Iza ug Jessy, mabdos...
Mabdos na sila si Jessy Mendiola ug Iza Calzado.
Ang kumpirmasyon sa 29-anyos nga si Jessy kabahin sa iyang blessing, gipahibawo nila sa iyang bana nga si Luis Manzano pinaagi sa Youtube channel sa aktres niadtong Huwebes sa gabii. Si Iza, nipahibawo kabahin sa grasya nga nadawat nila sa iyang bana nga si Ben Wintle pinaagi sa Facebook kagahapon.
Suma ni Jessy, “Ang dami kong memorable moments with Lu but this one, siguro this is the best.”
Samtang si Iza, niingon nga nasurpresa sila sa pag-abot sa ilang anak, sanglit karon nga 40-anyos na siya, ug nagsaulog sa iyang ika-20 na ka tuig sa showbiz, daghan matud pa nga dream projects ang nakalinya niya. Medyo nakugang matud pa siya pagkahibawo niya, apan dali kaayo niyang nasabtan nga mao kini ang plano gyud sa Ginoo.
“Then you came along. Unexpectedly. It was a shock in the beginning like ice cold water that gets thrown at you. This is not what I planned yet here you were. It took only a brief moment. I, then, instinctively knew that this was THE plan."
Wala pay dugang detalye kabahin sa gisabak sa mga nahisgutan.
Hi, Taiwan!
Adto na sa Taiwan mopuyo sila si Roxanne Barcelo ug iyang bana nga si Jiggs, kauban ang ilang anak nga si Cinco. Wala gipadayag sa singer/actress ang rason nganong mobalhin sila og puyo ngadto sa maong nasud, apan nanghinaot siya nga adunay showbiz career nga nagpaabot niya didto. “Baka may pa-kanta ako doon, we’ll see. Sana matuloy at sana matupad. If not, food vlogger. Gagawin ko talaga yun kasi masarap ang food sa Taiwan and maganda ang fashion. Explore natin lahat.”
- Latest