Luyo sa kamera ang target

CEBU, Philippines — Kun si Megan Young ang pasultion , ganahan na pud siya motrabaho luyo sa camera.

Target sa beauty queen nga mahimong writer sa pipila ka TV projects.

Dugay na gyud niya nga gipangandoy nga magsuwat og nindot nga mga istorya.

“Click, Like, Share”

Mag-uban na pud sa laing proyekto sila si Francine Diaz, Kyle Echarri, Seth Fedelin, ug Andrea Brillantes.

Ang upat maoy bida sa  anthology series  nga “Click, Like, Share.”

Hisgotan sa maong show ang mahatag nga peligro sa iresponsableng pagamit sa social media.

Mosikad  sunod buwan ang nahisgotang Kapamilya project.

Kylie ug Aljur nag-war napud?

Miulbo na sad karon ang hungihong nga matud pa nagtakilid na pud ang kaminyoon nila ni Aljur Abrenica ug Kylie Padilla.

Nabatyagan usab sa ilang fans nga wala na kaayo mag-post si Kylie sa mga hulagway ni Aljur.

Kanunay ra siya mo-post sa hulagway sa ilang mga anak.

Kalit usab nga gipamub-an ni Kylie ang iyang buhok ug mao kini ang timailhan sa mga himantayon nga dunay gihambin nga suliran ang usa ka tawo.

Pa-rehistro na

Gidasig   sa “It’s Showtime” host nga si Karylle ang publiko nga magparehistro sa  Commission on Elections (Comelec) aron makabotar sa sunod nga piniliay. Nahisgotan kini ni Karylle sa usa ka episode sa It’s Showtime sa miaging adlaw.

Social distancing

Giangkon sa komedyanteng aktres nga si Kitkat nga sulod sa usa ka tuig, padayon nila nga gipatuman sa iyang pamilya ang social distancing. Bisan nga naa ra sila sa balay mag-istoryahanay, kinahanglan nga lagyo gyud ang ilang distansya. Suma pa ni Kitkat nga labing maayo nga maneguro sa ilang kaluwasan.

Naglawig ang career

Wala damha ni Angelica Lao nga mahimong kabahin sa Squad Plus. Mapasalamaton ang dalaga sa ABS-CBN gumikan sa nagsagunson niya nga mga proyekto. “Kinabahan talaga ako kasi wala akong idea kung ano yung Squad Plus. Ang alam ko lang kasi yung Gold Squad. Tapos nung nalaman ko na dun na ako parang na-excite na at sobrang saya ko talaga kasi yung mga kasama ko hindi ko pa kilala tapos naging friends kaming lahat. Actually hindi nga parang friends, para kaming family din,” suma pa niya.

Lisod sundogon

Dili lalim ang pagsundog sa linihokan ni Melai Cantiveros.Kini maoy gibutyag nila ni Karla Estrada ug Jolina Magdangal. Nahitabo ang ilang pagsundog kang Melai  sa ilang Mother’s Day comedy film nga “Momshies Ang Soul Mo’y Akin.”

Mi-greet kang Mommy Divine

Bisan og dili maayo ang tinagdan kaniya, nipadangat gihapon og mother’s day greeting si  Matteo Guidicelli ngadto kang Mommy Divine , ang inahan sa iyang asawa nga si Sarah Geronimo. Gidayeg og maayo sa netizens ang gibuhat ni Matteo. Usa ka netizen ang nikomento og : “Keep going Matt mapapalamabot mo din ang puso ni Mommy Divine soon.”