Ivana: Mag-ipon ka, tumulong ka

Ivana Alawi

CEBU, Philippines — Gipakita ni Ivana Alawi ang iyang van nga napalit niya niadtong bag-o pa lamang siya nag-artista. Iya kining gipa customized, diin aduna siyay higdaan sanglit nagkadungan-dungan ang iyang mga taping kaniadtong wala pay pandemya.

“So, short kwento, kapag nasa taping kasi kami dati, kaya ko siya pinagawa dati is investment siya para makatulog ako. Kasi ang taping namin dati usually umaabot siya ng 24 hours. Oh kaya pagkatapos nandun ako ng isang araw tapos dederecho ako sa second location. Kasi minsan, nagkakasabay-sabay ang mga tapings ko nu’n. So ako naman si assumera na akala hanggang ngayon may taping pinagawa ko siya,” niya pa.

Pagkakaron, sa endorsement shoots lamang kini magamit ni Ivana sanglit dili paman siya modawat og teleserye hangtud nga aduna pay pandemya.

Samtang, nipaambit sab si Ivana sa rason nganong wala siya magpalit og bag-ong sakyanan nga aduna naman unta siyay kwarta alang niini.

“Marami naman akong napupuntahan dito sa van so hindi ko nakikita ang point kung bakit ko pa kailangang bumili ng bagong kotse. You just sometimes have to be happy with what you have. And this is something that I love so much,” niya pa.

Dugang pa, gitudluan sila sa ilang amahan kaniadto nga dili pasabot nga maka afford naka, magpatuyang ka na lang og pamalit.

Advertising
Scroll to continue

“Ganu’n din naman kasi si Dad, ‘di ba? Ganu’n kami pinalaki na parang hindi porke’t nagkapera ka or naging okay ka, bumili ka agad ng next na mas maganda. I think enjoyin mo lang kung ano’ng meron ka. Mag-ipon ka, tumulong ka. ‘Yun ‘yung mga priorities ko.”

Walay malisya uy!

Gimugnaan og isyu sa mga himantayon ang mga hulagway ni Miss Grand International First Runner-up Samantha Bernardo sa iyang pagbisita sa Philippine Embassy sa Thailand kagahapon.

Kini kay ang na-crop ang hulagway o wala makita ang nawong ni Presidente Rodrigo Duterte samtang klaro kaayo ang dagway ni Vice President Leni Robredo sa background.

Sa FB page ni Samantha diin iya kining gi-upload, usa ka netizen ang nikomento nga angayan matud pa nga magmatngon ang beauty-queen nga dili ipaklaro ang iyang political stand aron dili malain ang pikas habig.

Apan may mga netizens nga nilaban kang Samantha kay nila pa, 2021 na, busa ang mga beauty-queens dili na igo lang sa pa gwapa-gwapa, kundili, kinahanglan nga maisogon na sila nga mobarog sa ilang gituohan nga maayo.

Ang modern nga beauty-queen matud pa, angayan nga adunay stand sa mga panghitabo sa katilingban ug dili mahadlok nga ibandilyo kini ngadto sa publiko.

Samtang may mga niingon nga OA ra ang netizen nga nagmugna og isyu sa maong mga hulagway sanglit tataw kaayo nga sa Philippine flag nagpapicture si Samantha og na-timing nga direkta gyud nga anaa sa likod niini ang hulagway ni Robredo.

Yellow green ang color sa gown ni Samantha hinungdan nga may mga nihatag og malisya sa maong mga hulagway.

Moginhawa una

Nilupad paingon sa Los Angeles, California si Megastar Sharon Cuneta aron magbakasyon. "I need to breathe, collect myself, gain strength. Love you all and will miss you guys," nagkanayon siya sa iyang IG post niadtong Martes. Giklaro niya nga mupauli ra unya siya sa iyang pamilya.

Kaslon na!

Gitakda na ang kasal nila ni Carla Abellana ug Tom Rodriguez. Mahitabo kini karong October 25, 2021 sa Madre de Dios Chapel, Tagaytay Midlands.

Pop group

Sila si Maine Mendoza ug Paolo Ballesteros ang hosts sa Pop Pinoy, singing contest nga modiskubre og mga sakop sa mugnaon nga pop boy ug pop girl group sa TV5. Mga hurado o head hunters sila si Maja Salvador, Jay R, DJ Loonyo ug Kayla Rivera.

Wow, Probinsyano!

Nitala og all-time high nga 114,777 peak concurrent viewers ang FPJ’s: Ang Probinsyano episode sa Youtube niadtong Lunes, May 10. Buot pasabot, mao na ang live viewers gyud. Ug wala pay 24 oras, nikabat og 3.3 million ang views niini sa YouTube.

September na lang?

Samtang nisibaw na sab ang tsika nga mahuman na matud pa ang Ang Probinsyano pipila ka bulan gikan karon. May nigawas nga taho nga kutob na lamang sa September ang nahisgutang teleserye sanglit moduso sa iyang kandidatura pagka senador si Coco Martin karong October.  Sa umaabot nga 7th cycle nga kasamtangang gi-mugna karon aduna matud pay importanteng character sa maong teleserye ang manamilit.

Target sa advertisers

Nagkadaghan na matud pa ang inquiries alang sa product endorsement ang nadawat ni Sanya Lopez kinsa leading lady ni Gabby Concepcion sa GMA7 primetime series First Yaya nga maoy nag-una karon sa ratings game. Dili mo-ubos sa 20% ang rating sa maong serye sa matag episode. Gumikan niini, giisip na karon si Sanya nga usa sa mga hot celebrities nga target sa mga advertisers. Karong Sabado, mugawas na sab ang Agimat ng Agila, diin si Sanya ang leading lady ni Senator Bong Revilla.

Old sexy movies

Daw nibalik ang interes sa publiko sa sexy movies kaniadto. Kini kay sa Top Content of the Week sa streaming app nga Vivamax, pasok ang Ekis, ang 1999 movie nila ni Sunshine Cruz ug Albert Martinez; Ang Kabit ni Mrs. Montero, ang launching movie ni Patricia Javier niadtong 1999; ug ang Segurista, nga gisalida 25 years ago, nga gibituonan nila nii Michelle Aldana ug Gary Estrada. Number one sa listahan ang “Death of a Girlfriend” nga erotic thriller ug gibituonan nila ni AJ Raval ug Diego Loyzaga.

Just Music ni Piolo

Just Music. Mao na ang ngalan sa labing bag-ong music label sa industriya nga gipanag-iya ni Piolo Pascual. Suma pa sa actor, gibuksan niya kini alang sa mga singers nga puno og potensyal apan wala pa makaplagi o wala makaangkon og luna sa industriya bisan pa man sa ilang talento. Dungan niini, iyang gipaila ang iyang duha ka talents nga sila si NKO, kansang awit nag-ulohan og “Langit”; ug si Kenji nga may awit nga nag-ulohan og Night &Day nga puros na naa sa Youtube. Matud ni Piolo, dako ang potensyal sa duruha niya ka artists sanglit aduna silay “global appeal”.

Show comments