Pinangga sa Ginoo

Sukad pagsugod sa pandemya sa nilabay nga tuig, niadtong Huwebes, March 4 pa nakabalik og simbahan si Kim Chiu. Espesyal ang March 4 alang niya sanglit sa maong petsa sa nilabay nga tuig, gi-ambush ang iyang van samtang padulong unta siya sa iyang taping. Matud ni Kim, giluwas siya sa Ginoo, ug gumikan niini, mapasalamaton siya sa kanunay.

“Los Hermanas”

Sila si Yasmien Kurdi, Faith de Salva ug Jason Abalos ang mga co-star ni Albert Martinez sa iyang umaabot nga teleserye sa GMA7, ang Los Hermanas. Suma pa, kasina ug panimalos ang mga tema sa maong drama.

Best wishes!

Gikasal na didto sa Amerika ang kanhi That’s Entertainment member nga si Beth Tamayo ngadto sa iyang hinigugma nga si Adam Hutchinson. Online ang nahitabo nga seremonya. "Ceremony is now online; very limited people to invite (even if it’s already remote) and all of this is happening at the comfort of our own home. We even used a toolbox as our laptop stand! So classy!" Sa mga wala nakaila, kanhi sikat nga artista kaniadto dinhi sa nasud si Beth. Suod sila nga managhigala ni Judy Ann Santos ug pag-umangkon niya si Dominic Roque.