Beach wedding gyud…

CEBU, Philippines — Hayan sunod tuig pa ang kasal ni Glaiza de Castro ngadto sa iyang Irish fiancé nga si David Rainey.

Kahinumduman nga engaged na ang duruha didto sa Ireland niadtong December 24, 2020.

Apan gumikan sa pandemya, nag-agad pa sila kanus-a subling mobukas ang Pilipinas alang sa mga turista aron mapahigayon ang ilang kasal dinhi sa nasud.

Pero, may gamay nga detalye na ang Kapuso actress kabahin sa umaabot nila nga kasal nga iyang gipaambitan ngadto sa Philippine Entertainment Portal. “Definitely ano ito, beach wedding. Mahilig kami sa beach parehas.

“Iyong gown, it would be something na kumportable siyang isuot.

“Basta meron akong kinausap na designer.

“Gusto kong maging kumportable ako sa isusuot ko, kasi buong araw iyon, di ba?”

Adunay mga nagtuo nga sa Siargao kini ipahigayon sanglit didto sila unang nagkakita, nagkahigala.

“Puwede naman, pero, plinaplano pa muna namin iyong logistics kasi….

“Sa Baler? Puwede naman kaso ang layo ng biyahe.

“So iyong family ni David kung manggagaling ng UK 'tapos babiyahe. “Well, kinu-consider namin ang Siargao kasi significant for us, pero as of now, ano, pahapyaw-hapyaw lang na pagpaplano.”

HugyawLicious Wow, KZ!

Si KZ Tandingan maoy gipakanta sa labing unang Filipino Disney song nga giulohan og “Gabay” nga malakip sa Disney movie nga “Raya and the Last Dragon.” Suma pa ni KZ, mapasalamaton gyud siya nga siya ang napili, ug gidapit niya ang tanan sa pagpaminaw sa maong kanta ugma puhon pinaagi sa Spotify.

Oh, Chanyeol!

Nasorpresa ang fans ni Chanyeol nga sakop sa sikat nga K-Pop group EXO human nilugwa niadtong nilabay nga adlaw ang iyang version sa kanta sa American singer-songwriter nga si Billie Eilish’ nga gilohan og “Bad Guy.” Gipalugwa ang mao niyang version pinaagi sa teaser sa umaabot niyang pelikula, The Box.

Billy: Lahat ng problema, may solusyon

Walay puas ang pasalamat sa magtiayong Billy Crawford ug Coleen Garcia ngadto sa Ginoo gumikan sa mga grasya nga ilang nadawat taliwala sa pagkawagtang sa franchise sa ABS-CBN ug sa pandemya nga giatubang sa nasud.

Butyag ni Billy atol sa mediacon sa iyang umaabot nga show sa TV5 nga The Wall Philippines, giplano na nilang magtiayon nga adto na sa laing nasud manimuyo kun wala nay oportunidad alang nila dinhi sa Pilipinas.

Apan, nagrasyahan siya og noontime show nga mao ang Lunch Out Loud nga iyaha sa Brightlight Productions u gang umaabot nga The Wall Philippines nga iyaha sa Viva Entertainment ug magsugod na karong March 13, sa TV5.

“May mga tipong life decisions na kailangang gawin. Kasi, hindi madali mag-outlook o magtanaw ng positivity sa lahat na negative na nangyayari sa paligid mo.

“Pero ang number one na natutunan namin is nagtiwala kami sa Panginoon, nagdasal kami nang todo-todo, at iniyakan naming pamilya kung ano talaga ang kailangan naming gawin.

"And we are slowly climbing that wall and, until now, kahit anong mangyari….

“I’m just really thankful na meron akong blessing. Meron akong mga shows sa TV5, meron akong prime-time entertainment.

“Kumbaga, dito ko tinanim yung sinabi sa akin ng tatay ko na there’s no such things as problems. Kasi, lahat ng problema, may solusyon.”

Pang sinehan!

Huwaton usa nga moabli na ang mga sinehan usa pa isalida ang pelikula nila ni Bea Alonzo ug Alden Richards, ang Pinoy adaptation sa Korean movie “A Moment To Remember”, nga gam-on sa Viva Films, APT Entertainment ug GMA Pictures. Sa katapusan bahin sa Marso o sa unang bahin sa Abril ang shooting sa duruha apan padayon na ang workshops sa mga bida ubos sa ilang director nga si Nuel Naval.

Wala pay chika

Sila si Max Collins ug Carla Abellana ang mamahimong leading ladies ni Derek Ramsay sa giandam nga proyekto sa GMA7 alang niya, apan wala pay detalyi kanus-a kini sugdan paghimo. Unang giplano nga subling magkuyog sila si Andrea Torres ug Derek sa teleserye nga Sanggang Dila, apan naabtan kini og pandemya, hangtud nga nitumaw ang kalit nilang panagbuwag.

Gitubag tanan

Si Andrea Torres ang guest sa The Boobay& Tekla Show sa GMA7 karong Domingo sa gabii. Humana ang taping sa aktres niadtong Martes diin matud pa sa usa ka insider, gitubag niini ang tanang pangutana nga gibato ngadto niya bisan og walay mga ngalan nga gibutyag.

Dili okay si Llloydie…

May mga nabalaka nga fans ni John Lloyd Cruz nga hayan may problema ang actor gumikan sa facebook post sa iyang FB page niadtong Martes sa gabii nga nagkanayon: “It will be okay. Maybe not today, but it will. Good evening!”

Bulahan ka Alex!

Flop ang My Rebound Girl ni Alex Gonzaga ug Joseph Marco sa mga sinehan niadtong 2016, apan ni-arangkada kini og maayo sa Netflix Philippines human nag-premiere niadtong February 25.  Duha ka adlaw sukad sa premiere niini o niadtong February 27, nag-tweet si Alex: “Another THANK YOU!!! My Rebound Girl is #1 on Netflix today!! Love u all!” Niadtong March 2, nidailos kini sa ikaduhang pwesto, ug nag-number one ang Korean TV series Vincenzo nga gibituonan ni Song Joong Ki. Ginama sa Regal Films ang maong pelikula.