^
Ginindotan ang mga bossing

Ginindotan ang mga bossing

(Banat) - April 17, 2021 - 12:00am

CEBU, Philippines — Sa tulo na ka channels sa Kapuso Network isalida ang “Heartful Café” series nila ni Julie Ann San Jose ug David Licauco sugod karong April 26. Ang orihinal nga plano mao nga sa Gtv (kanhi GMA News TV) ra unta kini isalida, apan human nakakita ang mga executives sa network, nahukman nga ipagawas sab kini sa GMA7 Telebabad human sa First Yaya. Isalida sab kini sa ikatulo nilang channel nga mao ang Heart of Asia.

Minilyon gyud

Aduna nay 3.7 million views sa Facebook ang underwear scene ni Gerald Anderson nga lakip sa teaser sa ilang umaabot nga teleserye, ang Init Sa Magdamag, diin kauban niya sila si Yam Concepcion ug JM de Guzman. Isalida na kini ugma puhon sa gabii sa TV5, A2Z ug Kapamilya Channel. Mao kini ang eksena diin gitintal sa karakter ni Gerald ang karakter ni Yam.

Magbrief mag-tiktok

Pero kun paseksihay lang gyud, dili magpalupig si Markki Stroem. Gawas nga mag-brief ra siya samtang magtiktok nga iyaha sab nga i-upload sa IG, naghubo gyud siya tanan atol sa iyang birthday mga duha na ka semana ang nilabay. Walay kukahadlok sab si Markki sa iyang mapangahas nga mga eksena sa mga BL series nga makita sa usa ka pay per view site.

Igo na lang sa paghandum

Managsama nga ni react sa hulagway nga gi-upload ni Arlene Muhlach sa nilabay nga adlaw ang managsuong nagbungol karon nga sila si Marjorie ug Gretchen Barretto. Kuha ang maong hulagway didto sa Boracay diin kauban ni Arlene ang nahisgutang Barretto sisters, ug laing duha pa ka mga higala. Komento ni Marjorie,”Wonderful memories." Niingon sab si Gretchen,”That long ago.” Kahinumduman nga na eskandalo ang haya sa ilang amahan niadtong 2019 human nag-away sila si Gretchen ug Marjorie, diin nag-isig dapig sab ilang ubang mga igsuon. 

Kagumkom og lawas

Nagbandera na ang lawas ni Derrick Monasterio isip latest endorser sa usa ka sikat nga Pinoy clothing brand. Brief ang endorsement ni Derrick ug komedya pa niya sa iyang caption sa iyang IG post, ang nakanindot matud pa kun underwear model mao nga aduna kay unlimited supply nga brief. Pero seryoso nga pagbutyag ni Derrick, nagtubo siya nga mao gyud kini ang iyang brief. Nakaangkon og 38k likes ang iyang hulagway nga gi-upload sa Instagram diin lamurok gyud ang iyang muscles.

Hapsay ang trabaho

Mapasalamaton si Paulo Avelino sa mga nakatrabaho niya sa naghinapos na nga teleserye nga “Walang Hanggang Paalam.” Kini kay hapsay matud pa ang ilang trabaho, nindot kaayo ang ilang panag-uban sa lock in taping ug nagsuportahay sila sa usag-usa. Matud ni Paulo kun dili pa tungod sa iyang mga katrabaho, hayan na depress na sab siya og balik sama sa iyang nasinati dihang wala na marenew ang prangkisa sa ABS-CBN nga nasundan pa gyud sa pagdagsang sa Covid 19.

Ganahan gyud magkontrabida

Sama kang Paulo, positibo sab ang mga pulong nga giluwatan sa iyang co-star nga si Cherrie Pie Picache kabahin sa bonding nila sa set sa “Walang Hanggang Paalam.” Suma pa sa beterana ug award-winning walay nag-attitude problem sa set ug sa oras sa trabaho, trabaho gyud sila og husto. Gipadayag sab niya nga ganahan kaayo siya sa iyang kontrabida role sa maong serye sanglit maduwaan niya og maayo ang iyang character. Lakip sab sa mga bituon sa maong serye sila si Zanjoe Marudo, Arci Munoz, ug Angelica Panganiban.

Idol si Juday

Subling giklaro sa best actress nga si Charlie Dizon nga wala pa gyud siyay nadawat nga offer kabahin sa matud pa kontrabida role sa Pinoy adaptation sa Dr. Forster (mas naila isip World of the Married Couple dinhi sa Pilipinas). Sa sayong bahin niining tuiga pa nitumaw ang taho nga himuon matud pa sa ABS-CBN ang maong kabit-kabit series nga naggikan sa United Kingdom. Si Judy Ann Santos matud pa ang bida ug si Charlie ang kontrabida isip ang kabit. Kun ugaling itanyag kini ngadto niya, matud ni Charlie, yes gyud dayon siya sanglit nindot kaayo ang maong role ug dream gyud niya nga makatrabaho si Juday nga usa sa iyang mga giidolo.

“Next Miss Universe”

Ang ABS-CBN gihapon ang mopasalida sa Miss Universe pageant dinhi sa nasud karong May 17, alas otso sa buntag. Makita kini live, pinaagi sa A2Z channel diin may replay inig 10pm sa samang petsa. Samtang trending karon ang video clip diin namulong si Miss Universe Philippines Matteo Rabiya og “I am your next Miss Universe.” Kuha kini sa usa ka interview diin gisugo si Rabiya nga kumpletohon ang sentence nga, “I am Mateo Rabiya…”

Negative uy

Negative sa Covid 19 si Miss Kelley Day, kinsa napiling first runner-up sa bag-ohay pa lamang gipahigayon nga Miss Eco International pageant. Apan magpabilin una siya didto sa Egypt samtang lisud pa sudlon ang Manila kun gikan sa abroad gumikan usab sa nagsaka nga Covid cases didto. Kahinumduman nga nakontrobersyal ang nahisgutang pageant sanglit may mga sakop na matud pa sa production nga positibo sa virus apan gihilom lamang nga niresulta ngadto sa pagpositibo sab sa ubang mga kandidata. Gihimakak kini sa komitiba.

GMA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with