_banat
^

Banat Showbiz

Jane out, Julia in!

Banat
Jane out, Julia in!
Julia, Coco ug Jane.

CEBU, Philippines — Pormal na nga gipahibawo sa ABS-CBN niadtong nilabay nga adlaw nga manamilit na si Jane de Leon sa FPJ’s: Ang Probinsyano, kay sugdan na matud pa ang paggama sa duha ka tuig na nga gipaabot nga paglupad niini isip Darna.

Tipik sa pamahayag sa management nagkanayon: “Dahil dito, tinatapos na ni Jane ang mga natitira niyang eksena sa FPJ's Ang Probinsyano, kung saan niya ginagampanan ang karakter ni Capt. Lia Mante.

“Mapapanood ang mas maaksyong FPJ's Ang Probinsyano sa mga susunod na gabi dahil sa pagsasanib-pwersa nina Lia at Cardo para sa isang mahalagang misyon.”

CocoJul will be back!

Samtang taliwala sa gikatakdang pagbiya na ni Jane sa Ang Probinsyano, nigawas sab ang taho nga si Julia Montes ang mulugwa isip bag-ong leading lady ni Coco Martin nga dugay nang gidungog nga iyang karelasyon sa tinuod nga kinabuhi.

Sigon sa tinubdan sa kolumnista nga si Jun Lalin, sa August 6, magsugod ang lock in taping ni Julia alang sa maong teleserye.

Una niini, nasigpatan sila si Julia ug Coco nga nag-shooting og action movie didto sa Mindoro. Ug sa wala pa ang shooting sa maong pelikula, nasigpatan sab sila nga nanuroy didto sa Boracay ug sa Greenhills, San Juan.

Taod-taod na nga gidungog ang relasyon nila ni Julia ug Coco. Gani gidungog pa nga aduna na silay anak. Walay direkta nga pag-angkon ang duruha kabahin niining maong mga taho.

“Barumbadings”

Magkuyog sa usa ka pelikula sila si Jeric Raval, Baron Geisler ug Mark Anthony Fernandez diin modala sila sa papel nga bayot. Kini pinaagi sa pelikula ni direk Darryl Yap nga Barumbadings o barumbado nga bading. Adto sa Baguio City ipahigayon ang lock in shooting niini sugod sunod semana.

Apil sab

Gawas kang Ian Veneracion, madugang sab sa cast sa ABS-CBN inspirational series nga “Huwag Kang Mangamba” sila si Andrea Del Rosario, Andi Abaya, Nash Aguas, Vivoree Esclito, ug Richard Quan.

Top channel sa world

Gipasigarbo ni ABS-CBN President ug CEO Carlo Katigbak nga usa ang ABS-CBN YouTube channel sa mga nag-unang Youtube channels tibuok kalibutan pinaagi sa 35.4 million subscribers ug 16 billion views niini, samtang ang ilang website may 2.5 million daily users sab ug usa sa labing ginuntan dinhi sa nasud.

Welcome gihapon

Padayong nanghinaot si ABS-CBN President ug CEO Carlo Katigbak nga mahibalik sa network ang mga kapamilya stars nga nibiya. Welcome gihapon matud pa sila. "We still keep the hope we will one day be able to take back the people we were forced to let go off but who still want to work with ABS-CBN."

Isalida sa North America

Pasok sa Toronto International Film Festival ang pelikula nila ni Charo Santos-Concio, Rans Rifol ug Daniel Padilla nga "Kun Maupay Man It Panahon" (Whether The Weather Is Fine). Aduna kini North American Premiere pinaagi sa Contemporary World Cinema sa dili pa kini hingpit nga isalida dinhi sa nasud.

Dili lagi tawon ako!

Na-stress gyud matud pa si Cindy Miranda sa hilabihan nga bashing nga iyang nahiaguman gumikan kay siyay gipasanginlan nga kabit ni Aljur Abrenica ug maoy rason nga nagbulag kini ug si Kylie Padilla. Suma pa niya sa iyang solo virtual presscon niadtong nilabay nga adlaw alang sa iyang pelikula nga “Nerisa” nga isalida na karong adlawa sa Vivamax, niabot gyud sa punto nga nahurot ang iyang oras og pang delete sa negative comments nga gibilin sa bashers sa iyang IG. Dili matud pa siya buot nga tubayan ang bashers hinungdan nga iya na lamang gi-delete aron dili maghunahuna og dautan ang makabasa. May mga nitawag niya nga “pokpok, kabit, bobo”. Subling giklaro ni Cindy nga dili siya maoy third party sanglit paghimo nila ni Aljur sa Nerisa adtong Mayo, buwag na kini kang Kylie.

Wala nibiya

Giklaro ni John Lloyd Cruz sa podcast interview ni Karen Davila kagahapon nga wala siya nibiya sa showbiz gyud niadtong mga tuig nga dili kaayo si aktibo.

“Hindi ako umalis sa harap ng camera. Kasi kahit naman tumigil ako noon with my usual work in showbiz, in films and TV, nagtuloy pa rin naman ako but much, much smaller production…I felt na we owe it to our audiences, 'yung we make sure na hindi naman kayo pauulit-ulitin. As much as nagma-mature kami or we are growing as performers, siyempre you want to take your audience with you,” tipik sa pamahayag ni Lloydie nga gimantala sa kami.com.ph

JANE DE LEON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with