Go go girl, Ivana!

Andam na si Ivana Alawi sa posibilidad nga mas modaghan ang kalalakin-an nga magpantasya na niya karon nga nigawas na ang mga kalendaryo niya isip Tanduay Girl 2021.

“Nakakatuwa at nakaka-flatter yung ganun. To be admired, ibig sabihin, may qualities silang nakita sa akin na worth admiring,” lahad niya. “Pero siyempre, mas gusto ko pa rin na makilala ako as an actress,” nagkanayon siya ngadto sa PUSH.

Dream come true alang kang Ivana ang maong product endorsement ug malipayon siya sa positibong reaksyon nga nadawat niini.

“Happy ako na ako ang napili,” niya pa. Padayon niya, “Hindi lahat ay nabibigyan ng pagkakataon na maging calendar girl. Masaya rin ako dahil positive ang feedbacks ng photos at collab namin with Mark Nicdao. Proud ako to be part of Tanduay's family.”

Usa si Ivana sa labing sikat nga social media personalities sa Pilipinas. Gani nabalita dinhi sa Banat News Hugyaw kagahapon nga tulo ka videos niya ang nalakip sa Top Trending Videos in the Philippines 2020. Ang video niya kauban si Raffy Tulfo anaa sa ikadua nga pwesto. Ang collaboration nila ni Alex Gonzaga anaa sa ikatulong pwesto. Ug ang boyfriend prank video niya maoy ikaupat.

Adunay 6.3 million followers sa Instagram si Ivana ug 10 million ang iyang subscribers sa Youtube.