Nakig-meeting na

CEBU, Philippines — Nakig meeting pinaagi sa Zoom si Piolo Pascual sa mga kadagkuan sa ABS-CBN niadtong Lunes. Walay gibutyag nga rason sa meeting apan nitambong niini alang sa habig sa network si TV Production and Star Magic head Laurenti Dyogi, Scripted Format head Ruel S. Bayani, ug Chief Operating Officer for Broadcast Cory V. Vidanes. Nisalmot sab niini si Roldeo “Deo” Endrinal nga pango sa Dreamscape ug maoy nag-post og screen shot sa maong meeting. Niapil sab niini  si Lulu Romero, manager ni Piolo sa habig Star Magic ug si  Cornerstone Entertainment President Erickson Raymund nga co-manager sa actor. Una niini, nabalita nga hapit na mobalik si Piolo sa ABS-CBN human siya nakita sa TV5 sa nilabay nga tuig.

Si Maja ug James

Si Maja Salvador ang gusto ni Tokyo Olympic gold medalist Hidilyn Diaz nga modala sa iyang kinabuhi kun himuan og part 2 ang iyang life story. Pero okay ra sab kun si Jaine Oineza nga maoy nihatag og kinabuhi sa iyang MMK story nga subling gisalida sa ABS-CBN adtong Sabado. Kana kun dili available si Maja. Si James Reid sab ang gusto niya nga modala isip iyang boyfriend nga si Julius Naranjo.

Dili ka atraka og iningles

Giangkon ni Pokwang nga dili perpekto ang ilang relasyon sa iyang partner nga si Lee O’Brien—aduna silay dili panagsinabtanay matag karon ug unya. Apan dili matud pa magdugay ilang panaglalis ilabi na kun kinahanglan mag-English sanglit amerikano man ang nahisgutan. Komedya ni Pokwang: "Pero kapag English, hirap na ako sabihin, bati na tayo. Ang nangyayari, lumalayo na lang ako. Kapag hirap na hirap na ako sabihin sa English, sasabihin ko, 'Halika May, mag-grocery na lang tayo. Hahaha!"

Postponed  again

Sama sa napanlantawan na, postponed na sab ang Miss World Philippines coronation night gumikan kay balik ECQ ang NCR sugod sa August 6. Katulo na kini nga nasibog. Una niini niadto untang July 11, apan nasibog ngadto na sa July 25, aron dili madungan sa Bb. Pilipinas coronation night. Apan gipaubos sa GCQ ang NCR, hinungdan nga gisibog na sab kini ngadto na sa August 8. Wala pay gibutyag nga bag-ong schedule sanglit agdon pa ang sitwasyon sa NCR taliwala niining pandemya.

Nangharos ang mga famous

Sama sa gipaabot, si kanhi PBB housemate Kisses Delavin maoy nakaangkon sa labing daghan nga boto alang sa Miss Universe Philippines Headshot Challenge. Naa sa ikaduhang pwesto ang Tiktok content creator nga si  Ayn Bernos.ug ikatulo si Asia's Next Top Model Cycle 5 winner Maureen Wroblewitz. Ikaupat ang pambato sa Cebu Province nga si Steffi Rose Aberasturi. Nasulod sab ang mga pageant veterans nga sila si Katrina Dimaranan ug Leren Bautista. Nasayran nga 100 ang delegates alang sa MUP karong tuiga, ug basi sa online votes sa nahisgutang challenge, pilion ang 75 delegates nga maoy mopadayon sa next round. Human sa nagkadaiyang challenges, 30 ka official candidates lamang ang mahabilin aron maoy hingpit nga magtigi sa titulo atol sa coronation night.

Coco, gibasted ni Julia

Gipanguyaban ni Coco Martin si Julia Montes niadtong 13 years old pa lamang ang nahisgutan, ug gibasted siya sa aktres. Hinungdan nga dihang nagkita sila sa set sa ilang teleserye nga “Walang Hanggan” medyo dili maayo ang ilang relasyon.

Kini maoy gibutyag sa duruha sa exclusive interview sa PEP sa nilabay nga semana.

Asoy ni Coco: “Kasi malalim iyong pinagsimulan namin dahil nagkasama kami ni Juls noon, hindi pa sa ABS-CBN, may iba pang show.

“Ano pa siya noon, bagets. 13 or 14. Ako siguro, mga 21 'tapos nagtangka ako sa kanya—nagtangkang mambola. Na-reject ako.”

Busa pagkita nilang balik, medyo nagminaldito ang actor sa sinugdanan.

“Tapos noong nagkita na kami noon sa Walang Hanggan… dahil na-reject ako before, ‘Ah ganun, ha!’ Siyempre, masungit ako noong promo shoot.”

Apan sa ngadto-ngadto naumol ra ang ilang chemistry sanglit nagkailhanay na sila og maayo samtang magkatrabaho.

Matud ni Julia: “Siguro, in terms of doon sa role, mas ipinakita ko sa kanya na kaya ko iyong sinasabi niya na di ko raw maramdaman.’Tapos iyong mga misconception na akala niya, ayaw ko sa kanya, siyempre napag-usapan din naman. Parang na-prove ko naman na okay ako sa kanya.”

Subling magkatrabaho ang duruha pinaagi sa FPJ’S: Ang Probinsyano sa ABS-CBN. Kini taliwala sa hagbay ra nga tsika nga aduna silay relasyon ug nakabaton na og anak. Tsika nga hangtud karon wala pa nila angkuna o hatagi og katin-awan.

“JLC is now with GMA-7...”

Gideklara sa broadcast-journalist nga si Karen Davila nga kapuso na si John Lloyd Cruz.

Kini human may nangutana niya nga usa ka netizen kun asa na nga TV network makita ang actor.

Tubag ni Karen: “JLC is now with GMA-7. He agreed to the podcast because we have common friends and he has an upcoming movie with Globe!”

Nahinabi ni Karen si John Lloyd pinaagi sa usa ka tell-all interview nga gipadungog sa broadcaster isip podcast sa nilabay nga semana. Gi-upload na sab ang video sa maong interview sa Youtube channel ni Karen sa nilabay nga adlaw.

Unang nilugwa si John Lloyd sa GMA7 pinaagi sa TV special nga gi-host ni Willie Revillame niadtong Hunyo. Human niini, nabalita nga adunay himuon nga sitcom si John Lloyd ug Willie sa GMA7, apan sa pagligid sa mga adlaw, nabalita nga padayon gihapon ang maong project apan wala na si Willie.

May nabalita sab nga nakigtagbo na ang usa sa mga bosses sa GMA7 nga si Annette Gozon Valdez kang John Lloyd ug may initial na sila nga panag-istorya diin nabaniog nga interesado ang network nga kuhaon ang actor. Pangutana pa lang niadto kun andam ba nga mopirma og exclusive contract si John Lloyd.

Apan niining bag-o lang, nag-abot sa usa ka event sila si John Lloyd ug ABS-CBN President Carlo Katigbak. Didto sab si Maja Salvador, kansang talent agency ang nagdumala karon sa career sa actor. Didto nitumaw ang pagduda nga hayan mobalik na sila si Maja ug John Lloyd sa ABS-CBN.