Nauna si Pia

Dili si Herlene Nicole “Hipon Girl” Budol ang unang Bb. Pilipinas finalist nga nag-tagalog sa Q&A. Una na kining gihimo ni Pia Wurtzbach sa iyang ikaduhang pagsalmot sa maong beauty pageant niadtong 2014.

Niadtong tungora, si Senator Juan Edgardo “Sonny” Angara maoy nangutana kang Pia. Ang senador mismo maoy nangutana kun mahimo ba nga tinagalog ang pangutana, nga gitubag ni Pia nga mahimo kaayo ug mahimo sab nga tubagon niya sa maong pinulongan.

Ang pangutana sa senador niadtong tungora, nagkanayon: Ano yung pinakamagandang leksyon na maituturo ng isang babae sa buong mundo?

Tubag ni Pia: Ang isang leksyon na maituturo ng babae sa buong mundo ay ang tiwala sa kanyang sarili, yung intuition po na tinatawag natin. Kapag meron kang intuition, alam mo kung saan mo ilulugar ang sarili mo. Kahit na hindi ka sigurado sa nararamdaman mo or naiisip pero kung alam mo sa intuition mo, magiging successful ka sa kahit anong gawin mo sa buhay mo.

Kutob lamang sa Top 15 si Pia niadtong tuiga. May mga nagduda nga naibanan ang iyang puntos gumikan sa iyang pag tinagalog sanglit may mga foreigner nga hurado sama kang William Christopher – United States' Consul Officer; Adam Laker – General Manager of Sofitel Philippine Plaza; Mexican Ambassador to the Philippines Julio Camarena; ug 2013 Miss Universe Gabriela Isler.

Ang mga mananaog niadtong tuiga mao sila si Mary Jean Lastimosa (Bb. Pilipinas-Universe), Mary Anne Bianca Guidotti (Bb. Pilipinas International), Yvethe Marie Santiago (Bb. Pilipinas-Supranational), Kris Tiffany Janson (Bb. Pilipinas-Intercontinental), ug Parul Shah (Bb. Pilipinas-Tourism). Runners-up sila si Laura Victoria Lehmann (First), ug Hannah Ruth Sison (Second).