^
Kinsay supak kang Kim Chiu?
Vice Ganda ug Kim Chiu

Kinsay supak kang Kim Chiu?

(Banat) - April 16, 2021 - 12:00am

CEBU, Philippines — Pangutana karon kinsay gipasabot ni Kim Chiu kagahapon nga may supak nga mamahimo siyang regular co-host sa It’s Showtime.

Medyo naligas ang dila ni Kim sa iyang paghatag og mensahe kang Vice Ganda kansang birthday gisaulog nila sa show kagahapon. Niadtong nilabay nga bulan pa ang birthday ni Vice, apan kay gahapon paman sila nakabalik sa studio para sa live episode, gahapon nila gipahinungdan ang nahisgutan.

Ang dagan sa istorya mao kini:

Kim: “Thank you na tinanggap mo ako dito, may iba hindi nila ako masyadong tanggap dito."

Karylle ug Jugs: “Wala!!”

Karylle: “Tanggap ka naming lahat dito no at mahal na mahal.”

Nihirit si Vice nga nagkatawa: “Wala naman na siya hayaan mo na”

It's Showtime hosts: LIVE!!!

Kim: “Ay live live pala, sorry! Thank you for being so generous, sobrang very giving mo sa aming lahat dito. Medyo natatakot kaming mag joke pero di namin alam kung nakakatawa o hindi, minsan sinasalo mo kami pero minsan hindi. Madami kami na nai-inspire mo with everything that you do, kaya thank you for being a sunshine to every one of us… salamat for being you."

MU VIP tickets, P121K kada usa

Mokabat ngadto sa P49, 000 ang regular ticket sa 69th Miss Universe coronation night karong May 16, 2021 didto sa Seminole Hard Rock Hotel and Casino didto sa Hollywood, Florida. Samtang mokabat ngadto sa P121, 000 ang VIP ticket. Wala pay apil ang tax niana. Ang mga benipisyo sa regular ticket maglakip sa premium seating, ticket para sa VIP Kick-Off Party,  virtual Q and A,  ticket sa dress rehearsal, ug swag bag. Ang VIP ticket makapahimulos niining musunod: premium lounge-style seating; entrance para sa VIP Kick-Off Party; tickets para sa national costume, preliminary, ug  finals; meet and greet ug  interview sa kasamtangang Miss Universe nga si Miss South Africa Zozibini Tunzi; ug makapahulagway kauban ang bag-ong Miss Universe. Ticket ra na. Kinahanglan sab ka nga mo-check in sa “bubble hotel” sa dili pa ang events sanglit adunay swab test kada adlaw. Nasayran nga 25% capacity ra sa venue ang tugtan nga mamahimong live   audience.

Magmaisugon, mag-ampo

Giangkon ni Vice Ganda nga nahadlok siya sa pagbalik na sa ilang live episodes sa It’s Showtime kagahapon taliwala sa nagkataas gihapon nga Covid cases didto sa NCR. Apan matud pa ni Vice, kun maghadlok-hadlok siya, hayan madismaya niya ang iyang It’s Showtime family ug mangahadlok na lang sab sila. Busa kinahanglang magmaisugon ug maghiusa aron mabuntog nila ang kahadlok. Paniguruon lang gyud niya pa nga higpit nga ipatuman ang health protocols. Labaw sa tanan, mag-ampo.

Alegreha…

Tugob sa aksyon ang eksena nila ni Cardo Dalisay(Coco Martin) ug police officer Lia Mante (Jane de Leon) sa April 5, episode sa FPJ’s Ang Probinsyano. Naglungotlungot gyud si Cardo nga nakigpinusilay sa grupo ni Mante nga determinado sab pagdakop sa nahauna.  May mga nipakpak sa ilang action scenes, pero daghang netizens ang nangatawa kay matud pa walay pagkahurot ang bala nila ni Mante ug Dalisay. Dili matud pa katuohan nga daw walay paghubas ang bala sa ilang mga armas ug dugay kaayo nga giloadan.

“Present father”

Diretsong gitubag ni Ellen Adarna ang usa ka netizen nga nangutana kun makahigayon pa ba si John Lloyd Cruz  pagpakig-uban sa ilang anak nga si Elias Modesto kinsa dos anyos na. Tubag ni Ellen, yes. Hatud kuha matud pa ni Loydie ang ilang anak. Ni Ellen pa, “Si John Lloyd, present father. He wants to be present. He needs his father, as much as he needs me." Sa nilabay nga tuig, giklaro ni Ellen nga co-parenting sila ni Loydie, diin twice a week matud pa nga makauban ni Elias ang iyang papa.

Maningkamot gyud

Subling gisaad ni Miss Universe Philippines Rabiya Mateo nga buhaton gyud niya ang tanan aron subling madala pagbalik dinhi sa nasud ang Miss Universe crown. Nagsugod na ang pre-pageant activities ni Rabiya niadtong nilabay nga adlaw diin giadto siya-- ingon man sila si Miss Colombia ug Miss El Salvador—sa Miss Universe team didto sa Los Angeles alang sa ilang photo shoot ug interview. Gipadayag ni Rabiya ang iyang kalipay sanglit natuman gyud ang iyang damgo nga mamahimong pambato sa nasud alang sa maong indigay sa kaanyag.

VICE GANDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with