Swab test kada gabii

CEBU, Philippines — Alegre ang panag-istorya nila ni Vicki Belo ug Alex Gonzaga niining bag-o lang, para sa vlog sa doktora. Nahisgutan ang kinabuhing minyo ni Alex ug Mikee Morada nga nisampot ngadto sa sex life sa managtiayon. Nagkanayon si Alex: “Sobrang sarap makasal, sa totoo lang.” Komedya pa niya, “Kasi every night, there’s swab test.” Daling tubag ni Belo: “Hoy sa ilong ‘yung swab. Ibang swab ata iniisip mo.” Bawos pud ni Alex: “Ibang swab ‘yung ginagawa namin. Pero talagang positive [o] negative, talagang positive pa rin.”

Dyutayng kahilom

Ang pagpakahilom panahon sa kasub-anan ang nakat-onan ni KC Concepcion ilabi na karong adunay pandemya. Mao ni tipik sa iyang 36th birthday message nga gimantala niya sa iyang Instagram account niining bag-o lang. Nipanaw ang lola ni KC sa habig sa iyang amahan nga si Gabby. Suma pa ni KC, nagbangutan siya sa hilom sanglit dili na siya buot nga mapun-an pa ang negatibo nga gibati sa publiko gumikan niining giatubang nga krisis. Dugang pa, dugay ra sab siya nga nakasabot nga ang kasikas ug kasaba dili makatabang pagsulbad og problema, kundili makapasamot pa hinuon sa sitwasyon.

Pagbuot sa Ginoo

Walay pagmahay si Dianne Medina nga bisan og niadtong 2007 pa siya nagsugod sa showbiz isip usa sa mga hosts sa Wazz Up Wazz Up sa Studio 23 kaniadto, hangtud nga nag-artista na siya pinaagi sa youth-oriented show Let’s Go, wala pa gyud siya nakasuway nga mabida. Ka batch niya sa Let’s Go sila si Alex Gonzaga, Bangs Garcia, Charee Pineda ug Joem Bascom nga puros nisulbong ang mga career pagkatapos sa maong show. “Kasi sa akin, there are no small roles. Sa akin, every work or every role na ibigay sa akin, it’s always a blessing kay Lord. Wala naman akong manager, si Lord lang talaga. So kapag may work na dumating, I take it as a blessing kasi gusto ko rin maka-bless sa ibang tao.”

Biggest action series

Apektado ang taping sa umaabot nga action series sa GMA7, ang “Lolong.” Kini gumikan sa extended ECQ didto sa NCR Plus, diin gihunong usa ang lock-in taping. Bida niini sila si Ruru Madrid ug Shaira Diaz, kinsa sa nilabay nga tuig pa nag-ensayo alang sa ilang action scenes. Seryoso ug sensitibo matud pa ang tema niining maong serye busa gipaningkamutan sa GMA Public Affairs-- nga maoy producer-nga dili masagulan og politika ang maong proyekto. Matud pa usab ni Ruru, ang Lolong maoy “biggest action adventure series” sa GMA7 busa angayang atangan.

Heal not revenge

Kabahin sa “healing” ug dili pagpanimalos ang IG post ni Gerald Anderson kagahapon taliwala sa exclusive interview kang Bea Alonzo sa MEGA, diin iyang giangkon nga kun naabtan pa niya ang actor sa ABS-CBN Ball, sagpaon gyud niya kini aron makaila kini kinsa siya. Sa maong interview niingon si Bea nga ang iyang gikapungtan gyud mao nga daw siya pa hinuon ang sad-an sa nahitabo sa ilang kanhi relasyon. Gihulagway sab niya nga “selfish” ang actor. Apan daw deadma si Gerald ug nagpost kini og quote sa Stoic philosopher nga si Seneca nga nagkanayon: "How much better to heal than seek revenge from injury."

Gipatangtang ang topless photos!

Nag-all the way sa ilang sexy scenes sa mystery love story nga “Death of a Girlfriend” sa Viva Films sila si AJ Raval ug Diego Loyzaga nga ubos sa direksyon ni Yam Laramas. Asoy pa sa director sa presscon sa maong pelikula, naghire gyud sila og intimacy director aron mogiya sa mga bida sa ilang sexy scenes. Matud ni Yam, wala nagduhaduha ang mga bida paghimo sa sexy scenes sanglit kinahanglan gyud kini sa pelikula.

Samtang si AJ, nipadayag nga gitugutan na siya sa iyang amahan nga si Jeric Raval nga mag-sexy star, apan gipatangtang matud pa niini ang iyang topless photos sa Instagram.

Kahinumduman nga gipaila si AJ pinaagi sa Viva Films movie “Paglaki Ko, Gusto Ko Maging Pornstar”, ug niadtong tungora wala siya tinggi sa iyang amahan.

"Sa totoo lang po, hindi sila naging supportive noong una. Pero ngayon naman po, hinahayaan na po nila ako," niya pa.

Pero, wala kauyon ang iyang amahan nga action star sa topless photos.

"Nagalit po siya kaya ngayon deleted na yung post ko. Ipinaalis po.

"Nagalit po siya kasi pinag-usapan na namin na magpapaseksi po kung work lang po, kapag kailangan."