Direk Alex

CEBU, Philippines — Gibandera na sa Spring Films ang mga hulagway sa pelikula nga “My Amanda” nga molugwa na sa Netflix sa July 15. Sila si Piolo Pascual ug Alessandra de Rossi maoy mga bida niining maong pelikula kabahin sa panaghigalaay ug ang pagkamapasalamaton sa usa ka tawo ngadto sa higala nga mosalig sa imong katakos. Si Alessandra maoy writer ug director sa “My Amanda”, ug niya pa, gasa kini niya kang Piolo human giusab sa actor ang iyang showbiz career dihang gi-produce niini ang blockbuster hit nga “Kita Kita” nga gibituonan niya ug ni Empoy.

Thanks to myself

Gitubag ni K Brosas ang usa ka netizen nga nangutana kun dili ba diay siya magpasalamat sa presidente sa nasud gumikan sa iyang anti-covid vaccine. Matud sa netizen: “Wala bang Salamat Duterte dyan?” Apan tubag ni K: “salamat at nagbabayad ako ng tax ko so thanks to myself hehe.. wish ko sana all may vaccine na, bow. kung wala pa kayo magtanong sa dapat tanungin kc libre ito (dapat lang)”.

Makaguol pud

Giangkon ni Vice Ganda nga masakitan sab sila sa sige’g panaway sa studio sa It’s Showtime kay wala matud pa sila nasayud unsa sab ang ilang mga paningkamot ug paghago kabahin niini. “Kapag ino-okray nila iyong studio na parang sinasabi nilang pinabayaan namin, siyempre, nalulungkot din kami kasi hindi naman nila alam iyong totoong nangyayari.”

Isangka sa Probinsyan

Daghan ang nagpaabot nga ang cultural series nga “ Legal Wives” maoy ihulip sa naghinapos na nga “First Yaya” sa GMA7. Kini human nga gipahibawo nga dili mahinayon ang airing na unta niini sugod sa Lunes, June 21. Suma pa, hayan huwaton na lang gyud nga mahuman ang teleserye nila ni Sanya Lopez ug Gabby Concepcion, aron sila na sab si Dennis Trillo, Andrea Torres, Bianca Umali, ug Alice Dixson ang makigtigi sa FPJ’s: Ang Probinsyano ni Coco Martin.

Kapusong Pokwang

Pormal na nga gipaila sa GMA Artist Center si Pokwang isip labing bag-ong kapuso kagahapon human siya nipirma og kontrata. Human niini, gi-retweet niya ang post sa GMA Artist Center ug gisukipan og mensahe nga nagkanayon: "This is it… thank you po @ArtistCenter @gmanetwork papa God, at sa inyong lahat salamat po sa pagkakataong muling maihatid at maibahagi ko ang aking talento sa inyong lahat na tunay na nagmamahal at sumosuporta"

Ang Pagbalik…Kamatuoran ug Pagtulun-an

“Kun mag-ampo lang ta, ma duna ray kausaban, mahimo rang positive ang panghitabo. And in the end, aduna ray happy ending.”

Kana maoy tumong ni direk Sam Costanilla, sa iyang pagmugna sa telemovie nga “Ang Pagbalik” nga usa ka Father’s Day Special. Unang higayon kini niya nga nangunay og suwat og istorya Costanilla diin siya sab ang director. Apan, dili kini maoy katapusan sanglit naglinya na ang uban pang mga istorya nga iyang himuon nga telemovie ug mapasalida kada bulan.

Ang  Ang Pagbalik sugilanon sa duha ka pamilya nga nagmaluibon ang mga ginikanan. Ang unang pamilya, gilangkuban sa mga beterano na nga mga local actor nga sila si Dante Luzon, Tess Diez ug Dan Sy Lopez. Ang ikaduhang pamilya mao ang ilaha ni Atty. Win Prada, Nina Alaura ug Joan Flores.

Sa unang pamilya, palahubog ang karakter ni Luzon. Nangankon siya nga “ideal husband”, apan ang tinuod mao nga kusog siya manapat sa iyang asawa, ug may kabit pa. Sa ikaduhang pamilya, responsabli ang karakter ni Prada. Pasensyoso ug dili ganahan og samok hinungdan nga siya kanunay ang mopaubos. Maldita ang iyang asawa nga si Flores, ug may relasyon kang Luzon.  Manag-uyab sab ang ilang isig ka anak.

Bunga sa imahinasyon lamang ni direk Sam ang istorya sa Ang Pagbalik.

“Gituyo nako nga adunay twist ba nga towards the end nga mausab ra diay ang tawo. I want to impart a moral lesson to the viewers nga dili tanan hopeless, duna pay paglaom,” nagkanayon si direk Sam.

Sumpayan pa UGMA

Ang Ang Pagbalik,isalida na ugma pinaagi sa Help TV FB page niining musunod nga schedule:  June 20, 6 pm; June 21, 4 pm; June 22, 8 pm.

Keto and exercise

Nagpasalamat si Aiko Melendez sa netizens nga naghimo niyang trending sa nilabay nga adlaw. Kini human usab niya gi-upload ang iyang hulagway diin niwang na siya, mas nibata ug mas nihayag ang dagway. Dungan niini, iyang giklaro nga keto ug exercise ang rason sa iyang pagniwang, ug dili tinuod ang pangankon sa ubang food delivery services nga sila maoy nakatabang kaniya. Mensahe sab ni Aiko, “Mahirap pero kng gugustuhin kakayanin naten yan. Goodluck on your weightloss Journey! And yes wala po ako make up! Alma maria skincare naman yan. Plus my hair extensions added sa bata bataan na itsura.”

No time

Gibasura ni Nadine Lustre ang huhungihong nga aduna siyay ka date karong mga panahona. Matud pa niya atol sa interview ni Boy Abunda bag-ohay lang, busy kaayo siya busa wala na siyay panahon alang niini. Kun makalugar man gani siya, gamiton niya kini aron mapalambo pa ang iyang kaugalingon. “I’m definitely not seeing anyone. I’m so busy, Tito Boy. I have no time. Plus, I really told myself I’m just going to work on myself.”