Giampo gyud diay

CEBU, Philippines — Tubag sa iyang mga pag-ampo ang kaminyuon nila ni Derek Ramsay ug Ellen Adarna. Kini suma pa sa inahan sa aktor nga si Remedios nga nahinabi ni Pat P Daza para sa philstar.com. Suma pa niini, kanunay niyang giampo nga makahibalag si Derek og babaye nga para gyud niya, ug nakita niya nga si Ellen gyud kini sanglit malipayon ang magtiayon sa usa'g-usa. Gibutyag sab ni Remedios nga adunay himuong international movie si Derek sa Puerto Rico sunod tuig.

Trabaho lang gyud

Wala nagpalupig si Jao Mapa sa sexy scenes sa pelikulang ang "Ang Crush Kong Curly" nga gibituonan nila ni AJ Raval ug Wilbert Ross. Matud ni Jao, artista siya, busa musonod siya unsay ipabuhat sa direktor nga mas makanindot sa proyekto. Ang nibalik showbiz nga 90's heartthrob, aduna say cameo role sa umaabot nga ABS-CBN series, The Broken Marriage Vow nga bituonan ni Jodi Sta. Maria.

Padayon lang gyud

Mga usa pa ka dekada nga pagkayod ug mga duha pa ka pahina sa listahan sa iyang gustong mahitabo sa iyang kinabuhi ang wala pa na check, busa padayon ang paningkamot ni Andrea Brillantes. Suma pa niini, dili gyud siya muhunong hangtud nga matuman ang iyang mga pangandoy, bahala na og unsa pay mga pagsuway nga ibato sa kapalaran ngadto niya.

Nindot sila'g chemistry

Tua sa Pampanga ang lock in taping sa teleserye nga "False Positive" nila ni Glaiza de Castro ug Xian Lim nga isalida sa GMA7 primetime sa unang bahin sa 2022. Ubos kini sa direksyon ni Irene Villamor. Suma pa sa nakakita na sa pipila ka mga eksena nga nagama na, husto ra gyud ang hukom sa GMA7 nga ang duha maoy pareson sanglit nindot matud pa sila og chemistry. Ang Love. Die.Repeat., gyud unta ang unang project ni Xian isip kapuso, apan nahunong pa ang taping sanglit nagsabak ang iyang leading lady nga si Jennylyn Mercado.

Sige'g panglibak!

Daghang gisapot kang Brenda Mage sa nagpadayon nga Pinoy Big Brother Celebrity Edition. Kini kay nagpunay lamang matud pa og panglibak si Brenda kauban si Madame Inutz. Ang gikapungtan sa mga fans sa PBB mao ang komento ni Brenda sa kauban nilang housemate nga si Alexa Ilacad. Matud ni Brenda ngadto kang Madame Inutz, mahitungog kang Alexa: "Walang ambag, puro iyak lang, puro ganda, loveteam loveteam lang"

"One True Pair"

Sinati na kaayo nila ni Bea Alonzo ug John Lloyd Cruz ang usa'g usa human sa duha ka dekada nga panagpares.

Ang magloveteam subling nagpares sa pelikula nga "One True Pair" nga ekslusibong makita sa Youtube channel sa Jollibee.

“Bea, the most familiar talaga. Ahhm, talagang nangyayari, pag nandiyan si Bea, parang… dumadali yung process, kahit ano pa 'yang nasa harap namin.

“Alam ko na mas mahihirapan ako kung hindi siya ang kasama ko, o partner ko. And tingin ko, yun ang pinakana-miss ko.

“Kasi, habang nangyayari yun, parang may mga nabubuhay na experiences, memories. Yun ang na-miss ko.” Paambit ni John Lloyd atol sa virtual mediacon sa maong pelikula sa nilabay nga adlaw.

Una niini, nakaangkon og 44M views ang trailer sa maong pelikula sulod lamang sa duha ka mga semana.

"Miss U..."

Nisamot ang pagduda nga lakip si Marian Rivera sa mga mamahimong hurado sa 70th Miss Universe pageant. Kini human siya nag-upload og hulagway niya sa iyang IG account nga may crown emoji ug may hashtag nga #grateful. Pun-an pa nga ni comment sab iyang bana nga si Dingdong Dantes og, "Miss U".

Pipila ka adlaw na ang huhungihong nga malakip si Marian isip hurado sa maong pageant nga adto sa Eilat, Israel ipahigayon sa December 12.

Wala muhupas

Positibo ang mga komento nga nadawat ni Megastar Sharon Cuneta sa iyang paglugwa na sa FPJ's: Ang Probinsyano. Suma pa sa mga nakakita na, wala gihapon muhupas ang abilidad ni Sharon sa pag-arte, diin automatic gihapon nga muagas ang luha sa iyang drama scenes.

Wow, Dynamite!

Ang kantang Dynamite sa Korean all-male group BTS mao ang "most streamed song" sa Apple karong tuiga. Gi-release ang maong kanta niadtong August 2020. Pagtungtong og October, nisutoy kini pataas sulod sa usa ka tuig, hinungdan nga ang maong awit ang number one sa Apple Music's global chart Top Songs of 2021.