^

Dingdong, nakamabdos og 20-anyos?

(Banat) - January 23, 2021 - 12:00am

CEBU, Philippines — Nagdahunog ang tsika online sukad pa niadtong Huwebes nga matud pa nakapamabdos og starlet ang 40-anyos nga actor nga si Dingdong Dantes ug giingong hapit na kini manganak.

Ang starlet nga gipasabot mao ang kanhi child star ug commercial model nga si Lindsay de Vera kinsa makaduha na ka higayon nakatrabaho ni Dingdong sa GMA7.

Una silang nagkauban sa teleserye nga Pari 'Koy niadtong 2015 ug sa Alyas Robinhood pagka 2016.

Sa Alyas Robinhood, 16-anyos si Lindsay niadtong tungora diin gipadayag niya nga pangandoy niya nga mamahimong leading lady sa iyang "Kuya Dong" sa higayon nga mag-edad na siya og 20.

Mag 21-anyos na si Lindsay karong January 26. Hilom pa ang duha ka mga habig kabahin niining maong tsika nga gipistahan na og maayo sa nagkadaiyang social media platforms.

Nag-deactivate na si Lindsay sa iyang IG account.

Samtang, ang asawa ni Dingdong nga si Marian Rivera nagpost og hulagway nila sa iyang bana kagahapon sa hapon.

Sa iyang verified FB page nga may 24M followers gi-upload ni Marian ang hulagway.

Wala siyay laing gisulti. Igo ra niyang gibutangan, Happy Friday, isip caption.

Kristoffer, daddy na diay...

Gikompisal sa 26-anyos nga si Kristoffer Martin ngadto sa 24 Oras sa GMA7 niadtong Huwebes nga usa na siya ka amahan ngadto sa kwatro anyos nga batang babay nga ginganlan niya og "Pre".

Proud ug pinangga matud pa niya kaayo ang bata nga atua sa inahan niini sa Olongapo. Suma pa niya wala sila magkatakdo sa inahan ni Pre apan managhigala sila tungod ug alang sa ilang anak.

Giklaro sa Kapuso actor nga wala niya itago ang iyang anak, igo lamang niyang gipanalipdan ang privacy niini.

Apan daghan siyag mga higala sa showbiz nga nasayud na kabahin ni Pre sama nila ni Alden Richards, Bea Benene ug Rodjun Cruz. Ug kun aduna man gani mangutana kabahin sa iyang anak iya sab kining sultihan sa tinuod.

Suma pa ni Kristoffer nagpaabot lang gyud siya og timing nga mapaila na niya ngadto sa publiko ang iyang anak nga pinangga kaayo niya.

“Baseless gossip”

Nihangyo si  Mariel Rodriguez nga hunongon na  niya pa walay basehanan nga tsika nga matud pa napamabdosan sa iyang bana nga si Robin Padilla ang public official nga si Mocha Uson. Suma pa niya nagbangotan pa ang iyang bana sa kamatayon sa igsuon niini nga si Royette ug walay matabang kining maong tsika ngadto sa actor. Nagsugod ang tanan sa blind item sa PEP nga matud pa sa a controversial personality ang mabdos karon ug usa ka sikat nga actor ang amahan niini. Si Robin ug Mocha ang tag-an sa netizens, diin ang uban gi-tag sa maong tsika si Mariel pinaagi sa Instagram niini.

Dili magtrabaho

Wala nakitang posibilidad si Ellen Adarna nga magkatrabaho sila puhon sa kanhi niya partner ug amahan sa iyang anak nga si John Lloyd Cruz. Matud ni Ellen, drama actor si Lloydie samtang comedy ang iyang gustong buhaton. Kahinumduman nga nagsugod ang relasyon nila ni Ellen ug Lloydie sa ABS-CBN sitcom nga Home Sweetie Home.Karon, nibalik si Ellen sa showbiz human sa mga tulo ka tuig nga pagpalayo. Kini pinaagi sa sitcom nga John En Ellen kauban si John Estrada ug isalida na sa TV5 karong umaabot Domingo, January 24.

Posibling mag-GMA7!

Wala gibasura ni Mr. M o Johnny Manahan ang posibilidad nga motrabaho sa GMA7 sa umaabot. Suma pa niya “trooper” matud pa niya, apan pagkakaron gusto niya nga mopahuway ug magpahayahay una sanglit 50 ka mga tuig siya nga walay hunong pagtrabaho sa showbiz industry. Mahimo sab matud pa siya nga mobalik sa ABS-CBN, apan unya na kun makita na sa mga tawo didto ang kahayag. Kahinumduman nga nabalita sa Banat News kagahapon nga ang rason nganong nibiya si Mr. M sa ABS-CBN human sa 40 ka mga tuig mao nga nasagmuyo siya sa gimugna nga “shadow talent center” nga nakomptensya sa Star Magic ug wala matud pay gibuhat ang management niini sulod sa tulo ka tuig niyang pakigbisog kabahin niini.

Maja, suportado ang ASAP!

Gi-upload ni Maja Salvador sa iyang Instagram account ang pahibalo kabahin sa gitakda na nga pagpasallida sa TV5 sa ASAP Natin To sugod ugma puhon sa udto. Tulo ka hearts nga kolor blue, red, ug green nga maoy colors sa ABS-CBN ug lima ka praying hands emojis ang gilakip ni Maja sa mao niyang post. Kahinumduman nga sa ASAP gyud nagsugod si Maja ug sa daghang mga katuigan nabaid ang iyang potential sa pagsayaw hangtud nga gideklara siya nga Queen of Dance Floor. Nikuyog siya kang Mr. M sa nilabay nga tuig aron mamahimong main host sa Sunday Noontime Live, ang show sa Brightlight Productions sa TV5 sugod niadtong October 18 hangtud January 17. Ang timeslot nga gibakante sa show ni Maja maoy gamiton sa ASAP Natin To.

Dili pa magminyo!

Giklaro ni Bela Padilla nga dili kasal  ang iyang pasabot sa iyang IG post nga “2021” niining bag-o lang. Suma pa niya, kabahin kini sa iyang pag-level up na isip film director karong 2021. Angayan matud pa nga masabtan sa kadaghanan nga daghan pa ka og mahimong buhaton aron mapalambo ang kaugalingon ug dili kay sa aspeto sa gugma lamang.

DINGDONG DANTES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with