Dili lalim

Giangkon ni Nathalie Heart nga naglisud gyud siya karon sa aspetong pinansyal. Ang tanan matud pa niyang kinitaan nga para unta sa iyang anak nagamit para sa iyang negosyo. Pero laban lang gyud niya pa kay ma okay ra ang tanan puhon. Apan niya pa, dili gyud lalim ang kinabuhi sa usa ka single parent. Lakip si Nathalie sa pelikulang Steal sa Viva Films nga nibukas na sa mga sinehan niadtong Biyernes sa mga dapat nga ubos sa modified community quarantine.

Binuhatan sa kontra

Gihimakak ni Mocha Uson ang intriga nga nagsabak siya sa anak ni Robin Padilla. Nangayo siya og dispensa ngadto nila ni Robin ug Mariel Rodriguez nga nadamay pa sa maong intriga. Suma pa niya, binuhatan matud pa ang maong tsismis sa ilang mga kontra sa politika.

Soon to be mommy

Nag mabdos gyud tinuod mao si Roxanne Barcelo. Gipahibawo kini ni Roxanne pinaagi sa iyang Youtube vlog sa nilabay nga adlaw. Duha ka semana na ang nilabay dihang giangkon sa 36-anyos nga aktres nga minyo na siya ngadto sa usa ka non-showbiz guy nga hangtud karon wala pa niya gipaila. Suma pa niya, surpresa para nila sa iyang bana ang iyang pagsabak sanglit niingon matud pa ang ilang ob-gyne nga medyo madugay pa usa siya momabdos.