CEBU, Philippines — Dili matud pa magpadala sila si Donny Pangilinan ug Belle Mariano sa panagna nga sila ang “next big love team” sa showbiz gumikan sa ilang maanindot nga chemistry sa digital series “He’s Into Her” nga gibase sa usa ka Wattpad book.
Labihan ka sikat sa ilang love team karon, apan matud nila sa finale blogcon niining bag-o lang, dili nila kini ipasulod sa ilang hunahuna.
“Belle and I are very focused naman. Honestly, we don’t want to get super pressured na parang everything we do we have to think about it. Kung ano yung nakikita niyo yun lang kami and I think supportive lang kami sa isa’t isa. Obviously, we’re very overwhelmed with the support and we are humbled by the support,” nagkanayon si Donny.
Si Belle sa iyang bahin, nagkanayon: “Basically, just by supporting each other. Feeling ko yun yung key kung paano namin na-ha-handle yung pressure. Supporting each other and just being there,”
“Hindi porke’t sinabi na natukso ka...”
Na-hotseat si Robin Padilla sa latest vlog sa iyang asawa nga si Mariel Rodriquez. Gisukit-sukit ni Mariel ang iyang bana kabahin sa pamahayag niini sa interview ni Ogie Diaz niadtong July 7, nga walay lalaki nga makabalibad og tentasyon.
Matud ni Robin, “Ako, e, nagsasalita sa aking experience. Experience 'yon nung ako ay nasa tugatog ng aking kasikatan.”
Nilihay si Robin pinaagi sa pag-ingon nga wala matud pa nagpasabot nga nahitumpawak gyud sa tentasyon.
“Hindi lahat ng tukso ibig sabihin you fell for it."
Suma pa niya, igo ra matud pa nibasa sa caption ang netizens ug wala nitan-aw sa kinatibuk-ang interview.
“Iintindihin nila muna bago nila ako huhusgahan, kasi ang iba hindi naman nila napanood nang buo yung interview.”
Ang nakapait niya pa kay gibirahan siya’g maayo sa netizens bisan wala gyud nila matuhog ang tibuok interview.
“Dun lang sa caption, binanatan na ‘ko nang sobra-sobra," niya pa. Ibig kong sabihin hindi ka dapat umabot sa punto na ‘yon, di ba? Hindi porke’t sinabi na natukso ka, e, may ginawa ka na. Ang sama naman mag-isip ng mga ‘yon. Napaka… masyado ka nang forward.”
Hidilyn’s life story
I-replay sa ABS-CBN ang MMK episode kabahin sa kinabuhi ni Tokyo Olympics gold medalist Hidilyn Diaz sa Sabado. Makita kini sa 8:30p.m. pinaagi sa Kapamilya Channel, Kapamilya Online Live, iWantTFC, TFC, ug A2Z Channel 11. Una kining gisalida niadtong Septiyembre 24, 2016, diin bida si Jane Oineza isip Hidilyn kauban sab sila si Monsour del Rosario ug Smokey Manaloto. Kagahapon, nahibalik na sa nasud si Hidilyn gikan sa Tokyo diin iyang nalangkat ang labing unang Olympic gold medal sa Pilipinas.
Nagkabuang og pangita
Nagkabuang og pili og episode nga i-replay ang The Boobay & Tekla Show sa GMA7 niadtong Domingo sa gabii. Wala silay giandam sanglit nagdahom sila nga wala na silay salida niadtong tungora sanglit Miss World Philippines Coronation Night man unta. Apan nasibog ngadto na sa August 8, ang coronation night sa maong indigay sa kaanyag human subling gipailawom ang NCR sa GCQ. Naka 4.7% ang replay episode sa Boobay & Tekla niadtong Domingo.
Hubo kun hubo
Maisip matud pa nga modern version sa sikat nga Peque Gallaga movie nga “Scorpio Nights” ang pelikula nga “Taya” nga gibituonan nila ni AJ Raval ug Sean de Guzman sa direksyon ni Roman Perez. Labihan matud pa ka hugyaw sa sex scenes niining maong pelikula, diin todo hubo gyud ang mga nahisgutan. Aminado hinuon si Perez nga tribute niya kang Gallaga ang nahisgutang pelikula. Ang unang “Scorpio Nights” gibituonan nila ni Daniel Fernando, Anna Marie Gutierrez ug sa nipanaw nga si Orestes Ojeda. Gisalida kini niadtong June 18, 1985. Labihan ka sikat sa maong pelikula hinungdan nga namugnaan kini og Korean adaptation nga giulohan og Summertime ug gisalida didto sa Korea niadtong May 26, 2001. Niadtong 1999, namugna ug gisalida ang “Scorpio Nights 2” nga gibituonan nila ni Joyce Jimenez, Daisy Reyes ug Albert Martinez, ubos sa direksyon ni Erik Matti.
Friends sila
Giklaro ni Bela Padilla sa interview ni G3 San Diego kaniya niadtong Lunes nga managhigala gihapon sila sa iyang ex-boyfriend nga si Neil Arce ug sa pangasaw-unon niini nga si Angel Locsin. Suma pa niya, wala siya’y nakitang rason nganong dili sila maghigala nga nagbulag man matud pa sila ni Arce sanglit nausab na ang ilang pagbati sa usa’g-usa, human sa upat ka tuig nga panaghigugmaay. Niya pa, gamay ra matud pa ang showbiz ug dili siya gusto nga ma-stress. "Neil is very mature, I'm also very mature. Angel... I still consider a friend. Like I feel like if she needs anything from me or I need anything from her, we can still go to each other. Like there’s no animosity at all.”
Ian, balik ABS-CBN
Balik ABS-CBN si Ian Veneracion pinaagi sa inspirational series nga “Huwag Kang Mangamba” sa dili madugay. Gani aduna nay teaser nga gipagawas diin makita na matud pa ang “the star", "the actor", and "the leading man". Katapusan nga nakita si Ian sa usa ka ABS-CBN show niadtong sayong bahin sa nilabay nga tuig pinaagi sa teleserye nga “Make It With You” nila ni Liza Soberano ug Enrique Gil. Wala nahuman ang maong show sanglit nitumaw ang pandemya. Unya, nilugwa si Ian sa blocktime sitcom sa TV5 nga “Oh My Dad” kauban sila si Dimples Romana ug Sue Ramirez.