Baboy, manyak!

CEBU, Philippines — Gikondena sa Star Magic ang pagkatap sa edited photos nila ni Sue Ramirez ug Maris Racal diin gipagawas nga naghubo ang duruha.

Sa orihinal nga hulagway, nag-two piece ang nahisgutang talents. Mipahinumdom ang Star Magic nga mahimong mabilanggo ang responsabli sa maong edited photo.

Una niini, labihang pungota ni Sue ug Maris gumikan sa maong binastos nga ilang nahiaguman.

Post ni Sue sa IG: “Repost ko lang ulit tong mga picture na to para hindi kayo NATATANGA sa fake news.

“Ewan ko ba kung anong dahilan at pinuputakte niyo kami ng ganito. Wag ko lang mahanap ang nagkakalat ng kung ano-anong katarantaduhan na ‘to.

“Ayoko na sanang magsalita pero ginagambala niyo ang katahimikan ng buhay ko. Umayos kayo. AT WAG TANGA PLS. Wag basta bastang naniniwala sa mga nakikita online. HINDI KAYO PINALAKING UTO UTO. Pl slang. Sumusobra na kayo.

“Sa mga nakakatanggap ng picture, siguro naman may delikadesa at respeto kayo enough to know na dapat hindi na kumalat pa ang PAMBABABOY na ito.”

Manyak ka pa rin?

Samtang si Maris didto sa twitter nipabuhagay sa iyang gibati.

Tweet niya: There’s an edited photo of Sue and I spreading online.

“Kung sino man ang nag edit nun, wala kang utak.

“Itigil na ang pambababoy ng katawan ng mga babae. Pagaari namin ‘to. “2021 na, manyak ka pa rin? Magbago na.”

Sheryn, nagsorry sa iyang anak

Nihilak ang Sugbuanong si Sheryn Regis samtang nangayo og pasaylo ngadto sa iyang anak nga si Sweetie Echeverri kinsa tua sa Texas ug mag-debut na sunod bulan.

Nangayo og pasaylo si Sheryn ngadto sa iyang anak sanglit dili pa siya makalupad paingon sa Texas gikan dinhi sa Pilipinas.

"Ngayon na nandito ako sa Pilipinas, it's really hard na malayo sa anak. Eighteen na siya this coming February 11 at wala ako. It's too risky for me kasi feeling ko hindi ako ganyan ka-strong sa katawan. 'Yung stopover namin kailangan dalawa talaga before makarating ng Houston, Texas kaya ganoon. So ang hirap," nagkanayon siya sa iyang pag-guest sa Magandang Buhay sa ABS-CBN.

Sa maong show nagkaistorya sila si Sheryn ug Sweetie pinaagi sa Zoom app. Dinhi, "I'm so sorry, Sweet, I won't be there... Thank you for understanding. Kung ibang anak ito, 'Mommy, it's my 18th birthday and you are not here.' She said na, 'Mommy, it's fine, it's fine. I don't want you to risk your health or whatever.’ Naiintindihan niya ako.”

Nakasabot ra si Sweetie ug nagkanayon kini, "It's okay. There are going to be many more days that you are going to be here with me."

Showtime, isalida pud sa TV5

Medyo na nadakin-as ang dila ni Asia’s Songbird Regine Velasquez kay nipadayag kini nga sinugdanan pa lang ang ASAP Natin To ug FPJ movies sanglit isalida sab matud pa sa TV5 ang Magandang Buhay, It’s Showtime ug mga teleserye sa ABS-CBN. “Every Sunday na yan (ASAP and Da King sa TV5), and i think it will start lang with ASAP and then the FPJ movies eventually will have uhm Showtime of course, hopefully”, nagkanayon siya atol sa virtual presscon sa umaabot niya nga Valentine Concert, nga giulohan og Freedom.

Dugang niya, “And then eventually some of the soap’s, eventually magkakaroon din ng Magandang Buhay.”

Kun basehan ang panahayag ni Regine, hayan sa Marso magsugod ang maong mga shows sa TV5 sanglit niining bulana mahuman ang kontrata sa Brightlight Productions sa nahisgutang estasyon. Ang Brightlight blocktimer nga maoy nipalit sa airtime nga gigamit karon sa ASAP Natin To ug sa noontime show nga Lunch Out Loud.

Ikaw na Liza!

Nauyonan og mga Thai actors si Liza Soberano. Si Luke Plowden ni tweet kang Liza ug nipahibawo nga daghan matud pa siya og Pinoy fans nga niingon niya nga siya maoy male version sa aktres sanglit anggid silag dagway. Human niini, ang bida sa BL series nga 2Gether nga si Bright Vachirawit, ni follow kang Liza sa Instagram.

Kapatid Gretchen

Pormal na nga nibiya si Gretchen Ho sa Kapamilya Network sanglit nibalhin na siya sa TV5. Puno sa pasalamat ang kasingkasing ni Gretchen para sa ABS-CBN nga maoy nag-amoma niya isip host sulod sa pito ka mga tuig. Nakita siya kaniadto sa Umagang Kay Ganda ug sa sports coverage sa Studio 23. Sa TV5, naa siya sa Frontline Pilipinas news program ug hatagan sab siyag responsibilidad sa Cignal TV nga usa ka sports oriented station.

Dipa sure

"Let's wait and see", ang tubag ni Brightlight Productions owner Albee Benitez sa pangutana kun morenew ba siya sa iyang blocktime contract inig ka pupos niini karong umaabot nga Marso. Tulo ka shows na lang ang nagpadayon karon sa TV5 nga iya sa Brightlight. Kini mao ang Rated Korina, Oh My Dad ug Lunch Out Loud. Suma pa nga nikabat na ngadto sa P500 million ang alkanse sa Brightlight human wala nakabawi sa puhonan ang ubang shows sama sa Sunday Noontime Live.

Wa gyud nisulti

Moretiro na si Sandra Lemonon sa pagsalmot og beauty pageants. Sa usa ka IG post niadtong nilabay nga adlaw, gibutyag niya ngadto sa iyang followers nga ang Miss Universe Philippines ang katapusan niyang pageant. Kahinumduman nga nakontrobersyal si Sandra dihang gibutyag niya sa nilabay nga tuig nga aduna siya'y pabuthong issue kabahin sa maong pageant diin naapil siya sa Top 16. Apan hangtud karon wala gihapon giyagyag ni Sandra ang iyang giingon.

Comeback movie ni Claudine

Giandam na ang script alang sa comeback movie ni Claudine Barretto. Si Eric Ramos ang scriptwriter, ug si Joel Lamangan ang direktor. Ang Borracho Films ang producer sa pelikula. Naghinam-hinam na si Lamangan niini sanglit first time siya nga mamahimong direktor ni Claudine sa pelikula.