^

Banat Showbiz

Moundang unta

Banat

CEBU, Philippines — Diriyot na gyud unta mobiya sa showbiz si Loisa Andalio taliwala sa pandemya. Nawad-an na siya og paglaom, ug feeling niya wala nay nagmahal niya. Nisamot pa human nawagtangan og prangkisa ang ABS-CBN, busa wala nay kasiguruhan ang iyang career. Na depress gyud siya, hinungdan nga nidaot siya og maayo. Breadwinner siya sa pamilya, ug may mga gisuportahan siya nga mga igsuon nga high school ug college students. Nasirado pa gyud iyang salon gumikan gihapon sa pandemya. Maayo na lang kay gihatagan siya og teleserye sa ABS-CBN nga mao ang Love In 40 Days, diin paris niya ang iyang hinigugma nga si Ronnie Alonte nga wala gyud nibiya niya niadtong mga panahon nga ka undangon na siya. Hapit na isalida ang maong series nga matud pa ni Eloisa, daghan kaayo og kapareho sa iyang kinabuhi ang iyang karakter nga si Jane.

Natay-an na

Human sa iyang Luv Anne comeback concert, tinguha ni Anne Curtis ang mopailawom pag-usab og acting lessons. Suma pa niya, medyo natay-an na siya ilabi na nga taod-taod na siya nga wala nakahimo og pelikula gumikan usab sa pandemya. Aduna nay mga scripts nga gipadala ang Viva Films niya aron maoy iyang pilian alang sa iyang comeback movie sab. Wala pa sab siyay ideya gyud kanus-a siya makahimo og pelikula, apan mahitabo kini sa dili madugay.

Abilidad ni Piolo

Human sa unom ka bulan nga panag-uban nila ni Piolo Pascual sa lock in taping alang sa iyang unang ABS-CBN series nga mao ang Pinoy adaptation sa hit Korean series nga Flower of Evil, gipadayag ni Lovi Poe nga nakatugkad na siya nganong daghan ang nagtinguha nga makatrabaho ang aktor. Suma pa ni Lovi, puno kaayo og emosyon si Piolo busa madala gyud ka sa higayon nga kamo ang magka eksena hinungdan nga mabuhat sab nimo ang tanan aron maanindot ang imong pag-arte. Naghinamhinam na si Lovi nga masaksihan na sa publiko ang maong teleserye kay aduna sab gyuy mga gidugang aron mas maanindot ang maong project.

Tinguha ni Angeli

Gitugutan na si Angeli Khang sa iyang manager nga si Jojo Veloso nga magka lovelife. Apan suma pa sa bida sa VivaMax movie Pusoy, unya ra siya mag-uyab uyab kay ang iyang showbiz career gyud maoy iyang priority. Suma pa niya, tulo ka buok nangulitawo niya karon nga puros mga taga showbiz ug ka edad ra niya, apan dili kini priority sanglit ang iya gyung tinguha mao nga makabaton na siya og pelikula nga isalida sa mga sinehan, human usab sa sunod-sunod nga movies niya sa VivaMax sama sa Madjong Nights ug Apoy sa Dagat. Kauban ni Angeli sa Pusoy sila si Janelle Tee, Vince Rillon ug Baron Geisler. Top trending ang maong pelikula gumikan kay labihan matud pa ka mapangahason ang sexy scenes nilang upat.

LOISA ANDALIO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with