^

Banat Showbiz

Red, Blue gisubha'g daog sa Thursday Club

Emmanuel B. Villaruel - Banat

CEBU, Philippines — Tam-is nga kadaogan ang misugat sa Red ug Blue teams sa 2022 Jugan Thursday Basketball Club didto sa Jugan covered court sa Consolacion.   

Si Jerome Ayuda mitimbre og 16 puntos samtang sila si Rolly Vacunador ug Jonathan Gerobiese nagkumboya og 24 puntos sa dihang ang Red nakaipsot sa Black, 75-72.

Ang Red naglabaw sa iskor nga 61-52 human sa tulo ka kuwarter ug dayon nakasugakod sa mainit nga endgame rally sa Black aron pag-eskapo niini ngadto sa tres puntos nga daog.   

Si Francis Dumadag maoy nangu sa Black uban ang 14 puntos samtang sila si Randy Compra ug Em Tabago nagkumbinar og 24 puntos sa pilderoing kawsa.

Sa laing duwa, ang Blue milampaso sa Maroon, 75-59, luyo sa gipaulbo nga 27 puntos ni Gil Dumadag.

Sila si Marvin Boyles ug Jason Apas nakatigum og 20 puntos alang sa Blue, nga wala na paginhawaa pa ang Maroon sukad ila kining gilubong og 21 puntos sa halftime, 46-25.

Si Nico Yap mi-iskor og 14 samtang si April Sabang dunay 10 puntos sa pilderong Maroon.

Ang torneyo giorganisa sa Jugan Thursday Basketball Club ubos sa pagangu sa ilang presidente nga si Neil Pepito ug bise presidente nga si Randy Compra.

Ang uban pa nilang mga opisyales mao sila si Aneck Tajale (secretary), Delio Pilapil (treasurer), Tino Valle (auditor), Dado Ygot ug Dante Infante (PRO), ug Em Tabago, Carlo Sasing ug Wata Mariñas (Sgt. at Arms). Mga sakop sa Boards of Directors sila si Gil Dumadag, Julito Decierdo, Toto Sales, Shadrock Mahinay, Victor Kho, Gerome Taborada, Rolando Gelido, ug Dodz Lao.

BASKETBALL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with