Mi-renew sa GMA
CEBU, Philippines — Subling mipirma si Rhian Ramos og exclusive contract sa GMA Network Inc. niadtong Biyernes, February 19, 2021.Mapasalamaton ang aktres sa iyang mother network gumikan kay nagsagunson gyud ang iyang mga proyekto.
Show sa Spotify
Usa sa gikabisihan karon ni Pia Wurtzbach mao ang podcast show niya sa Spotify nga nag-ulohan og Between Us Queens. Kauban niya sa maong show sila si Mutya ng Pilipinas Intercontinental 2010 Carla Lizardo ug Binibining Pilipinas International Bianca Guidotti.
Nanamilit sa Star Magic
Hingpit na nga nanamilit sa Star Magic ang aktor nga si Janus del Prado. Nasayran nga 21 ka tuig siya nga nag-istar sa maong talent agency. Nalakip si Janus sa Star Circle Batch 9 kun diin ka-batch niya sila si Angel Locsin, Heart Evangelista, Coco Martin, Rafael Rosell, ug Alwyn Uytingco. “Thank you Star Magic (Talent Center) for making me a part of your family for more than 2 decades (21 years),”tipik sa IG post ni Janus.
Ipatangtang ang silicon
Ipatangtang ni Maui Taylor ang silicon implant sa iyang boobs ug posibleng mahitabo kini sunod buwan.Suma pa sa aktres nga gihasolan na siya sa kabug-at sa iyang boobs. “Baka po itong March kasi naghahanap lang po ako ng free time sa schedule ko. It needs kasi at least mga three weeks na healing period,” matud pa sa aktres.
Sekreto ni Alden
Gibutyag ni Alden Richards nga kahibalo siya makisama sa iyang mga katrabaho. Mao kini ang rason nga tulin ra gyud ang mahimong dagan sa iyang trabaho.
Nakadaog sa piniliay
Ang 23 anyos ng si Abelaine Trinidad maoy natuboy nga Third Generation Center Girl sa MNL48 human kini nakakuha og dakong votes sa MNL48 Third General Election sa It's Showtime.
“Grabe hindi ko ineexpect bilang first generation member na ngayon na naging parte pa rin ng third generation member," suma pa niya. (Sanden J. Anadia)
Molugwa sa Kapamilya Channel
Mosikad na sugod karong adlawa sa nagkadaiyang ABS-CBN platforms ang latest series nila ni Jerry Yan ug Shen Yue nga Count Your Lucky Stars .
Molugwa kini sa iWant TFC, Kapamilya Channel ug Kapamilya Online Live.
Midala si Jerry isip Lu Xingcheng, editor-in-chief sa usa ka sikat nga magazine , samtang si Shen kay nidala isip fashion designer nga ginganlan og Tong Xiaoyou.
GTV mosikad karon
Sugod karong adlawa, ang naandan nga GMA News TV kay tawagon na og GTV uban usab sa gipakusgan nga mga news program ug mga bag-ong show.
Ipabilin sa GTV ang baruganan sa network nga Serbisyong kauban ang mga award-winning nga personalidad sa GMA News, GMA Regional TV, ug DZBB.
Magpabilin ang live telecast sa “Dobol B TV”, “24 Oras”, “Balitanghali” , “State of the Nation (SONA)”’ug uban pa.
Dili usab mawagtang ang giatngan nga local news reports pinaagi sa “GMA Regional TV Strip” ug “GMA Regional TV Weekend News”.
Molugwa usab ang mga bag-ong show nga “Game of the Gens” , “Farm To Table”, “Heartful Café,” “Love You Stranger” ug “FLEX”.
“We Give Our Yes”
Gipalanog na ni Jamie Rivera ang inspirational song nga “We Give Our Yes,” ang usa ka official mission song sa pagsaulog sa ‘500 Years of Christianity’ sa Pilipinas.
“I think this is really my mission, a mission for me to be able to give people a prayer and, at the same time, they could sing with it as well,” suma pa sa singer.
Samtang gipalugwa na sa Star Music sa miaging semana ang lyric video sa maong awit.
Nagtangag kini sa mensahe sa pag-ampo ingon man usab sa pagbaton og paglaom sa gisagobang nga mga pagsulay.
Ang multi-awarded church composer nga si Fr. Carlo Magno Marcelo maoy nagsulat sa “We Give Our Yes” ug gi-produce sa multi-awarded hitmaker ug ABS-CBN Music creative director nga si Jonathan Manalo.
- Latest