Tagak ang mga lig-on!

CEBU, Philippines — Wala masulod sa Top 21 semifinalists ang giisip nga mga lig-on sab nga mga kandidata nga sila si Miss Venezuela ug Miss South Africa. Hasta si Miss Canada nga usa sa mga sikat nga kandidata sa 69th edition wala sab masulod.

Ang pambato sa Pilipinas nga si Mateo Rabiya kutob ra sa semifinal round. Bisan pa man niini, gipasalamatan siya sa mga Pinay beauty-queens sa iyang paningkamot nga madala pagbalik dinhi sa nasud ang Miss U Crown nga katapusang nabitbit pauli ni Catriona Gray niadtong 2018.

Adunay 74 ka mga kandidata ang nagtigi sa 69th edition sa giisip nga labing prestihiyoso nga pageant. Ug ang nalakip sa Top 21 mao ang mga pambato sa Colombia, Peru, Australia, France, Myanmar, Jamaica, Mexico, Dominican Republic, USA, Indonesia, Argentina, India, Curaçao, Puerto Rico, Philippines, Brazil, Great Britain, Nicaragua, Thailand, Costa Rica ug Vietnam.

Nirampa silang tanan nga nag-swimsuit ug dinhi  gipili ang niabanti paingon sa next round. Nalakip sa Top 10 ang mga pambato sa  Jamaica, Dominican Republic, India, Peru,  Australia, Puerto Rico, Thailand, Costa Rica, Mexico ug Brazil.

Love, love, love, Rabiya!

Pakyas man tuod nga madala pabalik sa Pilipinas ang Miss U crown, gipasalamatan gihapon si Rabiya Mateo sa mga kanhi Miss Universe winners nga sila si Pia Wurtzbach ug Catriona Gray.

Tweet ni Pia human wala maka abante si Rabiya sa Top 10: “RABIYA WE LOVE YOU thank you for pouring your heart for the Philippines , We see your heart Queen.

Tweet sab ni Catriona: “Woooow this year is intense!! Sending Rabiya all of our love! She made our country proud! 11 Year consecutive semi-streak Pilipinasss.”

Samtang ang mayor sa Iloilo City kun diin maggikan si Rabiya, masigarbuhon usab sa Ilongga. Suma pa ni Mayor Jerry Treñas nga labihan ka higpit sa panagtigi apan gibuga gyud gihapon ni Rabiya ang tanan para sa nasud.

Ang official statement niya nga na-post sa Facebook nagkanayon: “Being in the competition is truly tough, but the Ilongga beauty queen gave her best for our country. We extend to her the warm love of the Ilonggos as we look forward to welcoming her home.”

“Mabuhay ka, Queen Rabiya!”

Una niini, ni post si Rabiya sa Instagram diin misaad siya nga modaug man siya o dili, paningkamotan niya nga ikapasigarbo siya sa Pilipinas. "I may or I may not win the crown but one thing is for sure, I'm gonna make you all proud."

Third Mexican Miss U!

Ang pambato sa Mexico nga si Andrea Meza maoy gikoronahan nga Miss Universe didto sa Hollywood City, Florida kagahapon.

Ang 26-anyos nga software engineer, maoy ikatulo nga Miss Universe nga naggikan sa Mexico. Ang una nilang Miss Universe winner mao si Lupita Jones niadtong 2001, ug kinsa mao karon ang chairperson sa Miss U pageant sa maong nasud. Si Ximena Navarete ang ikaduhang winner gikan sa Mexico niadtong 2010.

Dili na bag-o sa natad sa pageant si Andrea. Siya maoy first-runner up sa Miss World 2017 diin ang nidaog mao ang pambato sa India nga si Manushi Chhillar. Si Laura Lehman ang representante sa Pilipinas sa maong pageant.

Atol sa final Q&A sa Miss Universe, managlahi og pangutana nga gikan sa judges ang gibato ngadto sa  lima ka finalists. Ang pangutana nga nadawat ni Meza may kalabutan sa kun siya pa ang pango sa iyang nasud, unsaon niya pagdumala ang Covid pandemic. Tubag ni Meza, mopatuman siya og lockdown sa sinugdanan pa gyud.

“I believe there's not a perfect way to handle this for situations, such as COVID-19. However, I believe that what I would have done was create a lockdown even before everything was that big. Because we lost so many lives and we cannot afford that. We have to take care of our people. That's why I would have taken care of them since the beginning,” nagkanayon si Meza.

Atol sa final statement, nagpatabang na og interpreter si Meza diin ang iyang mensahe nagkanayon nga kinahanglan nga dili nimo tugotan si bisan kinsa nga ipaka wala kay bili o dili ka mahinungdanon. Niya pa, ang kaanyag dili lang sa kun unsay makita, kundili maggikan sa kinahiladman.

Ang ubang mananaog mao ang mosunod: 1st runner-up: Miss Brazil Julia Gama

2nd runner-up: Miss Peru Janick Maceta del Castillo

3rd runner-up: Miss India Adline Castelino

4th runner-up:  Dominican Republic Kimberly Jimenez.

“Even without that crown”

Walay kahiubos o unsa man nga negatibo nga gibati Miss Universe Philippines Rabiya Mateo sa kapakyas niya pagdaog sa Miss Universe crown didto sa Amerika.

Kini gipadayag niya atol sa Instagram live ni Miss Bolivia Lenka Nemer D'rpic pipila ka gutlo human sa pageant.

Suma pa ni Rabiya sa ilang panagtsika, nasayud na silang daan nga usa ra gyud ka babaye ang modaog sa korona, apan ang kahigayonan nga mahimong pambato sa nasud dako na kaayo nga grasya alang niya. Ug wala man tuod sila nidaog, mas bililhon ang panaghigala nga ilang naumol pinaagi sa pageant.

This is like a start, a beautiful start for something new.

"And actually, it’s just gonna be one girl who’s gonna be crowned, but I know in my heart, everyone of us, we are alright even without that crown.”