^
Dakong alkanse...

Dakong alkanse...

(Banat) - January 21, 2021 - 12:00am

CEBU, Philippines — Medyo nanluod si Mr. Johnny Manahan sa tag-iya sa Brightlight Productions nga si Albee Benitez sa kalit nga pag-goodbye sa Sunday Noontime Live sa TV5.

Tsika niya sa www.pep.ph, gipasaligan sila nga balig duha ka seasons o unom ka bulan ang ilang pag-ire, apan kalit na lamang matud pa silang giingnan nga mag-replay na lang sila sunod semana. Ang rason mao nga alkanse gyud ang Brightlight sa nahisgutang noontime show ug dili mabawi ang kapin P3M nga budget kada episode.

Kini kay mahal na daan ang airtime o bayad sa pagsalida niini sa TV5, sanglit blocktimer o igo lamang nipalit og oras sa estasyon ang Brightlight Productions.

Butyag pa ni Mr. M ngadto sa PEP, nihangyo sila sa TV5 nga malugwayan sila og usa pa ka episode aron unta makapanamilit sila og tarong, apan nahatag na matud pa ang ilang timeslot ngadto sa lain.

 Kahinumduman nga nabaniog na nga ASAP Natin To na ang molugwa karong Domingo o January 24, sanglit tipik kini sa partnership deal sa ABS-CBN ug TV5.

I’m bleeding money”

Tsika ni Mr. M sa PEP: “He told us late na. We were preparing na for the next cycle of taping.

“’Tapos bigla na lang sasabihin we have to pack up the show. ’It’s a big loss. I’m bleeding money, blah blah.’”

Hunahuna ni Mr. M, “’My God, you should have done the math, I could’ve saved you trouble.’

“He spent a lot of money, ‘tapos di rin pala alam what the rates were and whether it would generate enough to cover iyong expenses.”

Hasta si Bianca…

Sunod semana na matud pa ipakita ang pagkamatay sa character ni Yassi Pressman sa FPJ’s Ang Probinsyano sa Kapamilya Network.  Wagtangon na sab matud pa ang character ni Bianca Manalo nga sidekick sa character ni Yassi. Ang tsika nagkahiubsanay matud pa sila si Coco Martin ug Yassi maong mobiya na ang nauwahi. Apan ang opisyal nga pamahayag sa Viva Artist Agency nga maoy nagdumala sa career ni Yassi mao nga adunay mga naka lineup nga laing projects ang actress hinungdan nga kinahanglan na niyang biyaan ang maong serye human sa lima ka mga tuig.

Maja, mUra’g maglisud

Pangutana karon kun makabalik pa ba si Maja Salvador sa Kapamilya Network karon nga nawagtang na sa ere ang Sunday Noontime Live nga ginama sa Brightlight Productions ug gisalida sa TV5. Ang tsika sa SCOOP FB page mao nga mao nga gipugnan gyud unta si Maja sa ABS-CBN management, apan matud pa, ni-demand kini og guaranteed contract. Ang guaranteed contract nagpasabot nga bisan walay proyekto nga gihimo ang usa talent aduna gihapon siyay sweldo o talent fee nga madawat. Suma pa, nanluod pa ang ABS-CBN kang Maja.  Samtang nangayo og pasaylo si Mr. M ngadto kang Maja nga niya pa nagduhaduha og kuyog niya sa TV5, pero gumikan sa ilang kasuod, niuban gyud niya.

Piolo,  pabalikon na

Pero si Piolo Pascual, gikatahong pabalikon na sa ASB-CBN, karon nga nawagtang na ang Sunday Noontime Live. Suma pa sa SCOOP, usa ka teleserye ug concert matud pa ang nagpaabot kang Piolo sa iyang pagbalik. Suma pa, nananinghid si Piolo ug gitugutan siya sa management nga motabok una sa TV5 pinaagi sa Brightlight Productions.

Claudia, nisunod kang Julia!

Hingpit na nga musulod sa showbiz ang manghud ni Julia Barretto nga si Claudia. Mahisakop na si Claudia sa Viva Artist Agency, nga mao sab ang bag-ong management ni Julia. Singing ug hosting ang targets ni Claudia.

Seryoso gyud

Suma pa sa Lonie o nila ni Ronnie Alonte ug Loisa Andalio sa interview ni Erich Gonzales sa latest vlog niini nga naka mindset na gyud nga para sila sa usag-usa. Suma pa nila nga dili man tuod matag-an ang umaabot pero gihunahuna gyud nila nga sila maoy magkadayon hinungdan nga giugmad ug gipalambo gyud nila ang ilang relasyon sa kanunay. Rason pa ni Loisa, dili ka musulod og relasyon kun maghunahuna ra diay ka nga dili mo magkadayon.

Direk Bela…

Direktor na si Bela Padilla. Siya maoy director ug lakip sab sa cast sa pelikula nga adunay working title nga “366”. Kauban niya niining maong pelikula sila si Zanjoe Marudo ug JC Santos. Wala pa nidetalye si Bela kabahin niini, nabaniog lang kay nag-post si Zanjoe kabahin sa maong pelikula nga nag-lock in shooting na didto sa Manila. Mao ni directorial debut ni Bela. Pero mahinumduman nga siya maoy writer sa blockbuster movie Camp Sawi niadtong 2016, ug sa pelikula nila ni Piolo Pascual ug Toni Gonzaga nga Night & Day.

Congrats, Juancho!

Mapasigarbuhon nga gipaambit ni Unang Hirit co-host Juancho Trivino nga naka graduate na gyud siya sa kursong Entrepreneurship human sa 12 ka mga tuig. Gipaambit niya nga dili gyud lalim iyang pagsakripisyo aron lang gyud molampos. Una niini, nikuha siya sa maong kurso niadtong 2009 didto sa Laguna. Apan nasulod siya sa showbiz busa niundang una siya. Paglabay sa pipila ka mga tuig, nahunahuna niya nga kinahanglang baslan niya ang paningkamot sa iyang mga ginikanan busa nibalik siya og eskuyla didto na sa Manila. Walay tugpahay gyud iyang drama gumikan kay gidungan niya ang showbiz ug ang pagtungha.

May gani natag-anan

Natag-anan gyud ni Vice Ganda nga ang iyang idol nga si Regine Velasquez ang contestant number 2 sa Hide & Sing segment sa It’s Showtime niadtong Martes bisa’g giipit pa ni Asia’s Songbird ang iyang tingog pagkanta niya og Kapag Tumibok Ang Puso. Matud ni Vice nga dili gyud niya mapasaylo iyang kaugalingon kun wala pa niya natag-anan sanglit fan baya gyud siya. Guest si Regine kay gi-promote niya ang iyang umaabot nga concert, ang Freedom karong February 14.

Friend ra lagi

Gitubag agig pangutana ni Derek Ramsay ang usa ka netizen nga ni-komento nga human matud pa napul-an ang actor kang Andrea Torres, karon si Ellen Adarna na sab. Matud ni Derek: di ba pwedeng kaibigan lang? Dungan niini, nag-post si Derek og quote sa iyang IG account nga nagkanayong kun unsa man gani ang madungog kabahin niya, tuohan na lang kini kay wana siyay panahon nga ipasabot pa iyang kaugalingon ug nga kun may buot man ganing idugang nga tsika, buhaton na lang sab.Kahinumduman nga nabalita na nga gikapoy na siya sa sunod-sunod nga intriga human sila nagbulag ni Andrea.

JOHNNY MANAHAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with