^

Dili pa mahuman uy!

(Banat) - March 5, 2021 - 12:00am

CEBU, Philippines — Dili tinuod ang nigawas nga taho sa nilabay nga adlaw nga matud pa manamilit na sa telebisyon ang FP’S Ang Probinsyano sa ABS-CBN sunod bulan, o sa April 2021.

Ang tsika mao nga bag-o pa nahuman ang Cycle 6 lock in taping sa cast sa maong TV adaptation nga gibituonan ug gireksyonan ni Coco Martin. Apan mobalik ra sab ang cast alang sa Cycle 7 lock in taping sa dili madugay.

Dili finale taping ang umaabot nga lock-in taping. Matud pa, balig usa ka bulan ang gam-on sa umaabot nga lock in taping.

Una niini, giklaro sa ABS-CBN Corporate Communications nga dili tinuod ang nigawas sa usa ka broadsheet nga matud pa kutob na lamang April 2021 ang maong teleserye nga unang nilugwa sa telebisyon niadtong September 28, 2015.

Ang balita sa maong broadsheet nagkanayon nga nasayud na ang kasagaran sa cast members nga mahuman na ang nahisgutang teleserye.

“Good father”

Gitubag ni Derek Ramsay ang usa ka netizen nga nihingan niya og “insensitive” human usab nag-upload og video kauban ang iyang uyab nga si Ellen Adarna ug anak niini nga si Elias Modesto. Suma pa sa netizen, naka feel matud pa siya sa gibati ni John Lloyd Cruz samtang magtan-aw sa maong video. Apan matud ni Derek: "I mean no disrespect to him. I know he is a good father."

Sharon, nagbangotan

Nahunong ang shooting sa pelikulang Revirginized didto sa Subic niadtong Miyerkules sa gabii gumikan kay dili moundang og hilak ang bida niini nga si Megastar Sharon Cuneta human nasayod nga napalgang wala nay kinabuhi ang world-class designer nga si Rocky Gathercole sa comfort room sa panimalay niini. Gituohang giatake sa kasingkasing ang designer kansang mga kliyente naglakip nila ni Britney Spears, Katy Perry, Paris Hilton, ug Nicki Minaj. Nasuod ni Sharon si Rocky kinsa niangkon nga idolo gyud niya ang megastar.

“Underage”, mugnaon sa GMA7

Maghimo og TV version ang GMA7 sa 1980 Regal Films movie Underage nga gibituonan nila ni Maricel Soriano, Dina Bonnevie ug Snooky Serna kaniadto. Gi-remake sab kini sa Regal niadtong 1991, diin ang mga bida mao sila si Ruffa Gutierrez, Carmina Villaroel ug Aiko Melendez. Niadtong 2009, nagmugna sab ang ABS-CBN og ilaha nga version diin sila si Melissa Ricks, Lauren Young ug Empress Shuck ang mga bida. Wala pa ibutyag kinsay mga bida sa Kapuso version.

Dili “poverty porn”

Nag-sorry si Solenn Heussaff ug gi-delete ang unang hulagway nga iyang gi-upload niadtong Miyerkoles nga nagpromote sa iyang umaabot nga solo painting exhibit sunod bulan. Kini human gi-bash si Solenn sa netizens kay matud pa gigamit niini ang kawad-on sa maong promotion human usab nga ang background sa iyang litrato gubaon nga balay. Gihimakak ni Solenn ang maong pasangil kay niya pa, buot lamang niyang ipakita ang tinuod nga sitwasyon sa katilingban ug dili matud pa “poverty porn” ang iyang gibuhat. Ang poverty porn nagpasabot nga gamiton sentro ang kapobrehon aron mahalin o suportahan ang us aka produkto o aktibidad.

DJ Loonyo, recording artist na

Recording artist na si DJ Loonyo human siya nipirma og kontrata sa Universal Records sa nilabay nga bulan. Dali niya nga giklaro nga nisulod siya sa recording aron ipaambit ang iyang abilidad ug dili aron makigkompetensya. “Hindi naman ako pumunta sa linya na ‘to para makipag compete e, kung ano yung pwede kong ibahagi na meron sa puso ko,” nagkanayon siya.

Dili uso ang selos selos!

Giklaro ni Janine Gutierrez atol sa iyang interview sa PEP Exclusives niining bag-o lamang nga wala na gyud unta siya'y plano nga maka-uyab pa og taga showbiz, apan nakalusot gyud si Rayver Cruz kay niya pa, pursigido gyud.

“Pero yun nga, sobrang ginalingan din niya. Nakalusot. At yun nga, nandito na po tayo ngayon. Hahaha!"

Dihang nahimamat niya si Rayver, nisuway matud pa siya og pahilayo. Tuig 2017 sila unang gikataho nga nag-date, apan paglabay pa sa duha ka mga tuig, o niadtong 2019 pa sila inanay nga nipaambit sa publiko sa ilang nagkalami nga relasyon.

Tsika ni Janine nga dili na isyu nila ni Rayver ang selos selos ngadto sa katrabaho.

"Wala, kasi tagal na niya artista. Dapat alam na niya iyan.”   "Ako rin naman. Bilang anak ng artista, nakita ko rin naman na pag trabaho, trabaho."

Naanad na si Janine sanglit mga artista ang iyang mga ginikanan nga sila si Lotlot de Leon ug Monching Gutierrez. Lola pa gyud niya si Pilita Corrales ug lolo sab niya si Eddie Gutierrez nga puros mga banggiitan na sa showbiz.

Kasamtangan nga gi-promote karon ni Janine ang iyang pelikula nga Dito at Doon, kauban  si JC Santos. Magtuki kabahin sa babaye nga no boyfriend since birth, isalida kini karong umaabot March 17.

ANG PROBINSYANO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with