_banat
^

Banat Showbiz

Next big thing

Banat

CEBU, Philippines — Dili matud pa angay mahadlok ang ABS-CBN kun molayat paingon sa laing network ang ilang mga artista sanglit aduna silay daghang mga bag-ong tubo nga ihulip. Gani gipaila niining bag-o lang ang ilang "Next Big Thing" nga mga young stars. Kini maglangkub nila ni Francine Diaz, Belle Mariano, Andrea Brilliantes Jane de Leon, Charlie Dizon ug Gigi de Lana.

Ugma na gyud

Ugma na puhon makita si Megastar Sharon Cuneta sa ABS-CBN series nga FPJ's: Ang Probinsyano. Mao kini ang labing una niyang teleserye sa tibuok niyang showbiz career. Kahinumduman nga ang bida ug direktor gyud  nga si Coco Martin ang nagmugna sa karakter ni Sharon sa maong serye.

Kapuso na

Anaa na sa GMA7 ang banggiitang direktor kanhi sa ABS-CBN nga si Jerry Lopez Sineneng. Mamahimo niyang proyekto ang umaabot nga GMA7 series nga "Widow's Web." Katapusan niyang proyekto sa ABS-CBN mao ang La Vida Lena nga gibituonan ni Erich Gonzales.

Sexy comedy

May mga naintriga sa official poster sa web series nga "The Kang's Show" nga bituonan ni Angelica Panganiban ug isalida pinaagi sa WeTV streaming platform sugod December 17. Kini kay daw naghubo ang aktres, busa may bashers nga niingon nga kun wala matiguwang si Angelica, usa pa nibalik og bold. Lakip sa cast niini si Maris Racal, JC De Vera, Kit Thompson, Nonie Buencamino, Angeli Bayani, Awra Briguela, Richard Coates ug introducing si Nour Hooshmand. Si Antonette Jadaone ang direktor niini.

Beauty company

Mapasigarbuhon ug malipayong gipahibawo ni Heart Evangelista nga natuman na gyud ang usa sa iyang mga pangandoy: makapanag-iya og beauty and wellness company. Kini human niya gilusad ang iyang kompaniya kauban ang iyang igsuon nga si Camille Ongpauco adtong Miyerkules. Tulo ka brands ang ilawom sa ilang kompaniya, ug ang endorser sa usa sa maong brands mao ang K-drama actor Ji Chang Wook.

ABS-CBN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with