CEBU, Philippines — Maayong adlaw mga kapamilya, kapuso ug kapatid! Karong adlawa molayat na sab ta sa habagatang bahin sa Sugbo! Dali na ug dungan natong sud-ungon ang katahum sa first class municipality sa Dalaguete, Cebu.
Nasayod ba mo nga gawas sa Osmeña Peak ug San Guillermo de Aquitana Parish nga maoy labing sikat nga suruyanan sa lungsod, aduna pay mga nagpahipi nga mga lugar nga angayan ninyong sud-ungon?
Kini naglangkob sa Kioskofi nga usa ka cafeteria nga gidagsa karon tungod kay anaa kini nagpasilong sa mga dagkong punoan sa kahoy sa lungsod, bag-ohay lang sab nahuman ang Dalaguete Seawall nga maoy in-na-in kaayong laagan karon sa managhigugmaay ug mga pamilya.
Anaa sab ang Patimz bistro nga maoy dogukunon karon sanglit anaa man siya sa bukid ug feel na feel kaayo nimo nga daw anaa ka sa Baguio City samtang naghigup ka sa imong kapi sanglit gipalibutan man ka og mga fog.
Ang Casino Peak ug ang Bandera Peak sab ang bag-ong destinasyon sa mga trekker sa maong lungsod.
Sayod man kitang tanan nga naila sab ang maong lungsod isip “Vegetable Basket of Cebu” diin sila ang numero unong supplier sa mga lagutmong utanon di lang sa Sugbo, kundi lakip sab sa mga silingang isla nga nakapalibot sa Sugbo.
Apan gawas niana, ang mga nahiunang nahisgutang tourist spots sa Dalaguete maoy laing rason kun nganong mas na popular kini sa kadaghanan.
Kun ikaw anaa sa dakbayan ug nagplanong mosud-ong sa Dalaguete, mosakay lang ka og bus nga anaa mahimutang sa Cebu South Bus Terminal patighug sa Mantalongon, Dalaguete ug moplete ka lamang og P155.00.
Gikalipay sab namong ipahibalo nga modawat na'g mga walk-in guests ang mga tourist destinations dinhi apan padayon gihapon ang atong pagsunod sa mga health and safety protocols nga gilatid sa atong gobyerno.
Kun aduna moy mga pangutana, bisitaha lang ang official Facebook page sa maong lungsod nga mao ang Municipality of Dalaguete.
Punerarya business
Punerarya ang negosyo nga bout mahuptan ni Miss Universe Philippine Rabiya Mateo puhon. Sa iyang latest vlog, nagkanayon ang beauty-queen: "Isa sa business na gusto kong itayo in the future is punenarya. Hindi naman natin 'yun hinihingi, di ba? That's the cycle of life. And aside from that, hindi ko rin kasi gusto 'yung makeup ng patay sa probinsya. Parang feeling ko nilalagyan lang sila ng puting foundation tapos kinikilayan lang sila. Gusto kong magkaroon ng punerarya and gusto ko maganda 'yung makeup ng mga kliyente ko.”
Tukion na ang projects
Mobalik na matud pa sa ABS-CBN si Piolo Pascual human siya nilugwa sa TV5. Ang tsika mao nga human sa iyang quarantine period, makigtagbo na siya sa mga kadagkoan sa ABS-CBN aron tukion ang iyang umaabot nga projects sa ABS-CBN. Una niini, namahayag si Piolo nga magpabilin siya nga kapamilya ug nga wala gyud siya mobiya ug dili mahitabo nga mobiya siya sa umaabot. Taliwala kini sa pagduda nga usa si Piolo sa mga kapamilya nga mosunod sa ilang “tatay-tatay” nga si Johnny Manahan sa GMA7.
Sa Venice mag-una
Gibutyag ni direk Erik Matti nga sa 78TH Venice Film Festival karong September unang isalida ang On the Job 2: The Missing 8, diin bida sila si John Arcilla ug Dennis Trillo. Sequel kini sa 2013 film nga On The Job diin bida sila si Gerald Anderson, Piolo Pascual, ug Joel Torre. Istorya kadto sa mga piniriso nga pagawson sa bilangguan aron pamatyon ang target sa sindikato.
“The Law of Revenge”
Molugwa na sa Netflix ang sikat nga ABS-CBN teleserye nga “Ang Sa Iyo Ay Akin” nga gibituonan nila ni Iza Calzado ug Jodi Sta. Maria. Aduna kini international nga “The Law of Revenge” ug sa August 5, na mulugwa sa sikat nga streaming platform. Apil sab niini sila si Sam Milby ug Maricel Soriano.
“Dili Tanan…”
Usa ka dekada na sa showbiz si Liza Soberano. Ug sa interview sa Metro magazine niya, iyang gipadayag nga usa sa iyang mga naamgohan mao nga dili tanan buot mamahimo niyang higala, ang uban, mopaduol niya aron gamiton lamang siya. "Looking back at how I always thought that people had the most genuine intentions, like when trying to be friends with me or trying to be associated with me. And now I realize that not everyone is really there to be your friend. Sometimes, they just need you."
K-Drama feels
Gipasigarbo ni Alden Richards nga maanindot gyud matud pa ang technical aspect sa pagmugna sa iyang latest primetime series sa GMA7 nga “The World Between Us” nga nilugwa na niadtong nilabay nga semana.
Sa exclusive interview sa PEP niya, gibutyag ni Alden nga pang Netflix na ang level sa mga shots sa maong serye.
"...the way it’s been shot, the way it’s been edited, iyong para talagang medyo nakapattern siya, e, from the series na napapanood natin sa Netflix especially K-Dramas. Ang lakas ng ganoong feel sa akin when I watch it.
Malipayon sab siya nga bag-o iyang karakter sukwahi sa naandan kaniadto nga buotan kaayo.