mga anak, duha niini nahatagan na niya og balay. Nagkasinabot na matud pa sila sa mga inahan sa iyang anak nga mohatag lamang siya kun aduna siyay ikahatag. Pero giklaro niya nga dili siya magpabaya sa iyang responsibilidad.