^
Jodi vs. Lovi?
Jodi

Jodi vs. Lovi?

(Banat) - April 15, 2021 - 12:00am

CEBU, Philippines — Hingpit na nga gipahibawo sa BBC ug ABS-CBN nga himuon sa Kapamilya Network ang Pinoy adaptation sa sikat kaayo nga British teleseries nga Dr. Foster.  Dili kaayo baniog ang Dr. Foster, apan mao na ang original version sa sikat kaayo nga Korean drama didto sa Korea ug dinhi sa Pilipinas nga “World of the Married Couple.”

Sayo niining tuiga, nabaniog na ang gitakdang pagmugna sa ABS-CBN og kaugalingon version sa Dr. Foster nga gawas sa South Korea, gimugnaan na sab og version didto sa Russia, Turkey ug France.

Kabit-kabit ang tema sa Dr. Foster, diin gihangop gyud og maayo sa mga Pinoy ang Korean version nga World of the Married Couple. Dungan niini, nigawas ang tsika sa sayong bahin niining tuiga, nga si Judy Ann Santos ug Charlie Dizon matud pa ang modala sa papel sa bida nga doctor ug sa kabit nga batan-on.

Apan kagahapon, aduna nay bag-ong tsika nga nigawas. Dili na matud pa si Judy Ann mahinayon niini gumikan kay nibalibad ang premyadong aktres sanglit dili siya kumportabli sa nagsaka nga Covid cases didto sa NCR.

Suma pa, gikonsidera matud pa si Angelica Panganiban aron maoy mobida, apan kay una namang namahayag ang actress nga katapusan na niyang teleserye ang naghinapos na nga “Walang Hanggang Paalam”, dili na siyay gipili.

Ang tsika gyud, si Jodi Sta Maria na matud pa maoy bida niining maong Pinoy adaptation ug ang kabit, wala pa karon sa nataran sa ABS-CBN sanglit humanon pa niini ang iyang romcom series sa GMA7. Kini mao si Lovi Poe kansang kontrata sa GMA Network matapos na matud pa, ug dili na mo-renew ang actress.

Managsama og manager si Lovi ug Janine Gutierrez kinsa nibalitok niadtong January paingon sa ABS-CBN human sa dul-an dekada nga pagpasilong sa GMA7. Si Leo Dominguez ang ilang manager, nga mao sab ang nagdumala kang Paulo Avelino.

Apan kun ang netizens ang pangutan-on, si Juday gyud ang top choice. Ug kun dili man gyud gani mahinayon  angABS-CBN Primetime Queen, si Angel Aquino ang gusto nila nga maoy ihulip.

GMA7 dramas

Gibandera na sa GMA7 ang ilang mga drama series nga himuon pa ug isalida karong tuiga.

Mobida sila si Rhian Ramos, Mark Herras, Jackie Rice ug Rocco Nacino sa legal drama nga “Artikulo 247”.  Si Jennylyn Mercado maoy mobida sa drama series “Love. Die. Repeat” nga magtuki sa pagbangotan sa usa ka babaye sa kamatayon sa iyang hinigugma.

Makauban ni Heart Evangelista alang sa fashion series nga “I Left My Heart In Sorsogon”, sila si Paolo Contis ug Richard Yap.

Subling magpares sila si Alden Richards ug Jasmine Curtis-Smith sa seryeng “World Between Us”. Una silang nagpares sa usa ka episode sa I Can See You. Magkauban sa labing unang higayon alang sa primetime series nga “To Have and To Hold” sila si Carla Abella ug Max Collins. Giingon si Derek Ramsay ang ilang leading man.

AJ, paborito

Mura’g si AJ Raval ang paborito sa Viva Films karong panahona. Wala pa gani masalida ang iyang pelikula nga “Death of A Girlfriend”, magsugod na ang iyang shooting sunod bulan alang sa iyang ikatulong pelikula. Kini mao ang psycho-erotic thriller nga “Taya” diin leading man niya ang bida sa pelikula nga “Anak Ng Macho Dancer” nga si Sean de Guzman.  Si AJ nga anak sa kanhi action star nga si Jeric Raval gipaila sa pelikulang “Paglaki Ko Gusto Ko Maging Pornstar”.

Dili na sab madayon

Sa ikaduhang higayon, postpone na sab ang coronation night sa Bb. Pilipinas 2020. Orihinal nga schedule niini mao nga April 26, 2020 gyud unta, apan gumikan sa enhanced community quarantine sa Manila, wala kini nahinayon. Niadtong January, gipahibawo nga mahinayon na gyud ang coronation night karong April 17. Apan niadtong nilabay nga adlaw, gipahibawo sa BPCI nga isibog ang conation night ngadto na sab sa June 17, 2021. Kini gumikan sa nagsaka sab nga Covid cases sa NCR.

Trabaho, trabaho, trabaho

Trabaho ang focus sa no boyfriend since birth (NBSB) nga si Sanya Lopez kinsa bida sa primetime series “First Yaya” sa GMA7 kauban si Gabby Concepcion. Apan suma pa niya, wala siya nangita niini, wala sab siya magdali. Trabaho ang iyang prayoridad, apan kun moabot gyud matud pa ang gitagana sa Ginoo alang niya, mahitabo ra gyud kini nga dili lamang palandungon. Happy ang First Yaya people kay nindot ang ilang rating ug feedback nga nadawat.

Nindot nga love story

Gikasal na matud pa pinaagi sa civil wedding ceremony si Ritz Azul ug iyang non-showbiz fiancé nga si Allan Guwi. Dili pa kumpirmado ang maong tsika, apan ang sigurado gyud mao nga sa December 2021 ang ilang destination wedding. Napahibawo na matud pa ang ilang mga ninong ug ninang sa petsa gyud sa kasal. Sa engagement nila niadtong June 2020, gisaysay ni Ritz nga nagkaila sila ni Allan niadtong 2016, nagkasuod sila dayon apan dihang nagka seryoso na ang ilang sitwasyon, giprangkahan ni Ritz ang nahisgutan nga mangita na lang og lain kay wala siya'y plano nga magminyo. Apan nitubag si Allan nga magpaabot siya sa aktres, hangtud nga nisampot sa pagpropose niini niadtong nilabay nga tuig, nga matud pa giplano nga sa Switzerland unta mahitabo apan gumikan sa pandemya, didto na lang kini sa farm sa mga Guwi sa Batangas napahigayon.

Bye, Barbie

Nag-goodbye na ang Cai Magbanua character ni Barbie Imperial sa afternoon series Bagong Umaga sa Kapamilya Channel niadtong Martes. Gipalutaw nga medicine overdose ang iyang namatyan, apan nagduda si Tisay (Heaven Peralejo)  nga lahi ang rason sa kamatayon ni Cai. Matapos na karong April 30, 2021 ang nahisgutang teleserye nga gilangkuban sa mga young stars nga sila si Tony Labrusca, Michelle Vito, Yves Flores, Kiko Estrada, Barbie ug Heaven.

JODI STA MARIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with